«BNGkoen ustez, eurak dira nazionalista bakarrak»

1994ko martxoaren 27an

Jose Posada Coalicion Galegako eurodiputatuari elkarrizketa
«BNGkoen ustez, eurak dira nazionalista bakarrak»
Jose Posada, Coalicion Galegako eurodiputatua
Strasburgh-eko Europako Legebiltzarreko bere bulegoan geratuak ginen eta, egia esan, pasabide eta bulegoen labirintoan ez zen txantxetakoa izan berea aurkitzea. 1989ko Europako Legebiltzarreko hauteskundeetara EAJ eta Coalicion Canaria-rekin batera joan ziren. EAJko Jon Gangoitik hiru urte bete zituen, Isidoro Sanchez kanariarrak urtebete eta 1993ko uztailetik aurrera Coalicion Galegaren ordezkaritza betetzen ari da Jose Posada.
ARGIA. Europako Legebiltzarrerako hauteskundeak gainean daude.
JOSE POSADA. Animo handiz goaz. Ekaineko hauteskundeetara lehengoez gain Union Valenciana eta Partido Aragones-ekin batera goaz. Guk Galizian 30.000-40.000 boto lortzea espero dugu.
A. 30.000-40.000 mila ez ote dira gehiegitxo azken hauteskunde autonomikoetan atera zenituzten 6.000 botoak kontuan hartuz gero?
P. Baina Europako Legebiltzarrerako azkenetan askoz gehiago izan ziren; ez diegu azken hauei begiratu behar, aterako ditugunei baizik. Coalicion Galegak oraindik badu indarrik Galizian.
A. Baina Europako hauteskundeetan abstentzioa handiagoa izan ohi da...
J.P. Gauzak oso aldakorrak dira, nork eramaten dituenaren arabera, nola eramaten dituen... Berrantolatze prozesu bizian gaude eta, beraz, seguru nago alderdia indarberritzea lortuko dugula.
A. Coalicion Galegako zenbait sektorek BNGranzko joera agertu izan dute.
J.P. Gu saiatu ginen nazionalisten batasuna lortzen, eta Galiziako alderdi abertzale guztiekin mintzatu, baina ez zen ezer atera. Zenbaitek uste dute egia osoa beren esku dagoela, haiek direla munduko nazionalista bakarrak, eta horrela elkar ulertzea ez da posible.
A. BNGz ari zara?
J.P. Beraiek eta nazionalismoa euren gauza bakarrik dela pentsatzen duten gainerako guztiez. Coalicion Galegaren nacionalismoa bide positibo batetik abiatzen da, besteek «ez» esaten duten lekuan eraikitzen hasten da. Besteek Europari ezetza luzatzen diotenean guk baietz diogu: baldintzak batzuk jarriz, Maastrichtekiko gure baietza argia da. Galiziaren garapenerako Europa erabiltzearen alde gaude.
A. Oztopo horiek nondik etorri dira, Europarekiko ikuspuntuan dauzkazuen desberdintasunetatik ala Galiziako ikuspegitik?
J.P. Europakoa batez ere, baina euren jarrera inposatzaileak ere izan du eraginik. Bada guztiari ezetz esaten dion jendea. Galiziak arazo asko ditu: arrantza, esnea, untziolak, baso erreketak, populazioa... Jende asko, arazoak eta ilusio barik daudenengan oinarritzen ari da, haien haserrea bideratzean datza euren lana. Gure estiloa beste bat da, joera baikorretan oinarritua dago.
A. BNG da Galiziatik bertatik zerbait lortzeko moduan dagoen alderdi abertzalea. Bakoitza zuen aldetik joatea ez al da indarrak galtzea?
J.P. Espainian hautesbarruti bakarra dago eta lortu beharreko maila nahiko handia da. Gainera, PPk bozketa honetan gogor jokatuko du, PSOEri irabaziko liokeen lehenbiziko hauteskundeak lirateke eta. Horrek esan gura du partehartzea handitu egingo dela eta lortu beharreko botoak ere gehiago izango direla. Beraz, bi gauza egin litezke: edo estatuko beste alderdi nazionalista batzuekin joan edo bakarrik. Bakarrik joatea jarrera zoro samarra da: azken hauteskundeetan BNG horrela joan zen eta ez zuen ezer atera. Nik aukera gehiago dauzkat, taldean goazelako. Urtebete bakarrik egongo naiz baina Galiziak Europan ordezkaritza segurua du.
BNGren aukera baztertzailea da, Galiziako gainerako nazionalistak baztertzeaz gain Estatuko beste nazionalismoak ere bazter batean uzten dituelako. Eusko Alkartasuna eta ERCrekin joatea proposatu zitzaion baina hori ere atzera bota zuen. Autista samarrak dira eta ez dago haiekin komunikatzeko modurik.
A. Zu legebiltzarreko Ortzadar taldean zaude, EAJko Jon Gangoiti, aldiz, Talde Popularrean izan zen. Ez al da kontraesankorra?
J.P. Ez dut uste, inondik inora. Aukera bat da. Gangoitik eta EAJk beren haserrea adierazi zuten Espainiako PP jeltzaleak fundatzaile diren Europako kristau-demokrazian sartu zirenean, baina hantxe jarraitu zuten. Isidoro Sanchez, Coalicion Canariakoa, berehala kokatu zen Ortzadar taldean eta nik ere berdin egin nuen. Gustura eta eroso nago, eta berriro egotekotan bertan jarraituko dut.
A. Osatu berri da Brusselan Erregioen Batzordea. Zer diozu bertan, oro har, Europako Batasunetik nazionalitateei ematen zaien garrantzi eskasaz?
J.P. Hori oso erlatiboa da; bada garrantzi handia duen jende arina ere. Politika zuk egiten ez baduzu egin egiten dizute. Beraz, garrantzitsuena egon egin behar dela jabetzea da, modu eraginkorrean, ez beti ezkor eta horrela inora ez goazela esanez. Beraz, estatu gabeko nazioek zer lortu badaukagulako, are eta kementsuago egon behar dugu. Europako Batasuna estatu gabeko nazioen desberdintasuna onartzen ari da eta lehen urrats gisa Erregioen Batzordea atera du. Badakit batzorde hau aholkularia besterik ez dela, baina hori ere zerbait da.
A. Zu galegoz mintzatzen zara legebiltzarrean, ez duzu arazorik?
J.P. Ez, Portugaleko itzultzaileek itzultzen didate eta. Izan ere, galegoa portugesaren aita baita. Galizieraren inguruan bi talde daude: bat ofizialista, Fraga jauna eta abarrek gidatua eta galiziera gaztelaniara hurbildu gura dutena; eta bestea, reintegrazionista edo lusista, galegoa eta portugesaren arteko sustrai berdinetara jotzen dugunona. Bi joera hauen arteko borroka gogorra da eta desorekatua, etengabeko borrokalari sinboliko reintegrazionistok milioika pezeta mugitzen dituen sare ofizialaren aurka borrokatu behar dugulako. Horrela jarraituko dugu heriotzaraino.
Xabier Letona
16-17

GaiezPolitikaNazioarteaEstatuak/NaGaliziaCG
PertsonaiazPOSADA1
EgileezIBAN1Politika

Irakurrienak

Matomo erabiliz

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Zenbat dugun kontatzeko!" Euskal Herriko mapa sortu dute

Euskal Irratiak

Efemeridea: Joxepa Antoni Aranberri ‘Xenpelar’ bertsolariak neskazaharrren defentsan bertso sorta argitaratu zuen

ARGIA

Israel ahulduta eta Iran boterea hartuta

Asier Blas Mendoza

"Nire burua duela 20 urte bezain indartsu ikusten dut"

Euskalerria irratia | Miren Mindegia

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude