Roberto Lopez: «Nahiago nuke irratsaio guztiak euskaraz balira»


1993ko ekainaren 06an
Roberto Lopez Onda Ceroko kazetariari elkarrizketa
Roberto Lopez: «Nahiago nuke irratsaio guztiak euskaraz balira»

Euskara, Euskal Herriko hizkuntza delako eta jasan duen zokoraketa tarteko; eta urteotan jasaten ari den gorakada» lirateke Eibarko Onda Cero eta «...eta kitto!» erakundeek, euskararen aldeko irrati erronka burutzeko, azaldu dituzten arrazoiak. Hitzarmen hau medio, uda hasiera arte, irrati honetako entzuleek, asteazken eta larunbatetan, albistegi eta elkarrizketak euskaraz dastatzeko aukera izango dute. Hortaz, euskararen aldeko pauso berri honetan, akordioaren sinatzailea izan den Onda Ceroko Eibarko lehendakaria den Roberto Lopezekin solasalditxo bat izango dugu.
ARGIA. Zerk bultzatu zintuzten, astean bi aldiz, euskarazko saioak egitera?
ROBERTO LOPEZ. Lehengo urteko iraila aldera, entzuleen lehen indizeak jasotzearekin batera, zera ikusi genuen, gure entzule gehienak, euskaraz hitz egiten zuela eta ikasketa maila altu batekin gainera. Ikuspegi lokaletik, gure lankide askok euskaraz badakite ere, «...eta kitto!» herri erakundearekin, elkar laguntzeko aukera aztertu eta berau burutzea, interesgarria iruditu zitzaigun.
A. Zer nolako programak eskainiko dizkiguzue?
R.L. Uda garaira arte, euskara hutsezko hamalau saio egin eta astean bi aldiz, aireratuko ditugu. Asteazkenetan, ordu laurden batez, eskualdeko albistegiak jorratuko ditugu, eta larunbatetan, ordu erdiz, asteburuko kultur agenda eta pertsonaia ezagunen bati elkarrizketa. Aurkezle lanetan, «...eta kitto!» erakundeko bi partaide izango ditugu, Jose Luis Gorostegi eta Letizia Gomez. Guk gure aldetik azpiegitura ipiniko dugu, emanaldiak ahalik eta kalitate onenean entzuleen etxeetara irits daitezen. Ondoren, uda partean, euskararen presentzia mantentzen ahaleginduko gara, eta ia berriz ere, iraila aldera edo, asmo berri honi berriro ekiten diogun.
A. Programaketa guztia euskaraz egingo den eguna, gertu ikusten ahal duzu?
R.L. Kataluniako emisorak adibidez, emanaldiaren zati haundiena katalanez egiten du. Ondorioz, helmuga hori gertu ikustearekin batera, esperantzatsu nago. Nahiago nuke programa guztiak euskaraz balira, baina badakigu gure entzule kopuru haundi batek ez dakiela euskaraz. Beraz, oreka bat aurkitu beharra daukagu. Hala ere, etorkizunean irrati-nobelaren bat balego edo, aurrera ekingo genuke, zeren eta ez dugun euskeraren presentzia testimonial bat soilik eman nahi, su honek pizturik irautea nahi dugu. Nire iritziz, euskarazko kazetaritzak maila altu bat izan dezake.
Jon Odriozola
63

GaiezKomunikabidIrratiaOnda Cero
PertsonaiazLOPEZ5
EgileezODRIOZOLA3Komunikabid

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude