DANTZAK ARGITALPEN BIKOITZA


2021eko uztailaren 27an
DANTZAK ARGITALPEN BIKOITZA
IKERFOLKek euskal dantza munduaren inguruko aldizkaria aurkeztu berri du. «Jira galdua» izenez eta Iñaki Arregiren ardurapean hiru hilabetean behin kalean izango den argitalpena dantza tradizionalari buruzko informazioa jasotzeko xedez jaio da. Honekin batera, gainera, elkarte berdinak beste hiruhilabetekari bat jarri du kalean, lehen ere kaleratzen zena eta orain berreskuratu dena. «Pas de basque» du izena , Oier Araolazak zuzenduko du eta dantza-taldeen arteko zubi izan nahi du.

«BALEEN BERBAROA» HEDATUZ
TXALAPARTA argitaletxeak Edorta Jimenezen «Baleen Berbaroa» eleberriaren gaztelerazko itzulpena argitara emango du aurki, apirilean ziurrenik. Izan ere, nobela hau aurtengo Espainiako Literatura Sari Nazionalean lehiatzeko hautatua izan zen. Sarian parte hartzeko gaztelerazko itzulpena lehenbailehen egin beharrean aurkitu dira egilea eta argitaletxea eta horregatik itzulpen-zerbitzu batengana jo dute. Iaz bere Libelo famatuari esker ezagun egin zen Matías Múgica aritu da, besteak beste, itzulpen lanetan.

UNIBERTSITATE ESKEAN
IEHIE-k, hots, Ipar Euskal Herriko Ikasleen Elkarteak mobilizaziorako deialdia luzatu du, larunbat honetan, hilak 27, Baionan. Iparraldean unibertsitate autonomo baten beharra aldarrikatzea du helburu manifestazioak. Ikasleek Baionan ikasketak amaitzeko zailtasunak eta ikerketa sailik eza salatu dituzte baita Iparraldean ikasketa guztiak amaitzeko prest daudenen kopurua hainbat sail zabaltzeko nahikoa dela argudiatu ere.

ARTEAREN SARDESKA BILBON
APIRILAREN amaiera bitarte 20 erakusketa bateratu izango dira zabalik Bilbon. Bertako hainbat taberna eta kulturgunetan 20 artista desberdinen lanak –Eva Artetxe, Karlos Baudillo, Rafa Legorburu, Joseba Karbajal, Isidoro Calzada eta beste hainbatenak) dira ikusgai «Sardeskarte 99» izenburupean. Izan ere, erakusketak jaso dituzten 20 guneak hiriko plano batean batuz gero sardeska baten itxura hartzen dutela ikus daiteke.

ZIZUR TXIKIA HANDITUZ
IRUÑEKO Zizur Txikiko San Fermin ikastolako eraikin berriko lanak hasi dira dagoeneko. Lehen harria hilaren 13an jarri zuten. 2000. urteko ekainerako amaiturik izango da Bigarren Hezkuntzako ikasleak bilduko dituen egoitza.

ERMITAGAÑA SAREAN
EUSKARAZ ikas ahal dezaten gelarik zabaltzen ez dieten Ermitagañako 16 haur ezagunen gurasoak euren salaketa Internetera zabaltzea erabaki dute. http://web.jet.es/modelod/ helbidearekin, web orri bat ipini dute horretarako. Bertan euren seme-alabei gertatutakoaren berri ematen da.


Azkenak
Ekofeminismoaz, motozerra eskutan

Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]


2024-06-17 | Jakoba Errekondo
Udaberria jan dezagun mikatzetik

Arabako Errioxako udaberriak ez dauzkat ahazteko. Urte dezentetan harrapatu ditut sasoi horretako loraldi betean hango mahastiak eta harrigarria da; laburra da paisaia berria, baina iraupen motz horretan begien sabaia erretzen du eta ordura artekoak ahantzarazten.


2024-06-17 | Nagore Zaldua
Itsas dortokak lozorrotik esnatu ote dira euskal kostaldean?

Udako solstizioa gerturatzen ari den honetan, euskal kostaldean itsas dortokak ikusteko aukerak ugaritu dira. Gure uretan ezagunena Egiazko kareta (Caretta caretta) da. Ale helduen oskolaren batezbesteko tamaina, 120 cm-ko luzera zuzenera eta 200 kg-ko pisura irits daiteke... [+]


2024-06-17 | Garazi Zabaleta
Lurbizi
Lurraren bankua sortzen, nekazaritzarako oinarrizko baliabidea bermatzekoa

Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]


Eguneraketa berriak daude