Open Armsek Lampedusan porturatzea eskatu du, egoera "kritikoa" dela argudiatuz

  • Espainiar Gobernuak Mallorcako edo Maoko (Irla Balearrak) portuak eskaini dizkio Open Arms gobernuz kanpoko erakundeari, baina hauek Lampedusan (Italia) porturatzea edo ontziz aldatzea eskatu dute.


2019ko abuztuaren 19an - 10:54

Algeciraseko (Andaluzia) portua eskaini zion Espainiako Gobernuak lehenengoz Open Armsi, baina bertara ez zirela joango esan zuten “urrutiegi” dagoelako; izan ere, Lampedusa eta Algeciras artean 950 milia daude, ia 1.800 kilometro. Hau dela eta, igandean Pedro Sánchez Espainiako lehendakariak Mallorcako eta Maoko portuak eskaini zizkion GKE katalanari, baina hau ere baztertu dute, “egoera muturrekoa” dela argudiatuz.

Carmen Calvo Espainiako lehendakariordeak adierazi du Espainiako Gobernuak Open Armsen jarrera “ulergaitza” dela. Espainiako Estatuaren lana ere goraipatu du: “Era guztietako laguntza eskaini diegu: lehengaiak, medikuak…”, esan du. Horrez gain, Pedro Sánchezek Espainiako Estatua Europako herrialde “aurreratuena” dela esan du migrazio-politikan, eta krisi humanitarioaren aurrean indar progresisten laguntza saretu behar dela gehitu du.

Espainiako Gobernuaren eskaintzak baztertu ditu Open Armsek urrutiegi daudela argudiatuz. Aukera horien ordez, GKE katalanak Lampedusan porturatzea edo ontziz aldatzea eskatu du, haien ontziak migratzaileen eta tripulazioaren segurtasuna bermatzen ez duela esanaz. Lampedusan porturatu eta migratzaileak Espainiako Estatura eramatea eskatu du Open Armsek.

“Egoera muturrekoa da”

GKEko bozeramaileek ontzian bizi duten egoera “kritikoa” dela salatu dute; izan ere, abuztuaren lehenetik daude migratzaileak ontzian, eta hainbat arazo izan dituzte egunotan. Osasun kontuak direla eta, familia bat baino gehiago eraman dituzte Lampedusara. Igandean lau migratzailek uretara jauzi egin zuten lehorrera iritsi nahian. Antsietate krisiak, kolpeak, borrokak eta liskarrak egunerokoak direla salatu dute bozeramaileek, eta horregatik eskatzen dute porturatzeko berehalako baimena.


Kanal honetatik interesatuko zaizu: Errefuxiatu krisi globala
2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Egunean hemezortzi migratzaile hil ziren bataz beste iaz Espainiako Estatura iristeko ahaleginetan

Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.


2023-09-29 | ARGIA
Frantziako Gobernuak Bidasoako muga ixtea ez dela zilegi berretsi du Europako Auzitegiak

Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]


Hil gaitzazue

2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]


2023-08-21 | Hiruka .eus
Pertsona guztien erroldatzea bermatuko duen protokoloa eskatu du Marea Horiak

Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]


Eguneraketa berriak daude