Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
larunbata 2024ko maiatzaren 04an
LIBURUAK
EUSKALTZAINDIA- REN OROITIDAZKIA
1997
HASTA LA DERROTA, SIEMPRE
Juan Luis Zabala
EKONOMIA ETA FINANTZAK HIZTEGIA
Hainbaten artean
1999KO UDARAKO ETA 1999-2000 IKASTURTERAKO AURKEZPEN- TXOSTENA
KAZKAZURI
Antton Kazabon
ELHUYAR
141. zenbakia
1997
Euskaltzaindia
313 orrialde
313 orrialde
Euskaltzaindiak 1997. urtean egindako guztiaren balantzea jaso du liburuki zabal honetan. Lehen zatiak ekintza orokorrei, hots, gertakari, arau eta erabakiei egiten die toki, ondoren sail eta batzorde desberdinen lanari erreparatzeko. Hirugarren zatiak zerbitzuak ditu hizpide, egoitza, ordezkaritzak, liburutegia eta argitalpenak, alegia. Herri Administrazioarekin eta beste erakunde batzurekin izandako harremanak ere kontuan hartuak izan dira, EAEko eta Nafarroako gobernuekin, udalekin eta Euskal Herriko Unibertsitatearekin izandako elkarlan eta kontaktuak azalduz. Azkenik, Euskaltzaindiaren organigrama eta aurkitegia erantsi dizkiote 97ko balantze honi, karguen zerrendak, batzordeak eta barne-organigrama zehaztuz
HASTA LA DERROTA, SIEMPRE
Juan Luis Zabala
Hiru
271 orrialde
1.400 pta.
271 orrialde
1.400 pta.
Ernesto Che Guevararen esaldi ezaguna titulurako moldatu eta Juan Luis Zabala Azkoitiako idazle eta kazetariak bere jaioterriko 80ko hamarkada hasierako giroa eskaintzen du nobela honetan. Fikzioa topa daiteke nonahi, baina oinarrian egiazko gertakariak topatuko ditu irakurleak. Gazte Asanbladak okupatutako egoitzak, horrek aurreko mundu itxian suposatu zuen haustura, guraso eta aginteek bultzatutako inertziatik at ibiltzea... hori guztia pertsonaia desberdinen bidez islatzen du Zabalak; hor dira Julen abertzalea, Antijos akrata, Shepe punka... Horren guztiaren emaitza nobela entretenigarri eta bizia da, fikzioaren bidetik errealitate konkretu bat ezagutzera bultzatzen duena
EKONOMIA ETA FINANTZAK HIZTEGIA
Hainbaten artean
UZEI
717 orrialde
3.500 pta.
717 orrialde
3.500 pta.
Lore Azkarateren zuzendaritzapean eta Azkaratek berak eta Arantzazu Olazabalek koordinaturik, Euskal Herriko Unibertsitateko, Nafarroako Unibertsitate Publikoko eta Deustuko Unibertsitateko hainbat irakaslek –ekonomilariak gehienak eta hizkuntzalari bat tartean– burututako hiztegia da honakoa. Duela 17 urte UZEIk Ekonomia hiztegia kaleratu zuenetik, beste hiztegi batzuk argitaratu dira, asko landu da gai hau eta gauza asko aldatu da lexikoari eta idazkerari dagokionez. Oraingoan urteetako lana bildu, osatu eta eguneratu da, ekonomiaren inguruan euskaraz jarduten duen edonorentzat tresna baliagarria izate aldera
1999KO UDARAKO ETA 1999-2000 IKASTURTERAKO AURKEZPEN- TXOSTENA
Eusko Jaurlaritza
166 orrialde
166 orrialde
Irakasleen alfabetatze-euskalduntzeaz arduratzen den Iralek datorren urte t'erdian abian jarriko den programa bildu du liburuxka honetan. Euskarazko eta gaztelerazko testuetan, lehenik, programaren helburua, bertan parte hartzeko aukerabideak, honen eraketa eta eskema nagusia eskaintzen dira. Ondoren programa horren puntu bakoitza zehazten da, udako ikastaroei dagokien programarena lehenik eta hurrengo ikasturtearen programaren ingurukoa ondoren –irakastorduz kanpoko ikastaroak batetik eta orduz barnekoak bestetik–. Ikastaro motak, xedeak, baldintzak eta Jardunbideak xehetasunez azaltzen dira puntu bakoitzean
KAZKAZURI
Antton Kazabon
Sendoa
103 orrialde
850 pta.
103 orrialde
850 pta.
Jose Joakin Urbietak, Kazkazurik, horrela ematen dio ongietorria berari buruz idatzitako liburua irakurtzera animatu den orori: «Inor zahartzen ez den lekutik/jarria nago begira/hainbat urtetan bizirik iraun/arazi nauen herrira,/ta oraindik ikus dezakedanez/bertan bertsoen distira/bisitan nator berriro ere/bertsoen bizi-tokira,/zuen begien argira».
Bertsolari oiartzuarraren pasadizoak eta bertsoak bildu ditu Antton Kazabonek, haurren begietan jarrita. Kazkazurik aitortzen du ez zela mutil itxurosoa: «Aurretik ihesi joaten zitzaizkidan denak (emakumeak) eta Antoniori, berriz, denak atzetik segika», zirikatzaileetan zirikatzaileena zen, ordea. Gertaera ugarien artean haurrentzat atseginenak izan daitezkeenak bildu ditu Kazabonek
Bertsolari oiartzuarraren pasadizoak eta bertsoak bildu ditu Antton Kazabonek, haurren begietan jarrita. Kazkazurik aitortzen du ez zela mutil itxurosoa: «Aurretik ihesi joaten zitzaizkidan denak (emakumeak) eta Antoniori, berriz, denak atzetik segika», zirikatzaileetan zirikatzaileena zen, ordea. Gertaera ugarien artean haurrentzat atseginenak izan daitezkeenak bildu ditu Kazabonek
ELHUYAR
141. zenbakia
Elhuyar
56 orrialde
620 pta./27 l.
56 orrialde
620 pta./27 l.
Zientzia eta teknika aldizkariaren martxoko zenbakian tropikoetako infekzioak, hemen ezagutzen ez direnak, aztertzen dira. Bertara hurbiltzen denak infekzio horiek ebitatzeko hartu beharreko neurriak ere zehazten dira. 1998ko CAF-Elhuyar sarien banaketaren inguruan ere luze dihardu aleak. Odol analisietan agertzen diren siglen atzean zer dagoen jakin edota autoan goazela irrati interferentziak gainditzen dituen tresna ezagutu nahi duenak ere bertan izango du erantzuna. Etxetresnak, energi iturriak, ospitaletako infekzioak... besterik ere badakar aurki 25 urte beteko dituen aldizkariak
Irakurrienak
Matomo erabiliz
#1
Xabier Letona Biteri
#3
#4
Bilbo Hiria Irratia
#5
#6
Danele Sarriugarte Mochales
Azkenak
2024-05-06
Nagore Zaldua
Arrosarioa, sexu-estrategia aurrerakoiaren adierazle
Itsaso zabalean bada izaki lirdingatsu bat, gorputz gardenekoa, bitxi bezain ezezaguna. Aitzitik, ezin esan genezake ezohikoa denik, haren banaketan munduko itsaso gehienetara zabaltzen baita, Kantauri itsasoa barne. Batzuetan bakarka topatu daitezke, besteetan aldiz lepoko edo... [+]
2024-05-06
Jakoba Errekondo
Intsusa lore edariak
Edanari emateko prest? Uda atari hau aproposa da gero berokoak etortzean ez lehortzeko edariak destilatzeko. Hezetasunari eustea garrantzitsua da gorputzari bere onenean atxikitzeko, eta etxean sortutako mamarekin bada zer esanik ez.
2024-05-06
Garazi Zabaleta
Erlauntzako airea arnastearen onurak
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
2024-05-05
Jenofa Berhokoirigoin
Adimen artifizialaren esku utzi du palestinarren hilketa Israelek
Titularra irakurri eta baten batek pentsatuko du esajerazio bat dela, neurriz kanpoko orokortze bat egin duela kazetariak. Israelgo informazio zerbitzuetako sei langile ohien lekukotasunetan oinarrituriko 'Lavender': The AI machine directing Israel's bombing spree in... [+]
Eguneraketa berriak daude