Emakumeak borrokan
XIBEROKO BOTZA

UDAZKENEAN ZINKA GAINEAN

  • Ekimen ugari antolatu du ekainean Xiberoko Botzak Maulen egoitza berria erosteko. Dirua biltzen jarraitu behar dute beraz, datorren udazkenerako lokala amaitua egon dadin.
2000ko ekainaren 18a
Zinka ostatuaren lehen pisuan dagoen lokalaren berriztapen lanak heldu den udazkenerako amaiturik egotea espero dute Botzakoek. Obren burutzeko 300.000 libera inguru (7 milioi eta erdi pezeta) behar dira. Hormigoi geruza jarri ondoren, hosgabetze lanari ekinen diote eta, azkenik, tresnak ipini. Obretan hogei bat lagun ari dira laguntzen, irratiko lankideak herritarrak eta ofizialak barne direla. 90 metro karratuko egoitza euskal kultura sustatzea xede duten beste zenbait elkarteren azpian egotea lagungarri zaie.
Orora, irrati egitasmo berria abiarazteko kostua 600.000 bat liberan (15 milioi pezeta inguru) ibiliko da. Subentziorik ez dutenez, martxoan hasitako kanpainak ekitaldi hauetan du oinarri eta, horren kariaz, behar beharrezko dute ekitaldiak kutunki apailatzen jarraitzea jendea hunkitzeko asmoz. Kontu korronte bat ere irekia da horretarako.
Diru bilketaz landa haatik, aldi berean jendeak Zuberoa hobeki ezagutzeko parada ukan dezala lortu nahi da. Irratiko eledunek prentsaurrean adierazi zutenez, Hego Euskal Herrian gauzatu diren ekintzek erantzun beroa izan dute jendearengandik, hala nola, Mustraka ikusgarriak eta Ipar Hegoa ekimenak Lezo eta Seguran. Harrera ona ikusita, hil honetan kontzertu eta antzerkiak egin dira Bilboko Kafe Antzokian eta Lekeition. Hurrengo hitzordua Iparraldeko GotaƱe-Irabarnen izanen da hilaren 17an sagarno gaualdia prestatu baita han. Hilaren 24an azkenik, Barkoxeko kantari nahiz dantzariek Andoainen jardungo dute

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Azkenak
EGILEA
Eguneraketa berriak daude