Berri onak Amerikan dauden euskaldunentzat. Izan ere, parabolikoa ukanez gero, «Euskadi Irratia» eta «Euskadi Gaztea» jadanik entzun daiteke, «Hispasat» satelitearen bidez. Telebista piztu eta irratia entzun, alajaina! Hartara, «Goizean Behin»en proba egin dute, Venezuelan dagoen entzule batekin ados jarrita. Berak satelitea piztu, «Euskadi Irratia» sintonizatu eta telefonoz baieztatu die seinalea ongi iristen dela. Teorian Suaren lurraldetik Kanadaraino entzun badaiteke ere, praktikan hainbat ilunune badira Brasilgo oihanean, Mexikon edo Kalifornian, besteak beste