EUSKAL KULTUR ASTEA RENON


2021eko uztailaren 19an

EUSKAL KULTUR ASTEA RENON

Estatu Batuetan inoiz izan den euskal jairik handiena egin nahi dute uztailaren 19tik 25era Renon. Kultur aste honetarako ekitaldiz betetako egitarau oparoa atondu dute, EEBBetako euskal komunitateko kide guztien topagune izateko asmoz. Aste eta leku berean Estatu Batuetako euskal etxe guztien arteko bilera nagusia egingo dute. Jaialdi honen antolakuntzan lagunduko dute, besteak beste, Eusko Jaurlaritzak, Nafarroako Gobernuak eta Euskal Kultur Erakundeak.


EUSKAREN LEGEA AZTERGAI

Eusko Ikaskuntzak eta Herri Arduralaritzaren Euskal Erakundeak, EHUko Udako Ikastaroen baitan, Euskararen Normalkuntzaren Legea (17 urte igaro dira indarrean sartu zenetik) garatzeko hausnarketa egitea erabaki dute. Uztailaren 1, 2 eta 3an egingo da bilkura Donostiako Miramar Jauregian. Nafarroako Vascuencearen Legea ez dute oraingoz aztertuko.


FILMAK EUSKARAZ

Tinko Euskara Taldeak eta «Euskaldunon Egunkaria»k antolatutako «Zinema Izarpean» ekimenak euskarazko filmen eskaintza zabaltzea du helburu. Uda honetan bost film eskainiko dituzte Euskal Herriko herrietan barna: «Errebelde baten egunkaria», «AnnaannA», «Rudy txerria», «Charlie eta Luise» eta «Big». Egunotan postaz bidaltzen ari zaie udaletxeei proposamena, eta aurki izango dute harreraren berri. Antzokietatik aparte eskainiko dira filmok, herrietako edozein txokotan, frontoian edota plazan.


EUSKAL DIALEKTOLOGIA

Oraintsu kaleratu du Koldo Zuazok «Arabarrak Euskararen Herrian» liburua (honen berri zabalagoa duzu «Araba Euskaraz» berezian, ale honetan bertan). Honi buruz ez baina euskal dialektologiaren inguruko hitzaldietan eskuhartuko du beste zazpi irakaslerekin batera EHUko Udako Ikastaroetan. Nafarroako hizkerak, azentuak, eta Donostia eta Deba arroetako hizkerak aztertuko dira bertan.


Azkenak
2024-06-25 | Gedar
Desokupazio-enpresa batek su eman dio Tenerifeko Maizterren Sindikatuaren lokalari

Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.


EuskarAbentura hasteko astebete

Uztaila hasteko astebete falta da, astebete falta da Euskarabentura abiatzeko. Asier Guantes izan dugu telefonoaren beste aldean, espedizioko xerpa, begiralea.


Igari eta Bidankoze arteko errepidea eraiki zuten frankismoaren esklaboei omenaldia egin diete

1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]


2024-06-25
Pantxoa Etxegoin
“Euskararen diagnostiko bateratu bat erdietsi nahi dugu Iparraldean euskara biziberritzeko”

Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.


Eguneraketa berriak daude