«Lur erosleak ez dira euskaldunak baina sailtzaileak bai gehienetan»

1992ko urtarrilaren 19an

Albert Pery, Ziburuko auzapez sozialista:
«Lur erosleak ez dira euskaldunak baina sailtzaileak bai gehienetan»
Albert Pery 1965an ekin zion politikari. 1971an, gaur egun ezagutzen dugun alderdi sozialista sortu zutelarik, bertan jarraitu zuen bere militantzia, François Mitterranden gidaritzapean. Ziburuko herriko etxean oposizioan luzaz egin badu lan, lehenbiziko tokian dugu orain, bere herrian gestio berria bultzatu nahian.
A. Datorren martxoan hauteskunde erregionalak iraganen dira. Horiei begira optimista al zaude?
A.P. Hautekunde horiek alderdi sozialistarentzat garai txarrean iraganen dira, egoera orokorra ez bait da funtsean gure alde, baina 1993an Parlamenturako hauteskundeak izango dira, eta ordurako momentu txar hori gainditua izango dugula iruditzen zait. Izatez optimista naiz.
A. Erraza al da auzapez sozialista izatea Ipar Euskal Herri eskuindar batean?
A.P. Beti oposizioan egotea borroka latza da, ideiak ez bait dira pasatzen, ditugun kontzeptzioak ez dira onartzen. Beraz, orain dudan lekutik beste lan mota bat egin dezaket, nere kontseiluan gehiengo nagusia daukadalako. Egia da Ipar Euskal Herria orokorrean eskuindarra dela. Elizak bere ardura ere izanen duela iruditzen zait, baina ardura hori ere ez da betirako. Horrelako egoerak ezagutu ditugu beste lekuetan, Bretainan adibidez, orain dela 15 urte eskuindarra zen, egun gehienbat ezkertiarra da.
A. Ziburun ere langabetuen kopurua inpotantea da. Zer nolako metodoak erabiltzen dituzue egoera hau aldatzeko?
A.P. Hori ez da gure eskuetan bakarrik. Aterabideak aurkitzeko momentuan egoera ekonomiko orokorrari begiratu behar zaio, bai nazionalari eta baita mundialari ere, merkatua zabaldu egin bait da. Guk proposamen batzuk egin ditugu lokalki. Beraz guri dagokigu ideia berriak atzematea, produktu apailatu bat eskaintzea. Ziburun egoera horri aurre egiteko ez zen orain arte pentsaketarik egin, egoera honetara ailegatu baino lehen antolaketa berri bat aurkitzen edo ate berriak zabaltzen ez zen inor saiatu. Aintzineko urteetan aktibitate ekonomiarentzako eremurik prestatzea ez zitzaien gogora etorri, eta orain falta da. Beraz, hortan gabiltza: lur antolaketaren planoarekin. Etorkizuna prestatu behar dugu, eta gaur, bihar hurbildu nahiko duten enpresak errezebitzeko. Bestalde, elkarte bat sortu dugu langabezian daudenei laguntza bat emateko. Ez dira epe luzerako lanpostuak, baizik eta laguntza eskain dezakeen zerbait. Ez da horrekin bakarrik konponduko arazoa, baina zerbaiten egiten saiatzen gara. Ez dugu turismoa baztertzen, jende asko bizi bait da horretaz. Hori ez balitz langabezia kopurua okerragoa litzateke, baina ez dugu hori egin nahi bakarrik ere, eta lanpostuak sortuko dituzten egiturak ekar erazi nahi ditugu. Baina hor erran behar da lurraren prezioa gora doala, eta eremu berri batzuk erosten ditugularik, aurrera begira gehienetan inbestizamendu pisutsua izaten da.
A. Zer diozu azken urte horietako lurren prezio igoeraz?
A.P. Askok espekulazioaz hitz egiten dute, baina hortaz lasai hitz eginen dut, zeren norbaitek erosten duelarik, beste norbaitek saltzen dio. Lur erosleak ez dira euskaldunak baina saltzaileak bai gehienetan. Euskaldun batek beste euskaldun bati lurra prezio apalagoan saltzeko parada duelarik, kanpoko batek gehiago proposatzen diolarik, prezio hoberenean saltzeko zalantzarik ez du. Kanpotarra ez da erruduna. Arazo horrek pentsaketa kolektiboa eskatzen du. Kostaldeko lur jabeduna urrezko domina baten gainean bizi da. Eta beraien ondasunetaz ahal adina diru ateratzen saiatzen direnak ezin ditugu kondenatu. Bistan da guri ere badagokigula arduradun publiko garenez joko horretan sartzea, eta nolabait mugatzea.
A. Uste al duzu kostaldeko urbanizazio plangintza orokorra beharko litzatekeela eraikuntza mugatzeko?
A.P. Nik uste dut herri batzuren arteko lur antolaketaren armonizazio lan bat egin litekeela, adibidez Donibane Lohitzune, Ziburu, Urruña eta Azkaine artean, herri horiek elkarri lotuak bizi bait dira. Errazago da batzuen artean antolaketa berriak eraikitzea. Ez lioke gainera ezer kenduko bakoitzaren berezitasunari.
A. Interesatzen al zaizu euskal kultura?
A.P. Bai, nola ez. Ziburun sortu naiz, nere familian denak sortu gara Euskal Herrian. Euskalduna sentitzen naiz. Nere alderdian ere euskara defenditu izan dut orain dela urte asko, ez zidaten kasurik egin, beraz pozten naiz ikastolak garai hatan sortu izana. Nik euskara eskola publikoan sartu nahi nuen, gaur egun Ikas BI bada, lehenago sortu behar zen hori.
A. Autodeterminatzeko eskubideak balio ote du, zure ustez, euskaldunentzat?
A.P. Ez diot galdera horri erantzunik eman nahi. Azken hilabete horietan aldizkari abertzaleetan parekatzeak egiten direla, Jugoslabian gertatzen denarekin esate baterako. Nere ustez parekatze batzuk zailak dira, estatu guztiek beren historia dute. Ezin da Euskal Herria nazio independentea balitz bezala imajinatu. Historia ez doa hortik. Maastricht-en arabera, defentsa amankomun bat ukanen dugu, hortik joan behar dugula uste dut.
Ixabel Etxeberria
Albert Pery sozialista, eta bere emaztea aldamenean. (Argazkia: Tala).
Albert Pery bizkarrean tirokatu zuten telebista ikusten ari zelarik. (Enbata aldizkaritik hartutako argazkia).
10-11

GaiezPolitikaEuskal HerrErakundeakUdalak
GaiezPolitikaEuskal HerrTaldeakAlderdiakPSF
PertsonaiazPERY2
EgileezETXEBERRI14Politika

Irakurrienak

Matomo erabiliz

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Lurra taupaka hasiko da

Estitxu Eizagirre

Kanpaldien lehen garaipenak iristen hasi dira Israelekiko boikot akordioekin

Jon Hidalgo Gereñu

"Amorrua, hira eta mendeku nahia emakume baten motorrak ere izan daitezke"

Reyes Ilintxeta

Efemeridea: Jarrairen V. Kongresua bortizki eragotzi zuen Espainiako Poliziak, agindu judizialik gabe

ARGIA

2x17: Amillubi proiektutik: taupaka hasi da lurra | Ane Aranburu eta Miryan Imaz

Bizi Baratzea | ARGIA

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude