Lierni Elortza: «Tregoa gisako une gozoak eskaintzen ahalegintzen gara»


1994ko azaroaren 13an
Lierni Elortza Segura Irratiko esatariari buruzkoak
Lierni Elortza: «Tregoa gisako une gozoak eskaintzen ahalegintzen gara»
Segura Irratia 1959. urtean sortu bazen ere, 1972. urtetik aurrera ari da etengabeko jarioan. Otoitzak euskaraz irratiratzea zuen helburu nagusia eta antzinako asmo horrekin lotzen duenik izan arren, egun norabidea erabat aldatu duela esan digu Lierni Elortzak.
ARGIA. Zein da Segura Irratiaren entzule arrunta?
LIERNI ELORTZA. Azterketarik ez dugu eta beraz zuzeneko harremanetatik atera ditugu ondorioak. Irratsaioen arabera jende heldua edo gazteagoa biltzen da eta partehartze zuzena izaten dute. Gure helburua goierritarrentzat kontu interesgarriak ematea da. Gure irratia eguneroko borrokan tregoa gisako une gozoak eskaintzea bezalakoa da.
A. Kilometroak-en antolaturiko saio erraldoia esperientzia bakana izango da?
L. E. Berebiziko ahalegina izan zen eta zorionez gure entzuleak ohartu ziren. Iaz Gabonetako programazio berezia ere antolatu genuen eta oraindik zehaztu gabe badago ere, antzeko zerbait egiteko asmoa dugu.
A. Zazpi urte eman dituzu jada Segura Irratian. Zein da zure eguneroko lanaldia?
L. E. Gurea oso lantalde txikia da eta ondorioz, denetarik egin behar izaten da. Egun goizeko magazina eta arratsaldeko kultur-saioek jaten didate nire denboraren zatirik handiena.
A. Zer jarri eta zer kenduko zenioke zure lanari?
L.E. Presa kenduko nioke. Gauzak tajuz egiteko betarik ez denez inprobisazioa izaten da nagusi. Gaueko saioek ere xarma berezia dutela uste dut, eta gustura ekingo nioke bati. Egunak 24 ordu baino gehiago izango balitu, lasaiago arituko nitzateke. Zoritxarrez Segura Irratiko erlojua besteak bezalakoa da.
PILI KALTZADA
55

GaiezKomunikabidIrratiaSEGURA IRR
PertsonaiazELORZA
EgileezKALTZADA2Komunikabid

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude