Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko maiatzaren 01an
"JENDEAK ORAIN EZ DU BILBO ZIKIN ETA ZAHARTZAT HARTZEN"
- Guggenheim inauguratu zenetik batik bat, Bilbo Ekimen Turistikoak erakundeko zuzendari Elvira Etxebarriak dioenez, Bizkaiko hiriburua orain mundu osoak ezagutzen du.
Guggenheim efektuari esker, noraino heldu da Bilboren oihartzuna?
Bisitarien kopurua zenbat igo da?
Nolakoa da Bilbora hurbiltzen den bisitaria eta nondik dator?
Zer da turistek gehien atsegin dutena?
Alabaina, Bilbo ez da beti hiri turistikoa izan...
Bilbo nola erantzuten ari da turisten etorrera masibo honen aurrean?
Turistei eskaintzen zaien zerbitzua ona al da?
Izugarria da. Mundu osoan ezagutzen gaituzte. Duela urte batzuk, nazioarte mailako kongresuetara joaten ginenean jendeak Bilbo non zegoen ere galdetzen zigun. Egun aldiz, lurralde nordikoetan, ekialdeko herrietan, Ameriketan... lurralde guztietan Bilbori buruzko erreportajeak egiten dituzte. Bertokoek imajinatu ere ez dute egiten noraino ari den zabaltzen Bilboren izena.
Bisitarien kopurua zenbat igo da?
Hori jakitea ezinezkoa da, asko ez direlako gure bulegoetatik pasatzen. Baina, esaterako, iaz 310.000 kontsulta jaso genituen, gehienak Bilboko bulegoan. Bulego nagusi honetan kontsulten kopurua 1997 urtearekiko % 89 igo zen.
Nolakoa da Bilbora hurbiltzen den bisitaria eta nondik dator?
Gure turista klase ertaineko edo ertain-altuko pertsona da, adin ertainekoa eta maila ekonomiko ertain-altuarekin. Gure turismoa hezita dago, errespetuzkoa da eta gainera, diru asko gastatzen du. Jatorriari dagokionez, Bartzelona, Madril eta Valentzia edo Gaztela-Mantxatik datoz batez ere bisitariak. Atzerriari dagokionez, Erresuma Batua, Frantzia eta Estatu Batuko jendea dator. Azken lurralde honetan esaterako, Bilbo modan dago.
Zer da turistek gehien atsegin dutena?
Guggenheim Museoaz gain, jendeak oso gustukoa du Bilboko alde zaharra, gure gastronomia, noski, giroa eta jendea. Turistek bilbotarren izaera atsegin dute, oso ongi portatzen garelako eurekin eta izaera zabala omen dugulako. Esaten digute Bilbok egiazkotasun kutsua duela.
Alabaina, Bilbo ez da beti hiri turistikoa izan...
Ez, inondik inora. Bilbok, industria-hiria izan den heinean, bisitari asko izan du betidanik, lan-turismoa jasan du. Jendeak Bilboz zuen irudia, hiri zikina, grisa eta gatazkatsuarena zen. Terrorismoaren arazoak kalte handia egin digu. Duela bost urtetik hona hiriak zuen kontzeptu hori aldatuz doa, egiten ari diren proiektu garrantzitsuak direla, etxeen eta kaleen garbiketak direla, berriztapen lanak direla... Hurbiltzen den jendeak orain ongi hitz egiten du Bilbori buruz.
Bilbo nola erantzuten ari da turisten etorrera masibo honen aurrean?
Ongi erantzun du. Jendeak, zetorren aukera ezin hobea ikusirik, tabernak, jatetxeak eta abar zabaldu ditu. Hotelek orain, lana dute urte osoan eta arazoak ere izan ditugu askotan ohe librerik ez delako egon. Gainera, Euskalduna Jauregi berriarekin, ez dut pentsatu ere egin nahi. 1.000 pertsonako kongresuak ospatuko baldin badira, atera kontuak!
Turistei eskaintzen zaien zerbitzua ona al da?
Egia esateko, eskaintzen zaiena kalitatezkoa da baina gure zerbitzua ez hainbeste, heldutasuna falta zaigu. Gure eskaintza bisitariaren eskaerari egokitu behar diogu, hau da, eurek gauzak egiteko dituzten moduetara egokitu behar gara. Beste lurraldetatik datoz eta gauzak beste eratan egiten dituzte; ordutegiak esaterako, ezberdinak dira. Asteburuetan hiria ezin da itxita egon. Turistak asteburuetan datoz eta dendak itxita aurkitzen dituzte. Kontzientziazio kanpainak martxan jarri nahi ditugu asteburuetan, merkataritza zerbitzu minimoak egon daitezen. Bilbon gertatzen ari dena ez da desagertuko, azkar hazten ari den industria da eta ongi baino hobeto zaindu behar dugu
Irakurrienak
Matomo erabiliz
#1
Gorka Bereziartua
#2
Mikel Garcia Idiakez
#3
Gorka Peñagarikano Goikoetxea
#4
Gorka Peñagarikano Goikoetxea
Azkenak
2024-04-30
ARGIA
Netanyahuk dio Rafah inbadituko dutela su-eten akordioa "egon zein ez egon”
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
2024-04-30
Zigor Olabarria Oleaga
Netanyahuk dio Rafah inbadituko dutela su-eten akordioa "egon zein ez egon”
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]
Hil egin da Artzentalesen zauritu zen basogintzako langilea
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
2024-04-30
ARGIA
Eneko Bidegainen 'Bichta éder' eleberriak jaso du 111 Akademiaren Saria
Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.
Eguneraketa berriak daude