Leitzako Amazabal Institutuko DBH1eko ikasleek etorkinen gaia lantzeko ebaluazioaren barnean egindako kanpaina arrakastatsua izan da: tona bat material jarri dute Greziara bidean.
Leitzako Amazabal Institutuko DBH1eko ikasleek Leitzako Udala eta Zaporeak proiektuaren laguntzarekin, material bilketa antolatu dute ekainaren 6 eta 11 bitarte Siriako errefuxiatuei laguntzeko helburuz. Azkenean, Tona bat material jarri dute Greziara bidean.
Aitziber Lekuona irakasleak aipatu digunez, «ebaluazioan zehar, etorkinei buruzko aurreiritziak landu ditugu, bideo desberdinak eta datuak ikusiz eta elkarren artean asko hitz eginez. Horrekin lotuta, Siriako errefuxiatuen kasua aztertu genuen, eta gerra zergatik sortu zen aztertu».
Eta ikasturteari amaiera emateko, ekintza bat jarri behar zuten martxan ikasleek. Proposamen desberdinak komentatu zituzten, hala nola, skech bat egitea, idatzi bat jendartean zabaltzeko, jendea kontzientziatzeko egoeraz,... eta azken proposamena, material bilketarena izan zen, bozkatuena izan zelarik. Hortaz buru belarri jarri ziren guztiaren antolakuntzan.
Eskutitzak idatzi behar izan zituzten, institutuko zuzendariari, Erleta eskolako zuzendariari, Karrape Irratira joan ziren gure proiektuaren berri ematera, institutuan gelaz gela pasa ziren ikasleei proiektuaren berri emateko, herritik kartelak jarri zituzten, Ttipi-Ttapakoekin telefonoz kontaktuan jarri eta idatzi bat egin.... eta azkenean hasi zen materiala biltzeko eguna.
Institutuko sarreran, kontenedore hori bat jarri zuten ikasleek, bertan materiala utz zezan jendeak. Eta egunero egunero, ikasleak arduratzen ziren almazen txiki batean hustutzeaz eta txukuntzeaz. «Pozik egin duten lana izan da, –dio irakasleak– motibaturik egin dute. Eta larunbatean, plazan elkartu ginen. Jende ugari hurbildu zen bertara, eta ziur ez dakigun arren, material kilo piloa bildu dugu (mila kilo) inguru dela uste dugu). Pardelak, umeentzako esne hautsa eta bodyak, haur eta gaztetxoentzako barruko arropa, higienerako materiala eta janari piloa».
Jendearen parte hartzea handia izan da eta ikasle-irakasleek ez ezik, uste dute Siriako errefuxiatuek ere benetan eskertuko dutela ekintza xume honekin lortutakoa. Gaur Zaporeak proiektukoak etorri dira bildutako materialaren bila eta kargatzen lagundu diete ikasleel. Horren ondotik, Zaporeak taldeak bideratuko du Greziara bidali beharreko materiala.
DBH1eko ikasleen eta institutuaren izenean eskerrak eman nahi dizkiete hurbildu den jende guztiari.
Albiste hau Erran.eus-ek argitaratu du eta CC-by-sa lizentziari esker ekarri dugu ARGIAra
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]