Ostiralean banatuko ditugu 30. Argia Sariak
Ostiral arratsaldean banatuko dira Argia Sariak Usurbilgo Atxega jatetxean. Edizio berezia izango da aurtengoa, 100 urte bete baititu ARGIA aldizkariak.
aurre egingo dieten hedabide independenteak
Urtero legez, ARGIAren inguruko komunitate zabala eta, gizarte eragile eta euskal kultur munduko ordezkari ugari bilduko dira bazkaltzera aipatu jatetxean.
Bazkal ostean banatuko dira ARGIAko erredakzioak erabakitako sariak, 16:00etan. ARGIAko erredakzioak erabakitzen ditu formalki, baina jende ugari ibiltzen da hautagaien bueltan, bai ARGIAko gainerako kideak eta kolaboratzailek, baita herritarrak ere. Deia egiten zaie eta hauek sare sozialen bidez erantzuten dute bereziki, hautagaien zerrenda gero eta luzeago eginez. Zeresanik ez, lan gehiago erredakzioarentzat, baina baita egoki asmatzeko aukera gehiago ere.
Euskarazko komunikazioa saritzen da ondoko alor hauetan: ikus-entzunezkoa, irratia, prentsa idatzia, internet eta sustapen-ekintza. Euskal kulturan nabarmendutako pertsona, ekimen edo taldea ere saritzen da sarri, baina sari hau ez da ezinbestekoa. 30. edizioa da aurtengoa.
Hauek dira iazko sarituak: Harmaila aldizkaria eta haren egile diren Eñaut Barandiaran, Aitor Manterola eta Iñaki Berastegi (prentsa), Txantxangorria.eus webgunearen arduradun Gabi de La Maza (Internet), Jokin Aldazabalek gidatzen duen Euskadi Irratiko Ekosfera saioa (irratia), Uxue Alberdi eta Aitzol Barandiaran, Euskal Herriko Bertsolari Txalpelketa Nagusiari ETBn egindako jarraipenagatik (ikus-entzunezkoak), Iruñeko Udala, “Eraso sexistarik ez, Iruñea aske” estrategia komunikatiboagatik (sustapen ekintza) eta Pirritx, Porrotx eta Marimotots pailazoak (merezimenduzkoa).
Ohikoan moduan, sarien banaketa streaming bidez jarraitu ahal izango da ARGIAren webgunean. Sare sozialetan ere emango dugu ekitaldiaren berri; Twitterren, #argiasariak traola erabiliko da.
Urtarrilaren 31n bilduko gara Usurbilgo Atxega jauregian Argia Sariak banatzeko. ARGIAko lantaldea ari da balizko saridunen zerrenda osatzen. Hala ere, irakurleon proposamenak beso zabalik jasotzen ditugu urtero.
Negozioak eta interesak zapaltzaileen buruetan. Izan herri bat zapaltzeko, hizkuntza bat, kultura bat, memoria edo ingurumena. Dirua, sosa. Egoerarik makurrenetan ere, ordea, usu pizten da erresistentziaren su txikia, interesen gainetik duin bizi nahi duen jendearen mugimendua... [+]
Bost sari banatu ditugu aurten: ikus-entzunezko saria Bizkarsoro filmari eman zaio, prentsa saria Sahara. Herri bat erresistentzian liburuari, entzunezko saria Ez gatoz Paristik podcastari, internet saria gordegia.eus artxibategi grafikoari eta komunikazio kanpaina onenaren... [+]
2024ko interneteko Argia Saria Gordegia.eus Egiako Artxibategi Grafikoak jaso du eta Arkaitz Artola, Juanpe Urrosolo eta Fernando Olalde etorri dira Atxega Jauregira saria jasotzera. Honakoak proiektuko kide den Arkaitz Artolak esan dizkigunak.
Amagoia Gurrutxagak pozez hartu du ARGIAren saria, "euskarazko kazetaritzan erreferentziala delako". Ez Gatoz Paristik podcastarekin Lanarteak duen helburua gogorarazi du: "Gure kezkak, lan-baldintzei zein kulturari buruzkoak, gizarteratzeko modu goxo eta eder bat... [+]
Kristina Berasain Tristanek jaso du 2024ko prentsako Argia Saria eta honako hitzak esan dizkigu sari jaso berritan.
Dani Blancok ateratako argazkiak Usurbilen.
Guggenheim Stop plataformako Itsaso Zaldunbide, Eider Gotxi eta Zuriñe Gandariasek jaso dute kanpaina onenaren Argia saria. Hemen Eider Gotxik esan dizkigunak saria jaso ostean.
Folklorea kristalizatu den gauza hori zela zioen Ion Celestinok ARGIAn. Eta tradizioa, aldiz, une jakin batek ematen duen lorea dela azaltzen zuen.
ARGIA Sariak “tradizio” bilakatu direla esango genuke gaur egun. Hasteko, eta gehiegi pentsatu gabe, 35. urtez... [+]
Bizkarsoro filmeko argazki zuzendari Hibai Castro, zuzendari Josu Martinez eta ekoizle Katti Pocheluk pozez jaso dute Argia Saria, eta filmaren gaiari bultzada emateko baliatu nahi dute. Martinezek dio aspalditik zuela gaia jorratzeko nahia, eta argi du jendea bihotzetik... [+]
Gordegia.eus, Donostiako Egia auzoko artxibategi grafikoak jaso du interneteko Argia Saria. Herritarren memoriaren lekukotasuna denon eskura jartzeagatik eman zaio saria, eta Arkaitz Artola, Juanpe Urrosolo eta Fernando Olaldek jaso dute Antton Mendizabalen oroigarria.
Sahara. Herri bat erresistentzian liburuak jaso du 2024ko prentsa saria. Herritarrei ahotsa emanda, sahararren aurkako errepresioa eta haien erresistentziarako kemena transmititzeko egindako ahaleginagatik jaso du saria Kristina Berasain Tristan liburuaren egileak.