Gotzone Sestorainekin Altxerrin Jimmy Jazz'en Billa

1986ko ekainaren 01an

Gotzone Serostaini elkarrizketa
Leitzar Gazte Honek "Basamortuan Oasiaren Bila" Izeneko Liburua Kaleratu Du
Gotzone Sestorainekin Altxerrin Jimmy Jazz'en Billa
Gotzone Sestorainek, hogei urte ditu eta urteek bakarrik zilegitzen duten ausartzianz, poema liburu bat argitara eman du.
Delako argitalpen hori Iparraldeko "Maiatz" aldizkariaren laguntzarekin egin du Gotzonek. Donostian, kasualitatez aurkitu ginen batez, joan gintzaion zenbait galdera egitera. Bere irri adiskidetsu maltsoaz, grazia askorekin ihardetsi zigun (eskerrak, bestela ez genizukeen elkarrizketa hau eskainiko).
ARGIA.– Gorka Trintxerpe, Iñaki Zabaleta, Patxi Perurena eta orain zu. Nolaz dira, Leitzan, horrenbeste poeta sortzen? Herri emankorra dela dirudi...
GOTZONE SESTORAIN.– Ez dakit, horri erantzun objektiborik orokorrean ematerik eztago. Orain, nik kontatuko dut nere kasua; besteei horrela gertatu zaien ala ez beste kontu bat da. Oso gazte nintzela, atera nintzen Leitzatik, hirira joateko gainera, lehenik Tolosara eta gero Iruñera. Han, nik normalean bizitzen nuen mundu desberdin bat aurkitu nuen. Niretzat hasieran behintzat txoke bat izan zen, bai nere izakera aldetik eta bai hizkuntza aldetik. Orduan, nolabait komunikatzeko zailtasuna sentitzen nuen, nere sensazioak eta nere sentimenduak adierazteko, kanporatzeko espresabide bat behar nuen, papera eta luma hartzeari ekin nion.
A.– Zergatik hautatu zenuen poesia idaztea?
G.– Ni idazten hasi nintzen Institutoan nengoelarik, askotan klasean nengoela aspertu egiten nintzen, eta gainera sentitzen nintzen beste mundu batean banengo bezala. Giro hartan ez nintzen integratzen. Momentu horietan, sentitzen nuen nolabaiteko asperdura hori gainditzeko beharra. Orduan, edozein paper txuri hartzen nuen, apuntetako orriak izan zitezkeen, momentuan bururatzen zitzaidana zirriborro batzuren bidez adierazten nuen, ez! Poesia hain zuzen egoera horietan zen biderik egokiena nik sentitzen nuena kanporatzeko...
A.–Ordu hartan, literaturari orokorki interesatzen zinen?
G.–Garai hartan, literatura espainola ikasten genuen, XIX. eta XX. mendekoa. Idazle horiek aztertzen eta irakurtzen genituenean, denbora hartan bizi nuen egoera kontutan edukiz, beraiek esaten zutenarekin identifikatua sentitzen nintzen. Eta poliki poliki, mundu horretan murgiltzen joan nintzen, geroz eta erakargarriagoa egiten zitzaidan...
A.– Beraz irakurle amorratuetarik zaitugu?
G.– Irakurtzea beti asko gustatu zait. Gertatzen dena frangotan betarik ez dudala izaten nahi dudan haina irakurtzeko. Nere ustez idatzi nahi duen orok ezin bestezkoa du, beste idazleek izkribatzen dutena ezagutzea bai teknika aldetik, bai gaialdetik, bai estilo aldetik oso lagungarria delako, ez! Ez da teknika bakarrik, bada ere persona bezala zure burua nolabait aberasteko baliagarri direla...
A– "Basamortu oasiaren bila" zure lehen poema bilduma atera da. Zergatik, Iparraldeko "Maiatz" argitaletxean?
G.- Behin, duela hiru urte, Baigorriko "Nafarroaren egun" batez, lagun baten bidez, "Maiatz" batasuneko kargudun bat ezagutu nuen, jakin zuenean poemak idazten nituela, "Maiatz" aldizkarian kolaboratzera animatu ninduen. Geroztik, bi zenbakitan atera ziren nere poemak. Eta duela urte bete gutxi gora behera, bilduma bat argitaratzeko ideia azaldu zidaten, eta bueno ba, ni azkenean, ausartu nintzen urrats hori ematera eta orain hor daukazue liburua!... Bestalde aitortu beharra daukat hemengo idazle eta argitaletxeekin, kontaktu gutxi daukadala, izenez ezagutzen ditut baina pertsonalki bizpahiru baizik, ez gehiago...
A.- Poema bilduma hori presentatuko diguzu laburki?
G.- Liburu osoaren titulua "Basamortuan oasiaren bila" da, eta hiru zati nagusitan banatua da, laugarren bat ere badago beste poema soltez hornitua. Aipatutako hiru zati horietatik bat da heriotzaren inguruan, nigan gertaturiko etapa baten bukaera bezala agertzen duena, horri beste etapa batek jarraitzen dio, hain zuzen Inkomunikazioak, eta hor adibidez leihoak krixtoren inportantzia dauka besteengana iritxi nahi eta ezin hori adierazzteko nolabait, eta hirugarrenari dagokionez Birjaiotza deitzen da, izan liteke arazoari irtenbidea lemaiokeena (!). Beraz, izenburuak berak erabateko bilakuntza bat erakusten du, gero, zati edo azpisail horietan gauzatzen dena, edo prosesoari lotura bat ematen diona...
A.- Ez ote duzu uste euskararen aberastasun handiegiak liburuaren edukina edo mezua pixkat itotzen duela?
G.- Ez nizuke, ez baietzik, ez eta ezetzik esango lehendabizi. Egia esan nik ez dut oraindik aurkitu nerea litzatekeen estilorik. Oraindik bilatzen ari naiz. Esate baterako, nere lehen poemak oso astunak ziren, bai irudi aldetik eta bai hizkuntza aldetik. Gaur egun irakurtzen ditudanean, haiengandik oso urruti aurkitzen naiz. Bilduma horretan agertzen direnei dagokienez, alde horretatik, esan beharra dago arinagoak direla, nahiz eta zailtasunak iraun. Orain idazten ditudan poemak kontutan hartuz, esan dezaket liburukoei konparatuz, erabat desberdinak direla, hizkuntza eta estiloari begira. Nere ustez hizkuntza eta mezuaren edo edukinaren arteko oreka bat lortu behar da: hizkuntzaren aberastasunak ez dezala nolabait mezua estali, aldi berean, mezuak ez dezala hizkuntza bortxa edo menpera...
A.–Zer sentitzen da lehen liborua kalean ikusten denean?
G.– Alde batetik krixtoren ilusioa egiten dit, ez, ba, nik egindako zerbait besteei eskaintzen diedalako, eta gainera idaztea gero eta gehiago gustatzen zaidalako, kafea edo tabakoa bezalako bizio bat bihurtzen ari baitzait. Beste batetik ordea, badirudi, herri honetan, liburu baten idaztea izugarrizko azaina egin bazenu bezela dela, eta nolabait pertsona inportante bat bilakatu zarela sentiarazten dizute. Eta nik halakotan lurrak irents nazan desiatzen dut...
A.–Bueno, bueno... Eta "Maiatz" aldizkarian kolaboratzen segituko duzu?
G.–Oraingoz bai behinipehin "xamar". "Maiatz"ekoak oso atseginak ditut, gaitzeko bazkari eta afariak antolatzen dituzte eta beti gustora egoten naiz haiekin. Beraiekin, edo haiek nerekin haserretzen ez diren bitartean Iparraldeko aldizkeri horretan idazten segituko dut...
I.B.
42, 43

GaiezKulturaArgitalgintArgitalpenaLiburuakLiteratur l
GaiezKulturaLiteraturaArgitalpenaNarratiba
GaiezKulturaLiteraturaIdazleakSESTORAIN1
PertsonaiazSESTORAIN1

Irakurrienak

Matomo erabiliz

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Kanpaldien lehen garaipenak iristen hasi dira Israelekiko boikot akordioekin

Jon Hidalgo Gereñu

Hauxe da Gaza suntsitzeko Israelen eta AEBen plana

Jonathan Cook

“Maite dut Iparraldean antzerkia egitea, uste baitut hemen kodeak ulertzen direla”

Gorka Peñagarikano Goikoetxea

Zorroza Gestión de Residuos enpresak onartu egin du Bassirou Dioneren gorpua mugitu zutela, lan heriotza ezkutatzeko

Aimar Gutierrez Bidarte | Aiaraldea

Lur bat, kolektiboa, itxaropen haziak ereiteko

Estitxu Eizagirre

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude