Zestoako Gaztetxea husteko prozedurari ekin dio berriz Elizak
Zestoako Gazte Asanbladak jakinarazi du Gaztetxea husteko prozedura judiziala martxan jarri duela berriz Gipuzkoako gotzaitegiak, negoziatzeko deiei entzungor eginda. Aurtengo otsailean birjabetu zuten Elizondo eraikina izandakoa Gazte Asanbladako kideek.
Aurreko larunbatean, Zestoako (Gipuzkoa) plazan egin zuen agerraldi bat herriko Gazte Asanbladak, Gaztetxe berriaren une honetako egoera azaltzeko. Gazteek salatu zuten ziurgabetasun osoa dela nagusi Gaztetxearen etorkizunari dagokionez: jakin berri dute huste-arriskuan jarraitzen duela Langile Kontrolpeko Espazioak, hura husteko prozedurari heldu baitio berriz Gipuzkoako gotzaitegiak. "Hilabetetako inkomunikazioaren eta negoziaketarako egin dizkiegun dei guztiei entzungor egin ondoren, Elizak zentroko Gaztetxea desalojatzeko prozesu judiziala jarri du martxan", adierazi zuen prentsaurrekoan Gazte Asanbladak.
Joan den otsailean hartu zuten Elizondo eraikina izandakoa Gazte Asanbladako kideek, eta Gaztetxe bilakatu zuten. Elizaren jabetzakoa da espazioa, eta birjabetzearen berri izan bezain pronto aurkeztu zuen salaketa bat Gipuzkoako gotzaitegiak; horren ondorioz, apirilean epaitu zuten Zestoako gazte bat Azpeitian (Gipuzkoa). Gazte Asanbladak, gainera, maiatzaren bukaeran salatu zuen mehatxu egin ziola berriz Elizak: maiatza amaitu aurretik Gaztetxea husteko esan zien gazteei, egiten ez bazuten, bide judizialarekin aurrera jarraituko zuela esanez. Eta, azkenean, bide horri eutsi dio.
Eliza, bere jabetza pribatuaren defentsan
"Ekintza horrekin, Eliza berriz ari da erakusten bere izaera erreakzionarioa. Bere burua bakearen eta zapalduen ondoan kokatzen duen arren, instituzio kapitalista atzerakoi horrek, praktikan, bere jabetza pribatua defendatzen du beste edozein balioren gainetik. Erortzen uzten ari zen eraikin bati benetako funtzio soziala ematen ari zaion Gaztetxea desalojatu nahi du jabetza pribatu santuaren izenean", seinalatu zuen Gazte Asanbladak larunbatean.
"Horretan laguntzeko prest izango du Estatuaren indarkeria, bere polizia eta epaileekin, herriko gazteak eraikinetik kolpeka ateratzeko", gaineratu zuen: "Zertarako, eta berriz ere eraikina hutsik izateko, egunen batean etor daitekeen operazio espekulatiboren baten zain".
Zestoako Udalaren erantzukizuna
Bestalde, Gazte Asanbladak berriz nabarmendu zuen Zestoako Udalaren (EH Bildu) erantzukizuna. Duela hainbat urte, Gaztetxea tokialdatzeko proposamena udalaren "ahotik atera" zela gogorarazi zuen agerraldian, baina "denborak erakutsi" duela "Gazte Asanbladari antolakuntza politikorako horrelako azpiegitura bat ematea ez zaiola interesatzen" udalari. Gazteek iritzi diote udalak "horren aurretik jarri" dituela "herriko ordena soziala eta bere interes alderdikoiak"; alegia, "herriko sektore kontserbadoreak eta, orokorrean, prozesu eraldatzaileen aurka egon daitezkeenak lasai mantentzea, eta kontrara, ezkerretik alde egin dakiokeen edonor geldiaraztea".
"EH Bilduk ondo daki [Gaztetxearen] lekualdatze-prozesuak gazten antolakuntza politiko eta independentea indartzea ekarriko lukeela", gehitu zuen Gazte Asanbladak: "Hori guztia, herrian, EAEn zein Estatuan EAJri hegemonia elektorala lehiatzeko egiten du, horrela, bere burua ordena sozialaren ordezkari nagusi bezala aurkeztuz".
Gaztetxearen potentzia
"Estatutik eta politikagintza instituzionaletik at, herrian antolakuntza politiko, sozial eta kulturalari baldintzak eskaintzeko konpromisoa" berretsi zuten Gazte Asanbladako kideek. "Gaztetxearen egoera ezegonkorrak muga eta oztopo ugari ezartzen badizkigu ere, jada erakutsi dugu eraikin horrek duen potentzialitatea, bertan egin ditugun izaera ezberdineko ekintzekin", aldarrikatu zuten.
"Aurrera begira" ere jarri ziren: "Udara begira antolatzen ari garen ekintzekin eta desalojo-mehatxuaren aurrean, Gaztetxearen defentsa antolatzen jarraituko dugu. Horregatik, dei egiten dugu Gaztetxean antolatuko ditugun ekintzetan eta horren defentsan parte hartzera".
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]