Paulo Agirrebaltzategi, EKBko lehendakaria: «Ekimen eta erakunde sozialekiko jarrera politikoak aldatu behar dira»

1993ko maiatzaren 23a
EKBko lehendakariari, Paulo Agirrebaltzategiri elkarrizketa
Paulo Agirrebaltzategi, EKBko lehendakaria: «Ekimen eta erakunde sozialekiko jarrera politikoak aldatu behar dira»

ARGIA. Zer ekarri dio EKBk euskal kulturari?
P. AGIRREBALTZATEGI. Euskalgintzako eta euskal kulturgintzako sektore ezberdinetako erakundeen koordinazioa eta eragintza. Horri begira eratu dituen zerbitzuetan du bere ekarpen nagusia. Badira hiru ideia nagusi, berak zabalduak: herriarena izanik hizkuntza, horren berreskurapenaren protagonismoa herritarrena dela; euskalgintza eta euskal kulturgintza guztiz lotuta daudela, beraz, euskararen berreskurapenaren plangintza ezin daitekeela kulturgintzatik aparte bideratu; euskararen berreskurapenaren plangintza ezin daitekeela egin hizkuntza darabilten kultur sektoreen koordinazioan ez bada.
A. Hurbiltasun politikoak leporaturik, beldur horiek desagertzea lortu al da?
P.A. Hizkuntza nazionalaren aldeko defentsan eta lanean erradikaltasuna ipintzen baldin baduzu, beste mailako jarrera politiko erradikalekin nahasten zaituzte. Hainbaten aldetik nahasita agertzeko interes politikoa egon delako; horren izenean inkomunikazioaren hormak eraikitzen dira. Badirudi azken aldian inkomunikazioaren paretak komunikaziorako mahai bihurtzeko joera bide egiten ari dela.
A. Etorkizunari begira, zein da EKBren erronka?
P.A. Uste dudanez, urrats berriak ezezik, jauzi koalitatiboa eman beharrean gaude, erakunde publikoen eta erakunde herritarren elkarlanari dagokionez. Urtetan soluzio egokirik ezean minduta dauden arazo mingarriak irtenbidearen eske larrian daude (AEK, «Egunkaria», unibertsitatea eta abar). HPIN (EAEn) eta HPZ (Nafarroan) ahalegin zintzoak egiten ari direla uste dut. Aurrera begira ordea, ekimen eta erakunde sozialekiko jarrera politikoak dira aldatu eta zabaldu beharrekoak, benetako izpiritu eta jokabide demokratiko irekiaren bidetik. Horri buruz kontraesanak nabarmenegiak dira agintari publiko batzuen artean eta zenbait alderdi politikoren barruan. Guzti horren aurrean, EKBren erronka zera da: euskararen berreskurapen osorako aurrean daukagun bide luzean mugimendu herritar zabala eta ugaria sendotzea eta koordinatzea.
A. Kultura Sailarekiko harremanak sendotzerik bai?
P.A. Orain hilabete askotxo eskatu genion elkarrizketa sailburuari. Ez dugu erantzunik hartu. Eta azken aldian prentsan agertu diren iritzi batzuk aldekoak izanik ere, ezin ditugu erantzun egokitzat hartu. Agian egokiera hobearen zain egon beharko dugu oraindik, sailarekin elkarrizketa eta elkarlan zabalago eta sakonagoak bideratzeko.
Dena dela, Kultura Sailarekin ezezik, bestelako erakunde publiko guztiekin harremanak lotu behar dituela uste dut euskalgintzako mugimendu herritarrak, denak direlako erantzule euskararen berreskurapenari begira. Zuzenean lotu beharko dira harreman horiek, eta bereziki HPINen bidez EAEn eta HPZren bidez Nafarroan, beroriei dagokielako gobernuen hizkuntz politika koordinatzea.
Ritxi Lizartza
23

Gaiez\Hizkuntza\Euskara\Erakundeak\EKB
Gaiez\Kultura\Kultur Erak\EKB
Pertsonaiaz\AGIRREBALT1
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Eskola jantokiak, noren ardura?

Sukaldeak errekuperatu, elikadura egokia bermatu, balio hezitzaileak transmititu. Asko dira hezkuntzako eragileek jantokietako zerbitzuak hobetzeko dituzten eskariak. Ez daude konforme catering enpresa handiek kudeatutako orain arteko ereduarekin, baina ezta Eusko Jaurlaritzako Hezkuntza Sailak urtarrilean egindako proposamenarekin ere: 2019-2020 ikasturtetik aurrera, hala nahi duten EAEko guraso elkarteek aukera izango dute ikastetxeko jantoki zerbitzua zuzenean kudeatzeko.


2019-02-24 | Z. Oleaga
Psikoterapien hazkundea ingurune militanteetan
Guaren eta niaren arteko oreka askatzaileen bila

Enpresetan, ikastetxeetan, kirol taldeetan… ez da psikologorik falta; artea, umorea edo bainua zirenak arteterapia, barreterapia eta hidroterapia dira egun, eta gure elkarrizketetan ohikoa da bipolar, neurotiko, depresibo edo psikosomatiko moduko terminologia erabiltzea... Homo politicusetik homo psicologicusera igaro gara, baita ingurune militanteetan ere.


2019-02-24 | Gorka Peagarikano
Zorionak, Seaska!

Elkarlanetik sortu eta bizi da Seaska, Ipar Euskal Herriko ikastolen elkartea. Ospakizunetan da: 50 urte bete ditu aurten. Larunbateko ekitaldiak Euskal Herriko hainbat txokotako jendea erakarri zuen Miarritzera. Ia 5.000 lagun inguru bildu ginen Iraty Aretoan, eta bigarrenez zorionak Seaskari, antolakuntza paregabea izan zelako.


1.000 arrazoi

1.000 lagun aitortza eta erreparaziorik gabe. 1.000 aulki huts, nafar torturatu bakoitzeko bana, paratu ditu Nafarroako Torturatuen Sareak Iruñeko Gazteluko Plazan.Tortura ofizialki ikertu ez den azken legegintzaldia hau izan dadin. Pako Etxeberriaren lantaldeak irekitako bideari jarraipena eman nahi diote Nafarroan.


2019-02-24
Egiazko ezker iraultzailea dela frogatzeko, bitan banatu da jada Gazte Koordinadora Sozialista

Igandean aurkeztu dute IAko gaiztoek jatorri eta ideologia anitzeko gazte askok Gazte Koordinadora Sozialista. Munduko langileriak eta erakunde sozialista guztiek erakutsitako bideari jarraiki, astelehen goizerako bitan banatzea erabaki dute: Koordinadora Sozialista Gaztea eta Gazte Sozialisten Koordinadora.


Azkenak
EGILEA
Eguneraketa berriak daude