Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
astelehena 2024ko maiatzaren 06an
INPERIOAREN KONTRAERASOA
Nafar petoen irratia izan nahi du, programazio etiko eta kulturala eginez. Ondo dago hain asmo aurrerakoiak edukitzea; aireratzean beste irratiak lohitu egiten ditu baina, euskarazkoak hain zuzen. Inaugurazio ekitaldian, noski, hor ziren Sanz presidentea eta Barcina alkatea, irribarrea ezpainetan zutela, ongi atera baitzaie karanbola: Euskalerria Irratiari lizentzia ukatu eta euskaraz heltzen diren bi seinaleak deuseztatzen saiatu, bingo! Mikel Bujanda Euskalerria Irratiko zuzendariarekin mintzatu gara. «
Iaz, baimenen banaketa egin zela, Net 21 eta Opusek eskuratu zituzten, gu hirugarren utzita, nahiz eta guk argi eta garbi irabazi. Hasteko, Opusek ez zituen eskatu baldintzak betetzen, ez formalak, ez edukizkoak. Batetik, merkataritza erregistroan ez dago, zergatik ote? Beraiek diote, erlijio elkarteen erregistroan daudela. Baina hori egoera ilegala da, unibertsitate gisa ezin baitaiteke hor izena emanda egon. Bestetik, ez du langilerik, ez dute deus kobratzen eta egiten duen euskarazko eskaintza irrigarria da. Informatiboak entzutea baino ez dago
».
Nafarroako diputazioak azpijoko horretan sartzea iradoki zielakoan dago Bujanda: «
Nafarroako diputazioak azpijoko horretan sartzea iradoki zielakoan dago Bujanda: «
zuek jarriko zaituztegu tartean, Euskalerria Irratiari lizentzia eman ez diezaioten. Amarru zikin horretan sartu ziren, bestela ez da ulergarria Opusekoek halako egitasmo hutsala aurkeztu izana. Txosten inprobisatua baita, katalogoetako deskribapenekin osatua
». Esan bezala, Opusekoen frekuentzia Euskadi Irratiak Nafarrora bidaltzen seinalea oztopatzen ari da. «
Horrek irtenbide alternatiboa bilatzera eraman gaitu, gure bitartez heltzen baita seinalea. Horri esker, Iruñerriko entzuleek Euskadi Irratia entzuten ahal dute
» diosku Bujandak. Hori gutxi balitz, Net 21ek darabilen frekuentziak Euskadi Gaztea erabat estali du. Hori ere kasualitate hutsa da, noski
Irakurrienak
Matomo erabiliz
#1
Beranduegi
|
ARGIA
#2
Xabier Letona Biteri
#4
Jenofa Berhokoirigoin
#6
Danele Sarriugarte Mochales
Azkenak
Eneko Etxeberria: “Ez nioke nire semeari Jose Miguelen bilaketaren zama utzi nahi”
Jose Miguel Etxeberria Naparra-ren gorpua aurkitu gabe bukatu da Frantziako Landetan egindako bigarren indusketa. 44 urte dira militantea desagertu zenetik eta bere familiaren belaunaldi batetik bestera pasa da bere bilaketaren zama. Azken indusketa honek ez du, berriki hildako... [+]
2024-05-06
Gedar
Asteartean hustu nahi dituzte Otxantegi Herri Lurrak
Hirugarren aldiz, Berangon birjabetutako lurrak husteko data berri bat ezarri dute. 08:00etan bertaratzera deitu dute Otxantegi Herri Lurretako kideek.
2024-05-06
Zigor Olabarria Oleaga
"Elkarren berririk izan gabe lelo berdina hautatu dugu, 'Palestinako umeak gureak ere badira': esanguratsua da"
Gasteizko hezkuntza komunitateko hainbat zentrok eta eragilek ekimena antolatu dute maiatzaren 10erako, Palestinako umeak gureak ere badira. Genozidioa gelditu! lelopean. Urriaz geroztik zenbait eskola ekimenak antolatzen hasi ziren Paletinarekin elkartasunez, nork berea;... [+]
Eguneraketa berriak daude