Manu Etxezortu: «Gazteentzat praktikoa izango den informazioa eskainiko dugu»

1994ko apirilaren 24a
Manu etxezortu Euskadi Gaztea saioko esatariari elkarrizketa
Manu Etxezortu: «Gazteentzat praktikoa izango den informazioa eskainiko dugu»
Andoainen ongi jasotzen da Euskadi Gaztearen seinalea. Horri erantzunez heldu da 24 urteko Manu Etxezortu irrati honen programazio berrian agertzen den «Gazte gara gazte»ren arduradun izatera. Euskadi Irratiko langilea duela hiru urtetik hona, irrati formula batek ere informazio ona eskain dezakeela frogatzera dator.
ARGIA. «Goizean behin» saiotik «Gazte gara gazte» saioaren arduradun izatera igaro zara. Zeintzuk lirateke aldaketa nagusiak?
MANU ETXEZORTU. Euskadi Irratian egiten nuen saio horretan erreportaitxoak egiten nituen batez ere, elkarrizketak... Oraingoa guztiz berria da. Guztiontzat. Bai ni, baita Bilboko lankidearentzat ere. Sortzen diren ekimen desberdinen informazioa bildu behar dugu egunero.
A. Euskadi Gaztearentzat ere aldaketa izan da.
M.E. Irrati formula izanik gazteentzako informazio zehatza emateko saio berezia egin dute. Berria delako da erronka. Arrazoia garbi bat dago. Gazteek ere informazioa behar dute, eta euren munduan informazio mota batek du leku berezia. Adibide bat jartzearren, langabezia hain arazo larria izanik gazteen artean batez ere, egunetik egunera sortzen doazen lanpostuen berri puntuala ematen saiatzen gara egunean bitan.
A. «Seinale On!» da Euskadi Gaztearen programazio berriaren lema. Baina ez al da seinale txarra gazteei mota honetako informazioa eman behar izatea?
M.E. Seinale txartzat har daiteke, baina errealitateak agindutako gauza bat da. Hala ere, badira seinale onak ere. Ikasketa bekak, elkarrizketa laburrak, kultur agenda... Hori ere entzuten dute gazteek.
A. Erantzungailu automatiko bat jarri duzue gazteek dei dezaten bertara. Zein da lehen egun hauetan jaso duzuen deirik harrigarriena?
M.E. Gehienak kantu edota talde zehatzak eskatzeko deiak dira. Baina oraindik goizegi da, eta aurrerantzean behintzat dei horiek zerbait saldu, erosi, edota trukatu nahi duen edonorenak izan daitezen ere nahiko genuke. Edota zerbait antolatzen dutenek ere. Finean, gazteentzat praktikoa izango den zerbitzua eskaini nahi dugu, euskaraz eta gure gizartearen errealitateari egokitua.
Amagoia Iban
63

Gaiez\Komunikabid\Irratia\Euskadi irr\Esatariak
Pertsonaiaz\ETXEZORTU1
Egileez\IBAN1\Komunikabid
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2019-02-17 | Adur Larrea
Ez hanka ez buru
Bikoizketaz haratago

2019-02-17 | Amaia Lekunberri
Brigitte Vasallo
"Nahikoa da, utzi maitasun erromantikoaren propaganda egiteari"

“Lagunak baino ez gara” esaldiaren gisakoak adibidetzat, monogamia harremanak hierarkizatzen dituen sistema piramidala dela defendatzera dator Brigitte Vasallo (Bartzelona, 1973) bere azken argitalpenarekin. Oveja Roja argitaletxearekin Pensamiento monógamo, terror poliamoroso (Pentsamendu monogamoa, polimaitasun terrorea) saiakera aurkeztu berri du idazle eta ekintzaile feministak. Monogamiaz, polimaitasunaren desbideraketa neoliberalaz eta harremantzeko paradigma berrien... [+]


Amarruen hiriburu

Urtebetez espetxeratu zuten Alfredo Ramirez txioak idazteagatik. Beste urtebetez izan da kartzelan Julen Ibarrola, errotuladorez kalean margoketa bat egiteagatik. Galder Barbado eta Aitor Zelaia espetxeratu dituzte 2014 eta 2015ean inoiz gertatu ez ziren erasoak egiteko “materiala gordetzeagatik”.


2019-02-17
ARGIAk zubereraz mintzo den ingelesa fitxatu du kontalari bezala, Ertzaintzarekikoak bideratzeko

Dylan Denny-Stearn Inglis gaztea proposatu dute ARGIAko kazetari bipilek Ertzaintzarekin errelatore lanak egiteko, bi aldeen arteko hizkuntza-gatazka bideratzeko.


2019-02-17
Maduro Venezian egiten ari dena "super gaizki" iruditzen zaio Gazteako esatari bati

“Veneziako diktadura” egiten ari den basakeriak ikusita, ezin duela gehiago isilik egon erabaki du Gaztea irrati-formulako Garazi Mondragon esatariak eta asteleheneko Dida Gaztea saioan Nicolas Maduroren kontra hitz egiteari ekin dio.


"Hizkuntz eskubideak bermatzen ez dizkiguten artean talka egongo da"

Arkaitz Zarraga eta Eneka Alvarez. Beren burua zurrunbilo mediatiko biren erdian aurkitu duten bi euskaldun ditugu. Biei administrazio publikoak hizkuntza eskubideak urratu dizkie, eta biek amaitu dute isun banarekin, gaztelania dotorean idatzita. Izebergaren punta dira, arreta deitzea lortu duten bi kasu, egunerokoan salatu gabe eta modu ikusezinean gertatzen diren euskaldunon aurkako erasoen multzo zabalean.


Azkenak
EGILEA
Eguneraketa berriak daude