"Industrian ere ingurugiroarekiko sentiberatasuna handitu da"

1995eko martxoaren 19an

IHOBE ingurugiro elkarteak konferentzia bat antolatu du
"Industrian ere ingurugiroarekiko sentiberatasuna handitu da"
Jose Luis Aurrekoetxea, IHOBE ingurugiro elkarteko zuzendaria
IHOBE Jaurlaritzako Lurralde Antolamendu, Etxebizitza eta Ingurugiro Sailaren menpe dagoen ingurugiroaren kudeaketarako elkarte publikoa da. Hilaren 23rako Lehiakortasuna eta Ingurugiroaren konferentzia antolatu du
Zer balorazio egiten duzu IHOBEko aurreko zuzendariak egindako lanaz?
Positiboa. Herritar moduan esango nuke IHOBEk gizartean irudi ona duela.
Datorren legealdi honetan zeintzuk dira IHOBEren lan ildo nagusiak?
Orain olioak, disolbenteak eta taladrinen kudeaketan murgilduta gaude eta horretarako Zamudion 600 milioi pezetako (25 milioi bat libera) inbertsioko instalazioa eginda da; abuztuan bukatuta egongo delakoan gaude. Halaber, XUME, Xumetze Bulego teknikoaren bidez, zenbait eremutako industriek ekoiztutako hondakinak xumetzeko. Arlo honetan Urdaibaiko eremuko industriekin esperientzia zehatz batekin ari gara. Tratamendu galbanikoen xumetzerako ere lanean ari gara, pinturaren eremuan eta, horrez gain akaso gure artean ezagunenetakoa den lana, hots, kutsatutako lurren tra- tamendua, batez ere herentzia historiko moduan jaso dugun lindanoz kutxatutakoak.
Orain arte, nahiz eta batzuetan indarrean ere jarri dituen, IHOBE batez ere ikerketak egitera mugatu da.
Hori ez da IHOBEren lana, praktikara eraman dituen proiektuak normalean beste enpresa batzuekin batera eraman ditu. IHOBEk ez du hondakinen kudeaketzeko ahalmena, hori normalean beste elkarte pribatu batzuen eskuetan dago. IHOBEk elkarte horiekin parte hartzen du, gobernuaren parte hartze ekonomikoa edo soziala behar dela ulertzen duenean, horrela proiektua dinamizatu eta fiskalizatu egin dezake.
Konpetentzia `berdea' benetazkoa da industria munduan edo marketing hutsa?
Gai hori industria sailetik eramaten ari dira, baina nire ustez industria ahalegin handiak egiten ari da herri hau ez zikintzeko. Hain zuzen 23an hasten diren jardunaldietan, 50 enpresek ingurugiroarekiko beren begirunea azaldutko dute eta ekitaldi zehatz batean enpresa hauek hondakinen xumetzea lortzeko konpromezua adieraziko dute.
Zer asmo zehatz darama IHOBEk konferentzia honetara?
Lehiakortasuna eta ingurugiroa bat etortzea ezinezkoa dela zabaldua dago eta, jardunaldi hauetan irudi hori apurtu eta garapen sostengatua posible dela, ekonomi garapena eta inguruaren begirunea posible dela. Orain arte, Europan bederen, partehartzea prozesuaren amaiera aldera eman izan da eta orain horri aurre hartu gure zaio, xumetzean.
Hondakinen Xumetze bulegoak, hondakinak % 25ean jeitsi gura ditu hemendik eta 2000 urtera artea. Helburu hori lortzeko moduan zaudete?
Bai. Helbura Hondakin Berezien Kudeaketa Plana betetzea da, industri hondakinak % 25ean gutxitzea. Hamar proiektu berri dauzkagu eta horietan 30 ekoizpen enpresa daude, guztira 450 bat milio pezeta inbertituko dira hiru urteetan. Hauetatik % 30 EBk eta Jaurlaritzak jarriko lukete eta gainerakoa enpresek.
Zure ustez, gaur egun non jarri behar da indarra, xumetzean ala erreketan?
Nire iritzia emango dizut. Hirietako hondakin solidoez ari bazara, Europako ingurugiroaren 5. agiria onartzen dugu, eta honen arabera lehenbizi xumetzea da, ondoren berrerabilpena eta azkenik, berziklaia. Baina, halaber, berrerabilgarria edota berziklatzeko modukoa ez dena teknologia garbiez suntsitu behar dela dio agiriak; eta, energi balorazioarekin edo gabe egindako erreketa eta zabortegi kontrolatuak garbitzat jotzen ditu.
Gaiaren inguruan dagoen eztabaidan, erreketan gasak eta zenbait partikula solido ekoizten direla esaten da, eta nik esan behar dut zabortegian ere sortzen direla, eta erreketan baino gehiago hondakin erretegi ona jarrita badago. Alemaniako Dormuneko altzairutegi trinkoak, esaterako, 125 RSU erretegik sortzen dutena baino kutsadura handiagoa sortzen dute.
Horrez gain, dioxinak ez dira sortzen, egon daude, beraz egin behar dena da horiek ahalik eta ondoren kontrolatu. Azken berrien arabera, gainera, badirudi erretegi horiek ez dutela minbizi gaitzik sortzen.
Espainian, dena den, badirudi hondakin erretegiak albo batera uzteko joera bide dagoela.
Hondakin erretegiak jartzearen aurka dauden zeinbaitzuk, Greenpeace Espainia zehatz mehatz esateko, batzuetan aurka daude baina beste batzuetan isildu egiten dira. Nik dudan informazioaren arabera Greenpeacek Katalunian Hondakin Toxiko eta Arriskutsuen planta bat jartzea onartu du.
LETONA, Xabier
Aurrekoetxearen ustez, hondakin-erreketa beharrezkoa da.
18,19

Gaiez\Gizartea\Ingurugiroa\Besteak
Pertsonaiaz\AURREKOETX1
Egileez\LETONA1\Gizartea

Irakurrienak

Matomo erabiliz

Pastoral bat Iruñearendako

Amets Aranguren Arrieta

Efemeridea: Guardia Zibila EHko heroinarekin lotuta zegoela zioen 'Navajas txostena' bidali zioten Espainiako fiskal orokorrari

ARGIA

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

Efemeridea: Boliviako poliziak Monika Ertl hil zuen, Che Guevara mendekatu zuen gerrillari alemaniarra

ARGIA

"Zenbat dugun kontatzeko!" Euskal Herriko mapa sortu dute

Euskal Irratiak

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude