Yurre Ugarte: «Gogorra iruditu zait nik idatzirikoa beste batek errealizatzea»


2021eko uztailaren 19an
Yurre Ugarte, ETBko gidoilariari elkarrizketa
Yurre Ugarte: «Gogorra iruditu zait nik idatzirikoa beste batek errealizatzea»
Lehengo hilean hasi zen ETB <> umorezko saio emititzen. Saio honen gidoilaria dugu Yurre Ugarte, eta hau telebistarako egiten duen lehen lana da. Orain arte laburmetraiak egin ditu formato ez profesionalean, baina gidoilari soil bezala egiten duen lehen lana da hau.
ARGIA. Nola sortu zen "Penelope Enea"ko gidoia egiteko ideia?
YURRE UGARTE. Neri produktore batek deitu zidan ETBk serie bat egiteko ideiak behar zituela eta neure ideia aurkeztu nuen. Ideia gustatu zitzaien eta onartu egin zuten. Nere helburuetan ez zen sartzen serie bat idaztea. Nik produktorea luzemetraia bateko gidoia erakutsi nionean ezagutu nuen eta hau dela eta nitaz pentsatu zuen serierako gidoia egiteko, baina ez da nik bilatutako zerbait izan.
A. Gaur egun "Penelope Enea" ikusten duzunean, zuk hasieran pentsatuta zenuena bezalakoa al da?
Y.U. Nik uste emaitza inoiz ez dela hasierako ideia bezalakoa, hau agian hobe izango da, baina desberdina dela argi dago.
Oso zaila da kasu honetan emaitza ideia bezalakoa izatea, errealizadorea eta gidaoilaria ez bait da bera izan, errealizadorea ez naiz ni izan. Hau neretzat oso zaila izan da orain arte nik idatzi ditudan gidoi guztiak nik errealizatu bait ditut. Orain arte lanek nere ikuspegia izan dute, oraingoan berriz, ideia beste batek errealizatu du. Alde handia dago nik nola ikusiko nukeenetik oraingo errealizadoreak nola ikusi duenera.
A. Umorezko gidoiak egiten al dituzu normalean edo bestelakoak?
Y.U. Beti esan izan didate umorezko zerbait dutela, baina umorea dutela esateak ez du esan nahi barregure erraza sortzen dutenik. Oso zaila egiten zait neronek hau aztertzea, besteek esan beharko dute.
A. lzaten al dituzue hemen gogidoilariek lanak aurrera eramateko aukerak?
Y.U. Gidoilarientzat aukera gutxi daude eta orain askoz ere gutxiago, produktoreek oso gutxi arriskatzen bait dute arlo guztietan dagoen krisia dela eta. Jende asko dago mundu honetan sartuta, eta aldiz, lan gutxi burutzen dira. Baina hau toki guztietan gertatzen da ez soilik Euskal Herrian.
A. Hau izan da zure lehenengo esperientzia telebistan, zer iruditu zaizu?
Y.U. Oso gogorra iruditu zait. Batez ere neretzat paper berria delako idaztea soilik, errealizatu gabe. Esperientzia berria izan da eta ongi dago baina gogorra iruditu zait nik idatzirikoa beste batek errealizatzea.
AITZIBER YARZA
Yurre Ugartek <> umorezko saioaren gidoia idatzi du. Lehenengo aldia da telebistarako lan egiten duela.
63


GaiezKomunikabidTelebistaETBGidoigileak
PertsonaiazUGARTE3
EgileezYARZA1Komunikabid

Azkenak
"Bi arnas" dokumentalaren ziklo amaiera ospatu dute: "Torturak ama eta alabarengan sorturiko zauria arintzen lagundu du"

Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide honetan lortutako etekin ekonomikoak bi elkarteri eman dizkiote: Harrera eta Axut. Ekitaldiak une... [+]


Netanyahuk ez dauka “gerra osteko” planik Gazarako

Yoav Gallant Israelgo Defentsa ministroak publikoki leporatu dio Netanyahuri “gerra” amaitzerako planik ez izateak Israel behartuko duela Gazan kontrol militar eta zibila inposatzera. Palestinako Aginte Nazionalaren egitekoari buruzko eztabaidak talkak sortu ditu... [+]


Eguneraketa berriak daude