Zaporeak proiektuak irekiko du larunbatean, Hernaniko txotx denboraldi berria

  • Eguerdiko 13:00etan emango dio hasiera, proiektu solidarioak, 2018ko sagardotegi garaiari. Aurretik, trikitilariak eta Kalez Kale Kantariko kideak ibiliko dira herriko kaleetan, eta kirikoketa erakustaldia egingo dute Plazan. Irekieraren ondoren, bazkaria egingo dute Goiko Lastolan.

Urumeako Kronika
2018ko urtarrilaren 11
Zaporeak taldeak ehunka otordu eman ditu Grezian, errefuxiatuentzat prestatutako kanpamentuetan.

Larunbat honetan hasiko da, Hernaniko txotx denboraldia. Eta urtero bezala, ekitaldi bate­kin egingo dute irekiera, Plazan. Eguerdiko 13:00etan izango da, eta eguneko prota­gonista, omenduko dutena, Zaporeak proiektua izango da. Intxaurrondoko Gastro­nomia Elkartearen proiektu solida­rio­­ko kideek irekiko dute, 2017ko uztako sagardoaren aurrene­ko kupela, eta segidan, herritar guztiek izango dute dastatzeko aukera, bertan.

Txotx Mahaiak proposatuta aukeratu dute Zaporeak, ire­ki­e­ra ekitaldirako: «proiektuak, Wukron egin zituen aurre­ne­ko urratsak, eta Hernanik be­za­la, aspaldiko harremana dauka Etiopiako herri horrekin. Izan ere, 2011n hasi ziren lanean, Etiopia-Utopia fundazioarekin batera, Wukron elikadura eta sukaldaritzarekin lotutako eki­men batekin», azaldu dute.

Ordutik, bere bidea egiten ari da Zaporeak: Wukron Gas­tro­nomia eta Sukaldaritza Es­kola bat irekitzeko lanean ari da; eta Greziako Chios irlan, ego­era larrian zeuden erre­fu­xiatuei eta haiei laguntzera joandako boluntarioei elika­du­­ra bermatzen aritu da: «azken batean, beharrean dauden he­rri eta kolektiboekiko el­kar­ta­su­na eta gastronomia uztar­tzea da proiek­tuaren xe­dea».

Bazkaria, Goiko Lastolan

Irekiera ekitaldiaren aurretik, trikitilariak ibiliko dira herriko kaleetan barrena, eta baita Kalez Kale Kantariko kideak ere. Plazan, berriz, kirikoketa erakustaldia egingo dute, Baz­tanen sagardoa nola egiten duten azaltzeko ikuskizuna.

Eta irekieraren ondoren, bazkaria egingo dute. Aurten, Goiko Lastola sagardotegian izango da, 14:30etan.

Otsailetik aurrera, ekintzak

Ekintza gehiago ere aurreratu dituzte, txotx denboraldi ho­ne­­tarako. Otsailaren 24an izango da Sagar Lasterra lasterketa, eta asteburuetan, zabalik egon­go da turismo informazio pun­tua, plan ugarirekin. Sagar Mar­txa, aldiz, urria aldera egi­tea aurreikusi dute.

Urtarrilak 13, larunbata

11:45-12:30: Trikitilariak, herriko kaleetan barrena.
11:30-13:00: Kirikoketa. Baztanen sagardoa egiteko modua azaltzen duen ikuskizuna: dolarea, prentsa, dantza...
12:00: Kalez Kale Kantari. Plaza Berritik abiatu, eta kalejiran Plazaraino.
13:00: Txalapartariak.
13:00: Txotx irekiera ekitaldia. Omen­duak: Zaporeak proiektuko lan taldea.
14:30: Bazkaria, Goiko Lastola sagardotegian.

Otsailak 24, larunbata

XII. Sagar Lasterra herri krosa.

Urria aldera

VIII. Sagar Martxa, egun erdiko txangoa. Azken urteotan apirilean izan bada ere, data aldatu eta urria aldera egitea aurreikusi dute. Sagardotegietatik igarotzen den ibilbidea da, eta orduan ariko dira sagardoa egiten, sagar 

usaina sagardotegi inguruetan...

Otsaileko, martxoko eta apirileko asteburuetan

Turismo informazio puntua zabalik egongo da, Biteri aurrean. Larunbatetan eta Ostiral Santu egunean, 10:15etatik 14:15etara eta 16:30etatik 19:00etara; eta igandeetan, 11:00etatik 15:00etara.

- Bisita gidatuak hirigune historikoan.

- Tren berdean ibilbideak.

- Pakete turistikoak: bisita gidatua hirigune historikoan+erremontista egun batez+erremonte partiduak (Galarreta frontoian); edo bisita gidatua hirigune historikoan+erremonte partiduak.

Albiste hau Urumeako Kronikak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Errefuxiatu krisi globala kanaletik interesatuko zaizu...
Gutxiengoa dira immigrazioa arazotzat duten EAEko herritarrak

2015ean hasitako joerari jarraiki, immigrazioari buruzko iritzi eta jarrera positiboak sendotu egin dira Araba, Bizkaia eta Gipuzkoako gizartean. Hala berretsi du Ikuspegi Immigrazioaren Euskal Behatokiak aurkeztu duen 2018ko Barometroak.


2018-10-17 | I˝igo Igartua
Kalean bizi den jendearen zenbaketa: errefuxiatuen auziari erantzun ezean, ez espero miraririk

Ostegun honetan zenbatuko dira Araba, Bizkaia eta Gipuzkoan zenbat pertsona bizi diren kalean. Erakunde publikoak konprometitu ziren etxegabeen kopurua %20 jaistera, baina errefuxiatuen krisiari emandako erantzun eskasa ikusita, zaila dirudi aurreikuspena betetzea. Bilboko kasuari erreparatu diogu.


Grande-Marlaskak dio Irunen ez daudela berehalako kanporatzeak, "berrartzeak" baizik

Egunean pertsona bat baino gehiago kanporatzen dute berehala, hori da aurtengo bataz bestekoa Garak emandako datuen arabera eta gehiago egon daitezke.


2018-09-25 | Antxeta Irratia
"Beraiek baldin badira erabakia hartzen duten horiek, zer gutxiago, hona etortzea eta egoera ikustea"

Irungo Harrera Saretik ohartarazi digute gaur, Lakaxita gaztetxea migratzaileentzako elkartasunezko harrera gune izatetik, larrialdizko errefuxatu gune bilakatzeko arriskuan dagoela.


Bilboko harrera sareak migranteentzako baliabide gehiago behar direla berretsi du

Ekainetik errepikatu den egoera bat gurean betirako geratuko delakoan gaude, migratzaileei harrera egiten herritar antolatuak. Ekaina amaieratik, pateran heldutako ehunaka afrikar Bilbora lekualdatuak izan dira.


Donostiako udal gobernuko kideek "tonto utilak" deitu dietela salatu dute Txantxarreka Gaztetxetik

Pasa den ostiralean Txantxarrekako eta udal gobernuko kideak bildu ziren gaztetxean dauden migranteei buruz hitz egiteko, eta ostegunean bileraren balorazioa egin dute.


Juncker Europaren blindatzea prestatzen ari da mugetako polizia berria sortuz

Europako Batzordeko presidenteak proposatu duen mugetako polizia honek bi helburu izango ditu: migratzaileen etorrera kontrolatzea eta, politikoki, atzerritarren aurkako eskuin muturreko jarrerak apaltzen saiatzea.


Migranteen harrera: Donostiako alkateak urgentziazko bilera egingo du Txantxarreka gaztetxeko kideekin

Txantxarreka gaztetxeko kideek Donostiako alkateari urgentziazko bilera esaktu diote pertsona migranteen aferan neurrika har ditzala eskatzeko. Udal gobernuak bilera onartu du eta ostegunean bilduko dira arratsaldeko 16:00etan. Abuztuaren 10etik, instituzioek kalean uzten dituzten pertsonak hartzen ari da Antigua auzoko zentro autogestionatua.


Arrazakeriaren aurkako III. futbol txapelketa ospatuko dute larunbatean Santutxuko Karmelan

Abuztuaren 17tik Santutxuko Karmelan lo egiten ari diren pertsona desplazatuei elkartasuna adierazteko, arrazakeriaren aurkako futbol txapelketa ospatuko dute irailaren 1ean.


Donostiako Txantxarreka Gaztetxea errefuxiatuentzako "gune segurua" bihurtzea erabaki dute

Irungo gaztetxe Lakaxitak egin duen bezala, Donostiako Txantxarreka gaztetxea ere errefuxiatuen betebeharrak asetzeko prest azaldu da.


Azkenak
EGILEA
Eguneraketa berriak daude