Ttittika Rekalt: “Egin dezagün iraultza, ezkerrak xurga dezala zakil eta arrautza!”

  • Eta pastorala hankaz gora jarri zuen kristaua.

    Askatasuna behar duela sortzaileak…

    Gaixotasun mental pixka bat ere bai, ego elegante bat eta, prefosta, sosa, bena hori hanitxetan ahazten zaie emaitea...


2011ko apirilaren 02an - 00:00
Azken eguneraketa: 2014-03-25 09:12:03
(Dani Blanco)

Zorionekoa zu, bi trajeria dituzu sortu!

Aipatü gabe hirugarrena, Xiberoako belardi ederren üztea, Gipuzkoako porlan landen gozatzeko... Ai, ametsaren lana, ait’amaren erranetik barna ibili bagina...

Erbesteratu zara, beraz, azkenetan baita Zuberoa.

Nene, ezetz, Gipuzkoara agertü niz ene xiberotar ürrinarekin, eta garaieko galtzontzilo “kanguru”ekin, hebenko jendeak pijoikeriak eta yankeekeriak bazter ütz ditzan berriz Aitorren potro zaharrei lotzeko. Hori da nire misioa.

Baina ihes eginik akabo euskal arima, pastorala, Mauleko espartinak!

Errak hi! Eta errügbia? Ahazten dük errügbia, mündüko kirolik gay eta erotikoena, hainbeste gizon giñarritsü algar laztantzen lokatzaren erdian! Zer beroaldiak!

Zuberoa hiltzean, nora joango dira Hegoaldeko superabertzaleak?

Errügbi egitera, potro eta barrabil ikutzera... Betidanik esküindar nagusia izan da langilearen xurgazale... Egin dezagün behinkoz iraultza, ezkerrak xurga dezala zakil eta arrautza!

Pozik izango duzu Zuberoako Turismo bulegoa…

Xiberoaren trajeria da ere, euskaditarrak beti ari zaretela gütaz plañitzen. Astebürü bat Irati eta Kakuetan, eta hara, gütaz iritzi emaitea badatorrela Vaskongadas hori! Hombre, guk zerbait ba ote diogu zuen kirol adikzio tonto horretaz?

Badaezpada, ez dizut Matalaz aipatuko.

Matalaz, beti Matalaz, azkenean zer dakigü hartaz, apez bat zela? Ez ote dea aski eüskal herri hontan? Eta gainera ze gudari txarra... Lau soldado menderatü eta kükürrükü! Zortzi agertü eta lekütü!

Tira, orain fikziozko film luzeak egiten dira zubereraz: 10.000 ikusle gehienik.

Gehi ezker abertzale güzia! Ijaaaaaa! Guri fama, guri neskak, guri Honolülü!

Txantxa ugari, baina diru eskean gero…

Sosak gaüza hanitx permetitzen dütü, bena ametsak ez! Eüskadik dio: egin dezagün otoitz; gük: egin dezagün amets! Bainan, eman dirua hala ere Xiberoari, ok?

Joan aurretik: zer eguraldi Zuberoa aldean?

Gaüak beltz, egünak argi. Sohütan Aranbeltz, Larrainen Bagargi.


Irakurrienak
Matomo erabiliz
Azoka
Kanal honetatik interesatuko zaizu: Matalaz
2014-02-23 | Sustrai Colina
Manex Fuchs
"Jendearen mamuei heltzetik dator antzerkiaren iraupena"

“Xoxo beltz bat banuen kaiolan sartua...”.


2013-02-19 | Julen Leuza
Benitoren Zuberoa

Oier Araolazaren aholkuari jarraituz, sare sozialean sortu zen gai bati buruz idaztea erabaki dut. Gai mamitsua, baina gogoratu, hau ez da gauzak nola diren edo nola ez diren azaltzeko topagunea, honek gogoetak trukatzeko tokia nahi du izan.


Johañe Pitrau
Laborari menditarrak esnarazi dituen lider zuberotarra

Esan Pitrau eta txapela erantziko dizu askok Zuberoan bezala Nafarroa Beherean edo Lapurdiko mendialdean. Johañe Pitrau Erbin, XX. mendeko euskaldun inportanteenetako bat dela esatea ez da esajerazioa: hiru mende lehenago Bernard Goihenetxe Matalaz deituak Zuberoako... [+]


Eguneraketa berriak daude