Egia da azken urte eta hilabeteotan, Banco Santander Central Hispano sortu baino lehen, Banco Bilbao Vizcayako (BBV) arduradun nagusiak zirela bategiteen eta banketxe kontzentrazioen beharraz gehien hitz egiten zutenak, hau da, BBV-ko lehendakari Emilio Ybarrak eta bere Kontseilari Ordezkari Pedro Luis Uriartek. BS eta BCH-ren bategitea ez zen hauentzat ezusteko makala izan; Emilio Ybarra Ciudad Realen zen ehizean, eta premiazko bidaia egin behar izan zuen Madrilera.
Gauzak horrela, ez da harritzekoa, guztiak BBV-k zer egingo ote duen zain egotea. Handien arteko norgehiagoka ikaragarrizkoa da, eta mundu mailako ekonomia global batean tamainak ez du edonolako garrantzia. Egia esan, BS eta BCH-k bat egin aurretik ere BBV-ra begira zeuden gehienak; BBV eta Banco Santander-en arteko bategitea bera ere balizkotzat hartzen zen. BBV eta Banco Popular-ak bat egitea ere espekulatzen zen, eta oraindik ere hala egiten da, baina aipatutako azken banketxeko lehendakariek, Valls anaiek, tamaina baino gaur egun aitortzen zaien errentagarritasun eta kaudimena garrantzizkoagotzat hartzen dutela esan dute.

BBV eta Argentariak bat egitearen gaineko espekulazioak ere hor darrai. Kasu horretan, ordea, espekulazioa baino gehiago izan da. Azken asteotan jakin ahal izan denez, banku bietako goi-karguen arteko harremanak izan dira. Ziurtzat hartzen da bategite hipotetiko baten inguruko proiekzioak egin dituztela, eta horrek balizko bategitearen osagarritasunaren, bikoiztasunaren eta ezintasun teknikoen ezagutza sakona esan nahi du. Hori jakinarazi zuten iturri berek, hala ere, azkenean akordiorik izan ez zela diote.
Azkenik, banku europarrekiko bategiteen gainean ere izan da espekulaziorik, gehienbat banku alemaniar (Dresner), frantses (Societé Générale, duela gutxi Paribasekin bat egina) edo italiarrekiko. Oraingoz behintzat, horixe baino ez dira: espekulazioak.
Bien bitartean, BBV-ko lehendakari Emilio Ybarrak, zeinak, «

», ez duen bategite posiblerik alde batera uzten, ez duela arinegi ibili nahi iragarri du, eta oraindik ere Europan aliantza izenpetzeko moduko «

» geratzen zaizkiela. Duela gutxi egindako azken akziodun batzarrean, BBV-ko lehendakariak banketxea handiagotzearen aldeko apustua bere horretan zetzala esan zuen, baina ez zuela hori «

» ematea nahi. Nolanahi ere, Ybarrak «

» ñabartu zuen. Itxaron egin beharko, beraz. Dakiguna BBV-k zerbait egingo duela da. Gutxien espero dugunean egingo du gainera, ezustean, BS eta BCH-k egin bezala. Litekeena da lerro hauek argitaratzerako BBV-k egin beharrekoa egin izatea, eta bestela edozein momentutan egingo du.
BBV-k esperientzia du jada bategite kontuetan eta badu eragiketa hauek behar bezala egin ezean gertatzen diren kostuen berri (botere, antolamendu eta pertsonalismo mailan). Banco Bilbao eta Banco Vizcaya banketxeen bategite prozesuan arazo dezente izan ziren, alde bietatik boterea eskuratzeko norgehiagokaren ondorioz. Beharbada Banco Vizcaya-ko lehendakari eta BBV-ko lehendakarikide izan zen Pedro Toledoren heriotzak gauzak erraztu zituen, banketxe bien jabe ziren Neguriko familien arteko botere banaketa bareagoa ahalbidetuz. Orain, BBV-k beste erakunde batekin bat egiten duenean, edo aliantzaren bat sortzen denean, gainditu beharreko antzeko lana izango dute Neguriko familiek eta beste erakundea kontrolatzen dutenek.
BBV Espainiako lehen banketxea izan da 1998an, etekinei dagokienez. 163.000 milioi pezetako mozkina lortu zuen zergak ordaindu ondoren; 1997arekiko % 24ko igoera esan nahi du horrek. Hego Amerikan 41.000 milioi pezetako mozkinak lortu zituen, bertan bizi izandako krisia kontuan hartuta ere.
BBV-k oso partaidetza industrial zabala du. Momentu honetan, BBV-k Repsolen % 9,8 du, Telefónicaren % 4,5, Iberdrolaren % 7,5, Promodes izeneko banaketa enpresa frantsesaren % 6, Metrovacesaren % 17 eta Acerinoxen % 14