«Gure herria ezagutzeko tresna ederra da argazkia»

1993ko irailaren 12an

Ali Iriart-eri elkarrizketa argazkigintzari buruz
«Gure herria ezagutzeko tresna ederra da argazkia»
Ali Iriart, argazkilarien biltzeko xedea bultzatu nahian
Donibane Garazin, irailaren hamabian, argazkilarien lehen biltzarra egingo da. Ekitaldiaren muntatzen aritutako Ali Iriart dentista garaztarrarengana jo dugu ulertzeko nola bururatu zaion zirkulu klasikoetatik at horrelako iniziatiba bat bultzatzea, kultur bide berri batzuk urratuz.
ARGIA. Noiz hasi zinen argazki mundu honetan ibiltzen?
ALI IRIART. Aspaldidanik hasi nintzen mendian ibiltzen, inguru hori asko maite dudalako eta bide beretik noiz behinka argazkiak ateratzen nituen, baina amateur moduan. Gehien gustatzen zitzaizkidanak handitzen nituen. Gauza asko gaizki egiten nituela konturatzearekin, egiten nituen argazkiak lantzen serioski hasi behar nintzela ohartu nintzen. Beraz, azken hiru urte horietan argazkigintza ikasten aritu naiz, beti ere amateur moduan.
A. Orain erakusketak ere egiten dituzu.
A.I. Iaz, Garaziko festen karietara egin nuen nire lehen erakusketa eta Agustin Zamorari gustatu zitzaizkion, eta geroztik Euskal Herrian zehar erakusten ditut.
A. Ba al da argazki azpiegiturarik Iparraldean, gazteak formatzeko edo?
A.I. Momentuko ez dago deus, ez argazki elkarterik, ezta leku berezirik argazkiak egiten ikasteko ere. Horrexegatik, aurten antolatzen dugun erakusketaren ondotik, elkarte bat sortu nahi dugu argazkiak egiten aritzen direnak biltzeko. Gertatzen da hemen, adibidez, Garazin bertan bi argazkilari profesional dauzkagula, baina ez dute ez horiek ez besteek gauza handirik egiten mundu hori ezagutarazteko. Profesional gehienek dirua bildu behar dute; beraz, argazki artistikoa ez zaie sobera interesatzen.
A. Zein da argazkilari amateurraren profila hemen?
A.I. Gehienetan mendian ibiltzen den jendea da, argazkiak egiten dituzte eta familian edo lagunen artean erakusten. Herri hau maite duen jendea da, argazki bat egiteko bihotza eman behar da.
A. Profesionalek nola hartu dute zure ekimena?
A.I. Profesionalek erreakzio oso ona izan dute helburuak aurkeztu dizkiedalarik, harriturik pixka bat, baina ikusi dutelarik inongo talderik ez zela ekimena lotzen, prest izan dira laguntza ekartzeko. Gisa guziz erran behar da ere horrelako bideak urratzeko erokeria piska bat izan behar dela, eta hori ere gustatu zaie.
Gogoratu behar da Iparraldean eta gehienbat barnealdean kultur basamortua bizi dugula, euskararen inguruan dauden antolaketen alboan ez dago deus. Beraz, kostaldera jo dut argazki artistikoan ari diren batzuk ezagutzeko: Etxandi, Martinez, Tuirs... Elizondotik bi heldu dira. Orotara hamabost bat profesionalek parte hartuko dute erakusketa horretan. Gero gaia mugatua zen, alegia, Euskal Herriko argazkiak izan behar ziren.
A. Bestalde, amateurrei zuzendutako lehiaketa dago.
A.I. Momentuko ehun bat argazki bildu ditugu lehiaketa honetan parte hartzeko, baina eskainiak izanen diren sariak, aurtengoz bederen, ez dira oso inportanteak. Nagusia mila liberakoa da. Baina gisa guztiz, datorren urtean esperantza dugu eskaintza handiagoak izanen direla. Aurtengoa entseiu bat da eta ondoko urteetan ate gehiagotara joko dugu. Momentuko erran behar dut deus eskatu gabe Garaziko herriko etxeak eta bertako babesleek lagundu didatela. Jakina aurrekontu oso ttikia dugula eta ekitaldi guzia kittorik dela.
A. Zer nolako elkartea sortu nahi zenuke?
A.I. Lehenik, elkarte horrek bere gain hartu beharko du argazkilarien biltzar horren antolaketa, urtero irailaren bigarren asteburuan iraganen dena. Seguraz ere, horren inguruan, beste erakusketa batzuk, urtean zehar. Baina beste sail interesgarri bat litzateke formakuntzaren inguruan, hemen, Garazin, lizeo bat izatea. Ikasleak flipper-ren inguruan ikusteko ordez, argazkigintza haiekin garatzea interesatuko litzaidake.
Gure herria ezagutzeko parada ezin hobea da argazkia. Argazkien bitartez jendea ohartuko da herri zoragarria dugula eta bertan interes gehiago emateko gogoa etorriko zaiela uste dut.
Ixabel Etxeberria
48-49

GaiezKulturaBesteak
PertsonaiazIRIART1
EgileezETXEBERRI11Kultura

Irakurrienak

Matomo erabiliz

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

"Zenbat dugun kontatzeko!" Euskal Herriko mapa sortu dute

Euskal Irratiak

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Nire burua duela 20 urte bezain indartsu ikusten dut"

Euskalerria irratia | Miren Mindegia

Israel ahulduta eta Iran boterea hartuta

Asier Blas Mendoza

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude