URREZKO OTADIAK

  • Otea loratzen denean hasten da udaberria. Landare honek lur beltza babesteaz gain, sustraietan dituen bakterioen bidez, hurrengo mailako bizidunentzat ongarria sortzen du.

2007ko otsailaren 21an
Ohiturak dionez otea (Ulex europaeus) erabat loretu arte ez omen gera udaberrian sartzen. Badator, bada udaberria; txoko babesenetako oteak urrezko lorez mukuru dira eta gainontzekoenak zabaltze bidean dira. Aranondo, gereziondo eta madariondo gero eta bakanagoen loretza zuriekin batera urre-kolorearen garaia da hau, fu eginez haziak zabaltzen dizkiogun txikori-belarra (Taraxacum officinalis) belazeetan eta otagarak txara eta penditzetan dira nagusi.
Nekazariek eta abeltzainek utzitako lurrak bereganatzen iaioa da otea. Zuhandorra, zumalikarra eta laharrarekin batera zeinek eremu handiagoa hartu, hor borrokatuko da. Urkia, pinua, karraskila eta abar gero etorriko dira, eta atzetik astigarra, hagina, ametza, haritza edo artea. Lur beltza babestu eta sustraietan dituen nitrogenoa airetik lurrera biltzen duten bakterioen laguntzaz hurrengo mailakoentzako ongarritzen duenez, ustiatutako izadia eta natura naturalaren arteko urrezko koska da otea. Honexegatik joko dugu arerioetan etsaiena. Jo, lehen ere jotzen zen. Orain museotan aurkitzen diren tramankulu aproposetan jotako otea bazka ederra zen larre urri edo berde-urruti sasoietan kolore guztietako aziendentzat. Orain jo, begiz jo ezazu otadiaren urrea, basoaren larru-azaleko zauriak orbaintzen dituen iodo horia


Azkenak
Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


2024-05-27 | Garazi Zabaleta
Arsue zerbitzua
Ardi suhiltzaileak Lizarran

Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]


Udan datorren buztingilea

Hego luze eta zorrotzak eta v formako urkila-itxuradun buztana duen hegazti hau ikustean badakigu Euskal Herrira uda heltzear dagoela. Bizkarraldea eta buztana beltzak ditu, distira urdinxkekin, papar gorria eta azpialdea, aldiz, zurixka. Euskaldunon sinesmenetan presentzia... [+]


2024-05-27 | Jakoba Errekondo
Bertan bertan... erlesemeari

Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.


Eguneraketa berriak daude