Xabat Moran, Bergoi Madernaz, Marina Sagastizabal, Aiala Zaldibar eta Igarki Robles absolbitu ditu Espainiako Auzitegi Gorenak. Ibon Esteban eta Ainhoa Villaverderi zigorra bi urtera murriztu die eta datozen asteetan kaleratuko dituzte.
Aipatu lehenbiziko bostak kalean dira jada azaroaren lautik eta harrez gero ikusmin handia egon da Auzitegi Gorenak askatzeaz emango zuen argudioaz. Defentsaren helegitea onartuz, Segiko kide izatea ez dela nahikoa argudiatu du orain Gorenak eta zigortuak izateko akusatuen militantzia aktiboa demostratu behar dela.
Zazpi gazte hauek 01/12 sumarioan auziperatu zituzten –guztira 27 gazte– eta Segiko kide izatea leporatu zieten. Iaz epaitu, eta maiatzean ezarri zien zigorra Auzitegi Nazionalak. Epaiketan bertan hamabi gazteren akusazioa bertan behera utzi zuen fiskaltzak, beste bederatzi absolbitu zituen epaimahaiak eta beste zazpi zigortu, orain absolbituak izan direnak.
Segikoak izatearen akusaziopean bi makrosumario izan dira: lehenbizikoan 40 gazte epaitu zituzten eta Auzitegi Nazionalak guztiak absolbitu zituen 2014ko ekainean. Bigarren makroprozesutik Ibon Esteban eta Ainoa Villaverde dira, Gorenak orain helegiteak onartu ondoren, zigortuak izan diren bakarrak. Bi urteko espetxe zigorra beteta dute ia eta aurki kalean izango dira zigorra beteta.
Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak
Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.
Itxura guztien arabera, PSCko Salvador Illa izango da Generalitateko hurrengo presidentea, norbait izatekotan. Bestela, hauteskundeak errepikatzeko aukera dago. Egungo presidente Pere Aragonés eta ERCk jaitsiera handia izan dute. Abstentzioa %41ekoa izan da.
Laborantza ekologikoa sustatzen duen Biolur elkarteak Amillubi proiektua abiatu du, Gipuzkoan toki estrategikoan kokatua dagoen Amilibia baserria eta bere bederatzi hektarea lurrak kolektibizatzeko. Maiatzaren 11n festa egin dute Amillubin: herritarrek proiektua bertan arnastu... [+]
Kataluniako Parlamentuko gehiengo independentistaren galerak eta hemizikloa eskuinerantz eta espainolismorantz biratzeak gobernagarritasuna zailtzen dute. Maiatzaren 30eko Espainiako Diputatuen Kongresuko osoko bilkurak, Amnistiaren Legea bozkatu behar duenak, eta ekainaren 9ko... [+]