Quim Torra izango da Kataluniako presidente berria

  • JxCat-eko diputatu ohi Quim Torra proposatu du Carles Puigdemontek Generalitateko presidente izateko. JxCat-en eta ERCren 66 botoekin inbestituko dute ezustekorik ezean. Hortaz, eta Espainiako Estatuak oztoporik jartzen ez badu, Torra datorren astean bilakatuko da Kataluniako presidente. Inbestidurako laugarren presidentegaia da; Carles Puigdemont, Jordi Sànchez eta Jordi Turull-en atzetik.

Maddi Txintxurreta @mtxintxurreta
2018ko maiatzaren 11
Arg: Caso Aislado

Sare sozialetan zabaldutako bideo baten bitartez eman du berria Puigdemontek. Torrari eskertu dizkio “muturreko egoeretan kargua hartzearen esfortzu eta sakrifizioa”. Bestalde, kritikatu du Espainiako Estatuak ez dituela abenduaren 21eko hauteskundeetako emaitzak errespetatu.

Hainbat komunikabidek jaso duenez, ziur aski Kataluniako Parlamentuko presidente Roger Torrentek astelehenerako deituko du inbestidura saioa. Hala ere, subiranistek gehiengo osorik ez dutenez, bi bozketa, bi osoko bilkura beharko dituzte presidente berria hautatzeko. 48 ordu geroago egingo dute bigarren saioa. Dena beteko balitz, Quim Torra Kataluniako 131. presidentea bilakatuko litzateke.

Enpresaritik politikara

Quim Torra Blanesen jaio zen, Gironan, 1962an. 18 urte eman ditu egoitza Suitzan duen aseguru-etxe batean abokatu bezala lanean. Bulegoetako bizitza atzean utzi eta literaturan murgildu zen, Acontravent argitaletxea sortuta. 2009an, Carles Rahola saria irabazi zuen, Viatge involuntari a la Catalunya impossible liburuarekin.

Politikara salto egin zuen 2011n, Sobirania i Justícia erakunde independentistako presidente izendatu zutenean. Urte berdinean kargu instituzionalak ere hartu zituen. Bartzelonako Udalak Ciutat Vellako sustapen kudeatzailea izendatu zuen; eta 2012an, Xavier Trias orduko Bartzelonako alkateak Born Centre Culturaleko zuzendari izendatu zuen.

2015ean utzi zuen Born Centre Culturaleko zuzendaritza, Ada Colauren gobernu berria indarrean sartu zenean. Orduan, Revista de Catalunyako zuzendaritzari heldu zion, eta uztailetik azarora arte Òmnium Culturaleko presidentea izan zen, Muriel Casalsek dimisioa eman zuenean.

Quim Torrak pausu bat aurrera eman zuen bere ibilbide politikoan Junts per Catalunyako diputatu gisa aurkeztu zenean 2018ko abenduaren 21eko hauteskundeei begira. Editore eta abokatuak U1eko erreferendumaren legezkotasuna babesten du.

155aren mehatxua

Albert Rivera Ciudadanoseko buruak ostegunean esan zuenez, presidente berria egonda ere Konstituzioaren 155. artikuluak indarrean jarraitu beharko luke Katalunian, gobernu berriak ez baldin badu “legea” eta estatutua “errespetatzeko” konpromisorik hartzen.

Bestalde, Espainiako hainbat alderdi eta hedabidek, El Paísek eta PPko Xavier Garcia Albiolek kasu, “espainiarrekiko xenofoboa” izatea egotzi diote presidentegai berriari.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Katalunia independentziarantz

Katalunia independentziarantz kanaletik interesatuko zaizu...
2018-08-10 | ARGIA
Preso eta iheslarien egoera turistei ikustarazteko hiru autobus prestatu ditu Omnium elkarteak

"Freedom for all Catalan political prisoners and exiles" leloa daramaten hiru autobus prestatu dituzte Katalunian, herrialdea bisitatzera joaten diren milioika turisten arreta deitu eta Espainiako Estatuaren errepresioa salatu asmoz. Òmnium elkartearen kanpaina da eta beren webgunean azaldu dituzte zergatiak.


2018-08-08 | Nahia Ibarzabal
Traktoreen mobilizazioa preso politikoen askatasuna aldarrikatzeko Camp de Tarragonan

Errepublikaren aldeko nekazarien kolektiboak, mobilizazioa deitu du preso politikoei babesa erakutsiz, haien askatasuna eskatzeko.


2018-07-27 | ARGIA
Oihu olatu bat U1eko agindua betearazteko: horrela izango da aurtengo Diada Katalunian

2018ko Diadan egingo duten manifestazio handiko xehetasunak publiko egin ditu ANCk. Aurten egun nazionala ezohiko testuinguruan helduko da: independentzia aldarrikatu zuten iaz eta preso eta errefuxiatu politikoak dauzka mugimendu independentistak. Horri erantzuteko, antolatzaileek erronka handia bota dute: Bartzelonako Diagonal etorbidea betetzea "Fem la República Catalana" (Egin dezagun Kataluniako Errepublika) lelopean.


2018-07-27 | ARGIA
Kataluniako independentzia prozesuko preso politikoei baldintzapeko askatasuna ukatu die Gorenak

Espainiako Auzitegi Gorenak Oriol Junqueras, Carme Forcadell, Jordi Cuixart, Jordi Sánchez, Jordi Turull, Josep Rull, Raul Romeva, Joaquín Forn eta Dolors Bassa presoei baldintzapeko askatasuna ukatu die. Ez dute arrazoi berririk ikusi Pablo Llarena epaileak agindutako espetxeratzea berrikusteko.


2018-07-27 | Ivan Miró
Burujabetza ekonomikorik gabe ez dago burujabetza politikorik

Apirilaren 14an egin zen Bartzelonan lehen Ekonomia Errepublikarreko Laborategia, Altxa Dezagun Errepublika prozesuaren baitan. La Lleialtat Santsenca kooperatiba obrero zaharrean, ehundik gora aktibista elkartu ziren, errepublika gauzatzeko 155 neurri ekonomiko proposatzeko.


Puigdemont eta gobernukideen aurkako euroagindua atzera bota du Llarena epaileak

Puigdemont eta bere gobernukideen euroaginduak atzera bota ditu, baina espetxean daudenei ez die baldintzapeko askatasuna eman.


2018-07-12 | ARGIA
Alemaniak Puigdemont estraditzea onartu du, diru erabilera okerragatik soilik

Schleswig-Holstein landeko Lurralde Auzitegiak erabaki du legezkoa dela Kataluniako lehendakari ohi Carles Puigdemont estraditzea, ez matxinada akusaziopean epaitu dezaten baina soilik diru publikoen erabilera okerragatik. Azken erabakiaren zain, epaileek ez diote kautelazko neurri berririk ezarri eta oraingoz aske jarraitzen du Alemanian.


2018-07-02 | ARGIA
Preso politiko katalanak Kataluniako espetxeetara eramango dituzte

Kataluniako espetxeen eskumena daukan Generalitateak gaur jaso du Madrilgo Barne ministroaren komunikazioa: asteartean eramango dizkiete independentzia prozesua geldiarazteko Espainiak preso hartutako politikariak. Hedabideek zabaldu dutenez, Generalitatea beren senideekin bildu da presoak zehazki zein espetxetan kokatu familiekin batean erabakitzeko.


Independentzia 2029an, matematikoki

Figueres (Girona), 1947ko urtarrilaren 22a. Alexandre Deulofeu (1903-1978) farmazialari eta matematikaria Frantziako erbestealditik itzuli zen. 1936ko Gerran Figuereseko alkate errepublikarra izaki, 1939ko otsailean ihes egin zuen. Itzultzean, berriro ere botikan hasi zen lanean, baina ez zuen baztertu gaztetatik zeukan beste grina, historia matematikaren bidez aztertzea.


Generalitateko kontselaritza bat okupatu dute CDRek Kataluniako Gobernuak U1eko erreferendumean onartutakoa bete dezan

Espainiako Estatuaren aginduak ez betetzeko eta errepublika aldarrikatzeko eskatu diote Generalitateari.


Azkenak
EGILEA
Eguneraketa berriak daude