ARGIA.eus

2020ko uztailaren 05a

Jose Luis Olamendi: "Eguneroko bizitzak denbora gutxi uzten dik poesiarako"

1988ko urtarrilaren 17a
Jose Luis Otamendirekin elkarrizketan.
«ZAINETAN MURRAILAK», BERE HIRUGARREN POEMA-BILDUMA AURREKO HILABETEAN ARGITARATU ZUEN «SUSA»K
Jose Luis Olamendi: "Eguneroko bizitzak denbora gutxi uzten dik poesiarako"
Azpeitiar honek hiru poema liburu kaleratu ditu urte mordoskaren tartez eta horietaho azkena ("Zainetan marrailak".) duela oso gutxi. Halere, 29 urteko gazte hau ezezagun samarra da euskal letretan. Poeta denaren seinale.
A.ðBazegok jende bat, behin liburua argitaratu ondoren, ba nolabait bere liburua berea ez balitz bezala sentitzen duena. Urruntasun hori sortu duk higan, ala.?
J.L.O.ðNeurri bateraino bai, baina ez diat ahaztu nahi. Heure istorioa duk.
A.ðEta, hire poema argitaratuak paperean ikusiz, zer sortzen ditek, zirrararen bat?
J.L.O.ðBa, poza lehenengo, aukeran daudela beste zenbaitek hartzeko eta helburua azken batean horixe huen. Nik hori uste diat, helburu nagusienetakoa hori dela, heuregandik kanporatzea beste era batetara. Akaso bestetan hainbeste kostatzen zaian kanporaketa hori, literaturaren bidez lortzea. Agian, horrek arrisku bat dik: poesia hutsaldi huts bezala hartzea, eta ez diat uste hori bakarrik denik. Heure bilaketa horretan bide bat egiten duk, baina bide horrek egiteko erak erakusten dizkik. Alegia, kontua ez dela bakarrik helburu hori lortzea, baizik eta nola lortzen den ere gorabehera handikoa dela.
A.ðIdazle bezala poetatzat har az hakegu. Poesia idatzi duk beti, jpoetatzat duk eure burua, hobeto aurkitzen haiz poesian?
J.L.O.ðPoesia askoz komodoagoa duk nire eritzirako, orain arte behintzat neure burua ez diat gauza ikusi prosarako, ipuin pare bat egin dizkiat baina, ez nauk saiatu sekula seriotasunez. Tentazioak sartzen zaizkik prosazko lan majoak ikusita eta akaso oso zailak ez diruditenak izanik, baina ez diat sekula betarik hartu eta ez diat sekula horrelako adorerik ukan.
A.ðGarbiketa, aukera. keta lan handia egiten duk?
J.L.O.ðBai, kristorena. Ba, azkeneko berrogei poema txiki hauetarako, orduan behintzat, berrehun eta hirurehun poema artean izango hituen. Ehuneko hogeiren bat edo aukeratuak.
A.-"Zainetan murrailak" duk hire hiragarren eta azkeneko poesi bilduma. Poema mordoa honez gero eta halere egilea ezezagun samarra duk oraindik. Poetak normalean ezezagunagoak dituk, narradoreak baino adibidez, zergatik?
J.L.O.-Nik uste diat garbi dagoela.Narratiba askoz gehiago iristen duk, errazagoa eta atseginagoa, subjetiboagoa duk,neke gehiago eskatzen ziok poesiak irakurleari. Ikasle artean ere garbi ikusten diat nik ori.
A.ðAlegia, prosan da. goena dagoela eta poesian berriz, ez dagoena ere egon litekeela...
J.L.O.ðHorixe duk, askoz dastatze subjetiboagoa dela poesia, neurri handi batean. Gauzei begiratzeko beste era bat eskatzen duela. Neronek ere askotan askoz gustorago leitzen diat narratiba, irakurtzea atseginagoa suertatzen zaidak batzutan. Alde batetik poesia izan liteke alienazioaren kontrako antidoto efektiboagoa, baina alienazio berak nekez lagatzen dik tarte bat poesiarentzat. Lanak edo langabeziak, berdintsu edo areago oraindikð, eta eguneroko bizitzak denbora gutxi uzten dik poesiarako.
A.ðHire liburu honetan poema gehientsuenak maitasun aldetik zoaztik. Monotematikoagoa ote duk liburu hau besteen aldean?
J.L.O.ðEgia esan, banekike neuk ere!. Ez nauk oso ondo akordatzen. Tendentzia bezala bai, "Zainetan murrailak"... maitasun poema dexente zegok hor. Baduk mordoska bat, sail bat. Askotan maitasuna aitzaki gisa hartzen duk beste zenbait gai ikutzeko. Norbait interlokutore bezala hartu behar dualako eta ez haiz ari prezeski pertsona konkretu batetaz, andrea edo norbait maite duanaz, hori nahiko nabarmen ikusten duk poemetan. Oso abstratuak dituk, maitasuna ideala duk, joera handia diat idealizatzeko. Bizitza errealean ere bai, jendearekin ditudan harremanetan, baina poesian erabat edo asko. Maitasuna, konpasa ematen didan zerbait bezala duk, beste zenbait adarretara jotzeko gero.
J. Arano , J. Landa.
52

Gaiez\Kultura\Argitalgint\Argitalpena\Liburuak\Literatur l
Gaiez\Kultura\Literatura\Argitalpena\Poesia
Gaiez\Kultura\Literatura\Idazleak\OTAMENDI2
Pertsonaiaz\OTAMENDI2
Egileez\ARANO1\Kultura
Egileez\LANDA2\Kultura
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Jose Luis Otamendi

Jose Luis Otamendi kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude