Teilatuperako kide bila, ‘maitia’
aurre egingo dieten hedabide independenteak
Zeozertan dabil baina ez dakit zertan
Konpainia: Metrokoadroka sormen laborategia.
Noiz: Urriaren 27an.
Non: Nafarroako Antzerki Eskolan (Iruñea).
------------------------------------------------------
Bilatzen dugu: teilatupe honetan elkarbizitza egiteko norbait, maitia. Etxe bat, zurea izan zitekeena. Etxeko atea beti zabalik, zurean ere egin zenezakeen bezalaxe. Etxe arruntetako elementuak: sofa, manta, lanpara, plastikozko loreak, mahaia, bizikleta estatikoa… Zureak izan daitezkeenak. Bikote bat, ohikoa izan zitekeena. Antzik ez izatean soilik bat egiten duten horietako bat. Bikote bat al da? Kax-kax. Lehen bisitaria.
Onartzen ditugu: zaldien modura ibiltzen direnak, txiste oso txarrak egiten dituztenak, idazle klasikoaren konplexua dutenak, bollera ez monogamoak, monogamiaren erruz koadrilarik gabe geratu direnak, dinosauroak, sitcometako barre enlatatuen pare irri egiten dutenak, galdera existentzialak egiten dituzten lagunak, bizikleta estatikoan ibiltzea onartzen dutenak, eta beste pertsonaia, objektu eta une surrealista askoz gehiago ere bai, maitia.
Teilatu baten azpian egunero gertatu daitezkeen (edo ez) gertaeren sekuentzia luze bat. Tarteka oso barrura eramaten zaituzten eszenak. Zergatik galdetzailearekin hasten diren galdera-kate luze bat. Dantza motelak. Txunda-txunda dantzatzeko momentuak. Gorputz biluziak, eta zetazko jantzi orteroak. Croma urdinaren aurrean ikusezin den izaki bihurria. Maite, Javier eta Marina. Edurne gaurkoan ez. Kax-kax. Beste bisitari bat.
Eskaintzen dugu: zure familia, lagunartea, harreman sexu-afektiboak eta bizikidetza zalantzan jarriko duen saio zoro bat, maitia.
Everything is gonna be allright! Baina dena ez dago ongi. Familia teilatu beraren azpian bizi da. Edo ez. Teilatu beraren azpian zenbat indarkeria eta jarrera onartzen ditugun. Teilatu azpi horretatik ihes egitea familiari traizio egitea da. Familia lotura da. Familia ez da aukeratzen. Familia tokatzen zaizu. Familia deitzen ahal diozu zure lagunei, baina ez da familia izango. Familia da eta puntu.
Zergatik jarri duzu iragarki bat orduan, maitia?
Alfonbra azpian arazoak eroso gordetzen segitzen dugulako maitia. Bizikleta estatikoa bezain estatikoa delako zurekin bizitzea, maitia. Mahaiaren gainera igo, eta lauzpabost kontu oihukatzeko ditudalako, maitia. Bizitza haizea galtzen ari den sofan jarrita ikusten pasatzen dugulako, ezer ere egin gabe, maitia. Txantreakoak garelako, maitia.
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]
Heriotzak Eduardo du izena
- Egilea: Formol konpainia (eta Ander Lipusen manifestua)
- Non: Modelo Aretoan, Zarautzen, Literaturia jaialdia
- Noiz: Maiatzaren 23an.
-------------------------------------------------------------
Bunker batean garatzen da antzezlana... [+]
Ziburuko Euskal Liburu eta Diskoen Azokak 6. edizioa izango du aurtengoa. Ekainaren 7an egingo da, ohi bezala larunbatez, Baltsan elkarteak eta ARGIA komunikabideak antolatuta. Atarian, sorkuntzaren gibelean dagoenaz mintzatzeko, maiz bistaratua ez den baina zorionez geroz eta... [+]