NAFARROAKO BI KUTXAK ELKARTZE BIDEAN DIRA
- Erabaki honek hainbat urtetan kontrako iritziak jaso ditu kutxetako bi buruen ahotik, baina orain, agidanez, iritziz aldatu dute. 2000. urteko urtarrilaren 1erako gauzatua egotea espero dute.
EAE eta Nafarroako kutxak batzen dituen Euskadi eta Nafarroako Aurrezki Kutxen Federazioaren baitan egon arren, Nafarroako kutxak bere kasa ibili dira beti, are gehiago bategitea bezalako gai korapilotsuari heltzeko orduan. Horrela, 10 urte hauetan EAEko probintzia bakoitzeko Aurrezki Kutxek bat egin duten bitartean, Bizkaian BBK, Gipuzkoan Kutxa eta Araban Vital kutxa eratuz, bere bide propioari eutsi nahi izan diote Nafarroako kutxek.
Orain, EAEko bategite prozesuak kutxa bakarra ahalbidetuko duen honetan, kudeatzaile eta politikari nafarrak mugitzen hasi dira 2000. urtean bi kutxek bat egitea lortzeko. Nafarroako aurrezkien erdia kudeatuko du kutxa berri eta bakar honek, 800.000 milioi pezeta inguru, alegia.
Kudeatzaile eta politikarien arteko tirabiren ostean, hasi dira azkenean bi kutxen arteko elkarrizketak eta burutu beharreko bategite eredua zehazteko batzorde ezberdinak sortuak dira dagoeneko. EAEko aurrezki kutxen bategite prozesuan izandako eskarmentuak alde guztien arteko negoziaketa bideratzeko lagungarri izan beharko luke.
Esan behar da Nafarroako bi aurrezki kutxek harturiko erabakiak finantzekin baino politikarekin duela zerikusia, bi kutxetako arduradunak bategite prozesuaren aurka azaldu baitira beti. Izan ere, UPN-k kontrolatutako Nafarroako Aurrezki Kutxa eta beste autonomi erkidegoren bateko kutxen arteko bategiteaz ere hitz egiten hasi ziren. UPN eta CDN-ren arteko gobernu hitzarmenak ordea, Nafarroako bi kutxen arteko bategite prozesua arindu du, CDN-k IUAK kontrolatzen baitu.
Sindikatuak ari dira dagoeneko horrelako ezaugarriak dituen bategite batek plantiletan zer nolako eragina izan dezakeen aztertzen, bulego bikoizketa, soldata parekatzea eta soberan geratuko diren lanpostuak aintzat hartuz. Izan ere, egindako azterketaren arabera, bi kutxek batera dauzkaten 265 bulegoetatik eta 1.300 langileetatik, 50 eta 150 leudeke, hurrenez hurren, soberan. 150 lanpostu horiek aldez aurretiko erretiro bidez ezabatuko lirateke
1.000 euskaltzale eta kulturazale baino gehiago giro goxoan ibili dira Ziburuko liburu eta disko azokan, eta larunbat goiz eta arratsaldez gozatu dute hitzaldi, kontzertu eta liburu aurkezpenez. 33 argitaletxe eta 10 diskoetxeren lanak ezagutzeko eta erosteko aukera probestu... [+]
Datorren ikasturtetik aurrera, euskaltegietan A2 mailan matrikulatzen direnek orain arte bezala 310 euro ordaindu beharrean, 70 euro ordainduko dituzte. Maila gaindituz gero, ordaindutakoa itzuliko zaie ikasleei.
Kuartela herrixantzat lelopean indar okupatzaileek Euskal Herritik irten behar dutela aldarrikatzen du Fan Hemendik taldeak.
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
Aieteko Nazioarteko Bake Konferentzia 2011n egin zen Donostian eta ondoren sortu zen Bake Bideak, Ipar Euskal Herritik bake prozesua sustatzeko. Bakegileen zeregina ETA armagabetzeko ekinbide zibila antolatzea izan zen. Orain, desegingo direla iragarri dute bi ekimenek.
Espetxeetako funtzionarioek lanuzte partzial bat egingo dute ekainaren 9tik 15era bitartean.
IDOIA ASURMENDI
Non: Bilboko Kafe Antzokian.
Noiz: maiatzaren 29an.
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Ostegunean banatu dute saria, Amasa-Villabonako Hika txakolindegian. Bertan jakinarazi dute 2024koa izan dela 111 Akademiak banatuko duen azken saria.
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.