BOTIKA BOTILAN

  • Udaberrian, ez txotx garaian, bihurtzen da sagardoa sagardo. Orain da sagardoa upeletik botilara pasatzeko unea. Sagardo hau hainbat gaixotasuni aurre egiteko ona da gainera.

2017ko azaroaren 28an
Sagardoaren txotx garaia bukatu dela eta benetako sagardoa, sagardo ona, edan nahi duenaren sasoia orain hasten da. Txotx garaiak jendea babotu eta batzuk aberastu egin ditu azken urte hauetan. Joera hau sagardo, sagar, sagarrondo eta baserritarrarentzako zeharo aldrebesa izan da. Gaur egun sagardogintza-teknika industrialak erabiltzen dira tolare-sagardotegietan eta, baserrietan ez bezala, sagardoa ia urte osoan botilaratzen dute. Hala ere, sagarraren zukuak bere mikatz-punttu paregabea aurkitze aldera, udaberri hasiera hau izan da bukoi eta upel handietatik botilara pasatzeko sasoia. Orain izango da sagardoa sagardo. Lehen dastatu eta orain asetu.

Asetu eta osatu. 1902ko abuztuan Frantziako Zientzia Akademiak Europan zabaldutako tifus izurriteari aurre egiteko, Bodin doktorearen lanen ondorioak ontzat eman eta sagardoa edatea gomendatzen zuen. Royo Villanova doktoreak ere aurreko hilean "La Voz de Guipuzcoa" egunkarian gomendio bera argitaratu zuen. Ordurako, 1883an, Caengo Ospitaleko Dumont doktoreak gizentasuna, harriak, hezueria edo artritisa zutenei sagardoa edatea agintzen zien, ardoa eta garagardoa galeraziz. Ea bada, sagardo botila ireki eta osasunarekin hustu,

Azkenak
Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


2024-05-27 | Garazi Zabaleta
Arsue zerbitzua
Ardi suhiltzaileak Lizarran

Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]


Udan datorren buztingilea

Hego luze eta zorrotzak eta v formako urkila-itxuradun buztana duen hegazti hau ikustean badakigu Euskal Herrira uda heltzear dagoela. Bizkarraldea eta buztana beltzak ditu, distira urdinxkekin, papar gorria eta azpialdea, aldiz, zurixka. Euskaldunon sinesmenetan presentzia... [+]


2024-05-27 | Jakoba Errekondo
Bertan bertan... erlesemeari

Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.


Eguneraketa berriak daude