Irrati orekatu baten printzipioak bete ohi dituzte Radio Euskadin. Gaueroko «Ganbara» tertulian, kasu, ahalegintzen dira Espainia aldeko tertulia lumatzaile-iraingarrietatik aldentzen, edozein solaskidek beroan bota ditzakeen zirtoak zapuztuz. Eredugarria da zinez. Batzuetan ostera, ez da hain erraza marra non dagoen bereiztea; azken batean, solaskidea bere iritzia ematen ari delako. Lehengoan, Buesa jaunaren hitzak entzun berri, solaskide bat PSEren jarrera deitoratzen hasi zen. Ba, hasi ahala, saioaren gidariak berehala moztu zion kalaka, Buesa ez zegoela antenan erantzun ahal izateko