Olaztiko Gaztetxean sartu eta barruan zeuden kideak kolpatu ditu Poliziak
Joan den larunbatean gertatu zen erasoa. Sakanako GKSk salatu duenez, pandemiaren testuinguruan, hiru aldiz sartu da dagoeneko Foruzaingoa eskualdeko gaztetxeetara.
Pasa den larunbatean, Olaztiko Gaztetxera (Nafarroa) sartu zen Foruzaingoa, barruan zeuden kideei eraso eginez. Sakanako Gazte Koordinadora Sozialistak azaldu du "gaztetxean agertu eta han zeuden gazteak aterarazi" zituztela poliziek, batzuk bortizki kolpatuz. "Gazte bat borrarekin buruan eta aurpegian kolpatu zuten, eta horren ondorioz, sudurrean puntuak eta buruan grapak jarri behar izan zizkioten". Ez da azkenaldian Poliziak gaztetxeen aurka egindako eraso bakarra: pandemiaren testuinguruan, Arbizuko (Nafarroa) eta Etxarriko (Nafarroa) gaztetxeen kontra ere jo zuten lehenago.
Sakanako GKSren hitzetan, "burgesiaren ofentsiba ekonomiko eta politikoaren beste adierazpen bat baino" ez da larunbatean gertatutakoa. Izan ere, proletarizazio prozesuaren testuinguruan "eskubide zibil eta politikoak ezabatzen" ari direla salatu dute, eta Estatua "gero eta jarrera totalitarioagoa" hartzen ari dela.
"Testuinguru arriskutsua normalizatzen ari da: eskubideen urraketak, Poliziaren jazarpena eta kontrol soziala, eta horrekin batera, larunbatekoa bezalako gertaerak. Diktadura ekonomiko eta politikoari aurre egin behar diogu, beharrezkoa da geure kabuz mobilizatzea". Bide horretan, urtarrilaren 29an Iruñean (Nafarroa) egingo den manifestazioan parte hartzera deitu dute.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.