«Normalizaziorako plangintzaren atal guztiak ez dira bete»

1993ko irailaren 26an

Pello Salaburu errektoreari elkarrizketa
«Normalizaziorako plangintzaren atal guztiak ez dira bete»
Pello Salaburu, EHUko Euskararako errektoreordea:
ARGIA. 1990etik, dirudienez, EHUko euskalduntze prozesua apaldu egin da. Zergatik?
P. SALABURU. Ez dut uste horrela izan denik. Aurreko ikasurtean, adibidez, irakasle elebidunen 100 plaza berri atera genituen. Egia da 1985etik aldaketak egon direla, garai haietan departamenduen sentsibilitatearen arabera eskatzen baitziren plaza elebidunak eta unibertsitateak eskaera horiei erantzuten zien. Baina 1990ean normalizaziorako plangintzaren onartzearekin batera krisi garaiak etorri ziren eta urte honetatik aurrera irizpide ekonomikoa bihurtu da nagusia. Hala ere, plaza elebidunak kaleratzen dira, lehen esan bezala.
Nire ustez, ez dira garai egokiak baliatu, 85-90 bitartekoak.
A. Administrazioaren Zerbitzuko Pertsonalaren euskalduntze plangintza nahiko ondo burutzen ari da. Ez da horrela gertatzen irakasleekin. Zergatik?
P.S. Egia da normalizazio plangintzaren atal guztiak ez direla bete, irakasleena esate baterako, baina 1990ean, onartu zenean, ez ziren gaur egun ditugun arazo ekonomikoak aurrikusten eta irakasleak euskalduntzea garestia da. Dena den, epeak ez betetzearena ez da bakarrik ekonomiagatik, hau da, askotan ekimenak ezertan gelditzen dira pertsona egokiak ez direlako aurkezten, edota egindako testuliburuaren itzulpena ez delako espero bezain ona. AZPko langile asko liberatu dira euskalduntzeko, eta gaur egun emaitzak jasotzen ari gara.
A. Unibertsitatean badirudi euskararen aldeko eta kontrakoak daudela, jarrera `españolista' batetaz ere hitz egiten da.
P.S. Unibertsitatean euskararen aldekoak eta kontrakoak daude gizarteko beste arlo batzuetan bezala, ez gaude kristalezko kutxa batean sartuta. Hala eta guztiz ere, euskararen alde daudenek uste dute hau Jauja dela, nahi izanez gero unibertsitate euskaldun bat izango genukeela bihar bertan. Hori diotenek ez dute gehienetan unibertsitatea ezagutzen, ez dute oina hemen jarri. Bestela, plaza elebidun berriak aurkezterakoan, oso kasu gutxitan jaso dugu ezetza sailetatik.
A. EHUtik euskal unibertsitatea lor daiteke?
P.S. Euskal unibertsitatearen definizioaren arabera.
A. EHU euskalduna?
P.S. Horretarako dago Euskararako Errektoretzaordea.
A. Noizko?
P.S. Urteak pasatu beharko dira, unibertsitate hau oso gaztea baita, baina posible da.
28-29

GaiezGizarteaIrakaskuntzUnibertsitaEHUErrektoreak
GaiezHizkuntzaEuskaraNormalkuntzUnibertsita
PertsonaiazSALABURU1
EgileezGARTZIA3Hizkuntza

Irakurrienak

Matomo erabiliz

Negu gorri, hondamendia iragarri

Gorka Peñagarikano Goikoetxea

Umeak, poliziak, mikrobihotzekoak

Zigor Olabarria Oleaga

Efemeridea: Egun beltza Euskal Herrian, Amnistiaren Aldeko Astean

ARGIA

Nazio ala imitazio

Gorka Bereziartua

Genozidioa gelditzeko eskatu du Gasteizko hezkuntza komunitateak Palestinaren aldeko ekimen jendetsuan

Zigor Olabarria Oleaga

Ukelele baten atzean Hawaii aurkitu nuen

Cira Crespo

Azkenak

2024-05-13 | Gorka Peñagarikano Goikoetxea

PSC irabazle, independentismoak eta ezkerrak kolpe latza hartu dute

Itxura guztien arabera, PSCko Salvador Illa izango da Generalitateko hurrengo presidentea, norbait izatekotan. Bestela, hauteskundeak errepikatzeko aukera dago. Egungo presidente Pere Aragonés eta ERCk jaitsiera handia izan dute. Abstentzioa %41ekoa izan da.

2024-05-13 | Jesus Rodriguez | La Directa

Hiru itun zail Kataluniako Generalitateko presidente izateko

Kataluniako Parlamentuko gehiengo independentistaren galerak eta hemizikloa eskuinerantz eta espainolismorantz biratzeak gobernagarritasuna zailtzen dute. Maiatzaren 30eko Espainiako Diputatuen Kongresuko osoko bilkurak, Amnistiaren Legea bozkatu behar duenak, eta ekainaren 9ko... [+]

2024-05-13 | Nafarroako Saharako Kabiak Elkartea

Liburutegiak erresistentziarako

2024-05-13 | Uxue Apaolaza Larrea

Materialismo histerikoa

Isilean

2024-05-13 | Gorka Bereziartua Mitxelena

Nazio ala imitazio

Eguneraketa berriak daude