Pesticide Action Network-ek egindako ikerketen arabera, pestiziden arriskuak ebaluatzen dituen 12 metodoetatik 11 pestiziden industriak berak finkatu eta arautzen ditu.
Pestiziden industriak bere arauak eta erregulazioa idazten ditu, eta horri esker, pestizidak ekoizten dituzten enpresak inpunitatea lortzen dute egiten dutena egiten dutela: kasurako, pestizida toxikoek animaliengan eragindako tumoreak ezkutatu ditzakete, gure elikagaiak pestizida kantzer-eragileak izatea baimendu, lur-azpiko uretan dauden metabolito arras kutsatzaileak “garrantziz kanpokoak” direla esan, pestizidak isurtzen direnero intsektuen %50a akabatu eta “segurtasun” nibelak inongo oinarri esperimental barik ezarri.
Metodo hauek pestizida arriskutsuen debekua ekiditea dute helburu, eta ingurumena zein gizakiak babesgabe uzten dituzte.
Arauok ezartzeaz gain, Pesticide Action Network-ek ikertutako kasuen %75ean pestiziden industriako eragileek lortu dute Osasunaren Mundu Erakundea (OME) eta Osasun-Segurtasunerako Agentzia Europarra (EFSA) erakundeetan infiltratzea beraien metodoak ezar ditzaten eta inpunitate osoarekin jokatzen jarraitzeko.
Pesticide Action Network-ek OMEri, EFSAri eta Europar Batzordeari eskatu die ebaluazio metodo hauek ikertzeko, pestiziden industriarekin loturarik ez daukaten zientzialariekin. Alabaina, EFSAk eta OMSek gertuko harremana daukate industriarekin, eta horrek objektiboak izatea ekiditen diela salatu du Pesticide Action Network-ek.
Ikerketaren arabera, plagiziden ebaluazio sistemaren porrotaren erakusle dira prostata eta bularreko minbizia bezalako gaixotasun kronikoen etengabeko hazkuntza eta laborantza-inguruetako ekosistemaren kolapso (erleak, txoriak eta intsektuak, kasu) ia erabatekoa.
Laborantza lur emankorrak ondasun kolektibo bilakatu nahi ditu Amillubi proiektuak. Horretarako herritarren eta hainbat kolektibo eta erakunderen ekarpenak biltzen ari da eta maiatzaren 11rako egun osoko festa antolatu du Amillubin bertan, egitasmoari bultzada emateko.
Maiatzean beteko dira 100 urte Euskal Mendizale Federazioa (EMF) sortu zela, orduan ere oihartzun handia izan zuen eta Elgetan izan zen ekitaldi batean (1924ko maiatzaren 18an). Mendeurren hau ospatuko du EMFk logikoki, eta izen aproposa ere asmatu diote: Mendiurrena.