ltoiz « Espaloian» singletasunerantz

2021eko uztailaren 23an

Itoiz musika taldekoei elkarrizketa
Aurkeztu berri du Bilbo eta Donostian azken diskoa
ltoiz « Espaloian» singletasunerantz
Aurkeztu berri du «Itoiz» taldeak bere bostgarren lana, bosgarren elepea, eta dagoeneko irrati eta tabernetan entzuten ari dira, melodia pegatsuenak. Lehengo bideari saturatuegia eritzi eta singletasun baterantz jo dutela esan zuten aurkezpenean. Horretaz eta bestez aritu ginen Juan Carlos Perez taldeko kantariarekin.
ARGIA. - «Itoiz»ek aurreko diskoarekin, "Musikaz blai" diskoarekin, izugarrizko arrakasta lortu zuen. Ordutik hona, eta zehazki disko hau egiten hasterakoan ze aldaketa planteiatu zenuten?
Juan Carlos Perez.–Ez dugu planteiatu aldaketarik. «Musikaz blai» disko bat izan zen, eta ikusten denez arrakasta haundia eduki zuen. Urrian hasi ginen disko hau preparatzen, Jean Marie, Jimmy, Foisis eta lauron artean. Kanta horiek prestatzen hasi ginen, momentu hartan honelako estiloa nahi genuen egin, eta horrela sortu zen diskoa, eta hemendik aurrera ea zer gertatzen den.
A.–Diskoaren aurkezpenean, instrumentazio eta armonia aldetik gauza sinpleago bat egin nahi izan duzuela aipatu duzu gauza berrien artean, horrek zer arrazoiri erantzuten dio?
J.C.P.–Piska bat asperturik geunden hainbeste gauza sartzeaz, hainbeste sinte-eta, agian pasatu egin gara; baina ez genuen sonidoa lortzeko lan bat egin. kantak lortzeko baizik, kanta bakoitzak bere indarra edukitzea. Garbi dago arreglo eta sonido aldetik askoz sinpleagoa dela.
A.–Kantak aipatzerakoan, hitzak ere sartzen dira, eta horietan berrikuntza garrantzitsu bat Bernardo Atxagaren partaidetza da.
J.C.P.–Atxagarekin orain dela asko ari gara beste lan bat egiten, eta oso rollo ona daukagu. Nik pasa nizkion lau kanta, musika eginda, eta berak lau hitz horiek musika gainean egin zituen; igual gaitzago da. Niri bere hitzak asko gustatzen zaizkit betiko hitzekin, hitz sinpleekin istorioak egiten dituelako. Lau hitzekin egin behar da kantak oso motzak direlako.
A. - «Ezekiel» diskoa istorio bakar baten inguruan egindakoa da; hori ez duzue berriro errepikatu. Alde batera utzi duzue bide hori?
J.C.P.–Alde batera...Nik ez dut sekula linea definitu bat eraman. "Ezekiel" gauza xelebre bat izan zen, Deustuako giroan. Niri anekdotikoki gustatzen zait. Bide hori utzi dugun? Ez dakit, "Alkolea" hartzen baduzu, niri ez zait asko gustatzen, gutxien gustatzen zaidana da. "Musikaz blai" bai gustatzen zait arrakasta daukalako; eta disko hau ere ez zait asko gustatzen, hau da, gustatzen zait, baina oraindik ez da nik nahi dudana...
A.–Ez al da hori agertzen «Itoiz»ek hasieratik eraman duen eboluzioan? Disko bakoitzean norabide aldaketa bat agertzen da.
J.C.P.–Hori hor dago. Problema agian beti izen bera mantentzean dago, agian disko bakoitzarekin izen desberdin bat jarri behar izan genukeen. Jendea fijatzen da izenean: «Itoiz». Baina bost disko hauek nahiko diferenteak dira.
A.–Orain nortzuk osatzen duzue «Itoiz»?
J.C.P.–Hasi ginenetik Foisis eta biok geratzen gara; eta fijo gara gu biok eta Jimmy, Baionakoa, bateria jotzen duena. Oraindik hiru gara, Ecay Gasteizko jazz talde batetan dabil. Gasteizko gitarrista bat hartu dugu, Carlos Sanz, eta Baionako teklista bat, Mario Vilas. Eta bostok arituko gara zuzenekotan. Joan den astean hasi ginen formazio berri honekin jotzen, oraindik ez dugu hartu martxa, baina hori normala da, hartuko dugu.
A.–Zuzeneketan diskoan bilatu ez duzuen seinu hori aurkitzen saiatuko zarete?
J.C.P.–Zuzenean desberdina izango da, baina diskoan bezala gitarreroa izango da, askoz sinpleago, eta indarrez baina lasai kantatzen; zuzenekoetan kantatzen asko gustatzen zaidan puntu bat hartu dut, orain arte sekula eduki ez dudana. Lehengo egunean Bergaran oso harrituta geratu nintzen, jende gaztea joan zen, oso gaztea, baina gelditu ziren begira, harrituta, ordubete. Lehen gurekin dantza egiten zuen jendea beste batzuk hartu dute. Lehenagokoa askoz errezagoa zen, jaia, kanta ezagunak, jende guztia kantatzen, eta azke! ean aspertu egiten zara. Oraingoa askoz plazer haundiagoa izango da, indarrez baina gustora.
A.–Hori ez ote da piska bat zahartu zaretelako?
J.C.P. - «Itoiz» izena bada zaharra.
A.–Eta zuen musika?
J.C.P.–Ez dakit. Ni behintzat ez naiz zaharra sentitzen. Hogeitasei urte ditut, laster hogeitazazpi, eta orain sortzen diren taldeak ni baino zaharragoak dira. Adinaren aldetik. Musika aldetik ez dakit, baina nahi duguna egiten dugu. Nik pentsatzen dut disko honekin arriskatzen dugula. Gaur gauzak nola dauden ikusita, badakizu garbi zelan dauden gauzak, badakizu zeren kontura hitzegin behar duzun, eta zer musika klase egin behar duzun funtzionatzeko, eta zer sartu behar duzun gortutzean... Hori ez da erraza, horrela ere bizi behar da.
A.–Baina, «Itoiz»ek badu izen bat, atzetik historia bat, ezin du defraudatu, orduan seguru gainean jokatzen du...
J.C.P.–Bueno, zuk gauza bat egiten duzu, eta ezin duzu sekula jakin zer gertatuko den jendearekin. Lehenengo gauza, zuk egiten duzu diskoa zuretzako, badakizu beste interlokutore bat badagoela, baina batez ere zuretzat egiten duzu...
A. - «Itoiz»ek nen kokatzen du bere burua, musika munduko panorama ikusiz?
J.C.P.–Gu ingelesak izanez gero, izango genuke gure lekua, «Stranglers», «The Smiths»... Musika hori, baina ez gara ingelesak.
A. - «ltoiz» nahiko fenomeno partikularra da.
J.C.P.–Bai, partikularra beti izan gara. Eta ez dut esaten «laostia» garela. Partikularrak gara, hasieratik independiente gisa funtzionatu dugulako, sekula ez gara egon mugimendu batetan sartuta. Gure musika indibidualista da, ez da "de baska" edo «de revolución», zoritxarrez edo zorionez, baina ez dago besterik. Guk ez dugu bilatzen, berez sortzen da. Gure kantetan, musikalki, espektro oso zabala dago.
A.–Eta horrek anbiguitate bat sortzen du.
J.C.P.–Bai, eta zer? Hori horrela da, inebitablea da. Ez da gauza oso konkretoa.
M.A.
36-37

GaiezKulturaMusikaMusika modeTaldeakITOIZ
GaiezKulturaMusikaArgitalpenaDiskoak
GaiezKulturaArgitalgintArgitalpenaDiskoak
PertsonaiazPEREZ2

Irakurrienak

Matomo erabiliz

Moja faxisten istorio harrigarria

Gorka Bereziartua

Lau, hiru, bi, bat… Gora Olatukoop! Ekonomia eraldatzailearen festa Donostian

Urko Apaolaza Avila

"Torturak ama eta alabarengan sorturiko zauria arintzen lagundu du dokumentalak"

Mikel Garcia Idiakez

'Lurrez estali', laborarien errealitatea oholtzara eramango duen Axut! kolektiboaren obra berria

Gorka Peñagarikano Goikoetxea

Ezohikoak dira euri-jasak?

Leire Artola Arin

Netanyahu eta Hamasen buruzagitza atxilotzeko eskatu du Hagako Auzitegiko fiskalak

Lander Arbelaitz Mitxelena

Azkenak

2024-05-21 | Axier Lopez

Kolonialismoaren ABDa

2024-05-21 | Alaine Aranburu Etxegoien | Oarso Bidasoko Hitza

Hondarribiko Udalak aitortza egin die Asturiagako hondartzan hildako bi biktimei

Biktimen familiei barkamena eskatu diete ere azken 50 urte hauetan "behar besteko" babesa ez emateagatik. Poeta biktima gisa aitortu duten bezala, Moriko ere hala izatea eskatu du udalak, eta "epe laburrean".

2024-05-21 | Gedar

Hamabi lagun ikertzen ari dira, Castejonen CAF-Trenasaren kontra egindako protesta bat dela-eta

Asteartean deklaratu beharko dute Tuteran, ikertu gisa. Palestinan eraikitzen ari den tranbia-sarearen bidez, CAF "entitate sionistaren kolonizazioan parte hartzen" ari dela ohartarazi dute.

2024-05-21 | Lander Arbelaitz Mitxelena

Surf parkerik ez dute eraikiko Donostiako Antondegin, udal gobernuak atzera egin du

Donostiako Udalak El Diario Vascori filtratu dionez, ez dute olatu artifizialen surf parkerik eraikiko Martutene eta Txomiñenea auzoen artean dagoen Antondegi mendian. Albisteak sorpresa eta poza eragin du mugimendu ekologistan, izan ere, orain arte EAJ eta PSE-EE sendo... [+]

2024-05-20 | Hamaika Telebista

Ar Redadeg Bretainia zeharkatzen ari da, bretoieraren alde

MULTIMEDIA - Albistea

Eguneraketa berriak daude