Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
osteguna 2024ko maiatzaren 02an
GAZTEENTZAKO IRUTXULO
ORAIN artean Donostiako Bagera elkarteak «Irutxulo» aldizkaria kaleratzen zuen, barnean, gazteei zuzenduriko eta Gaztetxulo izeneko bi orriko saila zeramala. Sailaren arrakasta ikusirik Bagerako kideek aldizkari berria sortzea erabaki eta Donostiako gazteen iritzia inkesten bidez jaso ondoren, «Gaztetxulo» hilabetekariaren lehen alea berriki irten da kalera. Musika, sexua, euskara, unibertsitatea... gazteei zuzenduriko aldizkaria izaki, tankera horretako gaiak jorratuko ditu. 10.000 ale botako dituzte oraingoz, 5.000 Irutxuloko harpidedunentzat, eta hasiera batean bederen, doan banatuko dute.
ANTZERKIA HILABETEZ EIBARREN
HELDU den astelehenean hasiko dira Eibarko XII. Antzerki Jardunaldiak. Martxoaren 23a bitartean, hilabetez beraz, hainbat antzezlan ikus ahalko da Unibertsitate Laboraleko Hezkuntza Esparruko aretoan. Orotara 17 produkzio desberdin eskainiko dituzte. Batzuk Euskal Herrian dagoeneko aski ezagunak direnak, Tanttakaren «Dakota» kasu. «La casa de Bernarda Alba» bezalako obra ezagunak ere bertan izango dira ikusgai. Zinemak bere tokia izango du «Antzerkia zineman» izeneko sailean eta hitzaldi eta mahainguruak ere aurreikusita daude.
22 MENDETAKO URMAELA
DUELA 2.200 urte inguru eraikitako harrizko urmael bat aurkitu dute Biasterin (Araba). 18,7 metroko luzera, 15,5eko zabalera eta 2,7ko sakonera duen urmael honetan urarekin zerikusia duten jarduera erritual eta erlijiosoen arrastoak topatu dituzte. Adituen esanetan, Europako tankera honetako aurkikuntza garrantzitsuena izan daiteke. Baina, indusketa, bertan parking bat eraiki behar zutelako burutu zen eta orain interes arkeologikoarekin egin dute topo Javier Sampedro PPko alkatearen interesek –lur eremu horren urbanizazioa, 537 milioi pezetako inbertsioa suposatzen duena, «legealdiko proiekturik garrantzitsuena» zen alkatearen esanetan–. Alde biek Eusko Jaurlaritzara jo dute, bakoitzak bina txosten aurkezturik. Kultura sailak ordea, bosgarren txosten bat du esku artean, EHUk burututakoa.
NAFARROAKO ARTXIBATEGIA
NAFARROAKO Artxibategi Nagusia Errege Jauregian egongo da kokatua eta eraikinaren egokitze lanak aurki izango dira abian. Izan ere, Gobernuak lanen kontratua sinatzea baimendu berri du. Orotara 2.550 milioi pezetako kostua izango dute berritze eta egokitze lanek eta 2.001. urterako amaiturik izango direla aurreikusten da.
HAURREK IRAKUR DEZATEN
DONOSTIAKO Udaleko Hezkuntza sailak, Ganbararekin batera, urte osoan zehar burutuko den Irakurzaletasuna Bultzatzeko I Kanpaina abian jarri du. 3 eta 16 urte bitarteko haurrei zuzenduriko kanpaina Gipuzkoako hiriburuko 30 ikastetxetara iritsiko da ikasturte amaiera bitartean. Bost motatako ekintzak burutzen ari dira kanpainaren barruan: ilustrazioaren ingurukoak, narrazioaren ingurukoak, idazleen hitzaldiak, kazetariekin topaketak eta publikoari zabaldutako konferentziak. Asisko Urmeneta, Iñaki Martiarena «Mattin», Bernardo Atxaga, Mariasun Landa eta Ana Maria Matute dira, besteak deste, ekimenean parte hartzen ari direnak.
Irakurrienak
Matomo erabiliz
#1
Gorka Bereziartua
#2
Mikel Garcia Idiakez
#3
Gorka Peñagarikano Goikoetxea
#4
Gorka Peñagarikano Goikoetxea
Azkenak
2024-04-30
ARGIA
Netanyahuk dio Rafah inbadituko dutela su-eten akordioa "egon zein ez egon”
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
2024-04-30
Zigor Olabarria Oleaga
Netanyahuk dio Rafah inbadituko dutela su-eten akordioa "egon zein ez egon”
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]
2024-04-30
ARGIA
Hil egin da Artzentalesen zauritu zen basogintzako langilea
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
2024-04-30
ARGIA
Eneko Bidegainen 'Bichta éder' eleberriak jaso du 111 Akademiaren Saria
Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.
Eguneraketa berriak daude