Nor da Mohamed Morsi Egiptoko presidente berria?
Mohamed Morsi Anaia Musulmanen hautagaia izango da Egiptoko presidente berria, botoen %51,73 lortuta. Ahmed Shafik-ek, Hosni Mubarakek 2011n lehen ministro izendatu zuenak, botoen %28,27 lortu ditu. Presidente berria definitzean, Anaia Musulmanekiko fideltasuna nabarmendu behar dela dio Vilaweb.cat agerkari katalanak.
Egiptoko lehendabiziko presidente zibila da Morsi. 2011ko urtarrileko iraultzarekin hasitako prozesuak eraman du kargu horretara, eta Hosni Mubarak diktadorearen lekukoa hartuko du, urte luzez Anaia Musulmanak jazarri zituenaren lekukoa, hain justu.
1951n jaio zen Morsi. Kairoko Unibertsitatean ingeniaritza ikasi zuen eta Hego Kaliforniako Unibertsitatean egin zuen doktore tesia. 1980ko hamarkadaren hasieran Kaliforniako Estatu Unibertsitatean egin zuen lan, eta 1985ean Egiptora itzuli zen, Zagazigeko Ingeniaritza Unibertsitatean irakasle bezala hasteko.
Anaia Musulmanen barruan egin duen bideak ez du zerikusirik mugimendu horretako beste hainbat kide historikoren ibilbidearekin. Hosni Mubaraken erregimenak eta haren aurretikoek jazarri eta atxilotu egin zituen haietako asko. Morsi 2000ko hamarkadan hasi zen nabarmentzen, hautagai independente gisa diputatu hautatu zutenean. Orduz geroztik, Anaia Musulmanen barruan egin duen ibilbidea hertsiki loturik egon da Khairat al-Shater buruzagiarekin duen harremanarekin. Analistek diotenez, mugimenduaren diziplinarekiko erakutsi duen fideltasunak eta bere izaera adeitsuak eraman dute Morsi orain dagoen lekura.
Arabiar herrialdeen artean, Egipto da garrantzitsuena estrategikoki, politikoki eta geografikoki. Presidente berriak hauteskunde kanpainan esan du "islamismo moderatu" baten bidez ekarriko dituela "egonkortasuna, justizia eta oparotasuna", baina gaineratu du lehen ministroak ez duela zertan islamiarra izan, kristau koptoei eta beste gutxiengo batzuei zeharkako erreferentzia eginez. Nazioarteko politikari dagokionez, adierazi du 1979an Israelekin sinatutako bake akordioa mantenduko duela, baita palestinarren egoera hobetzeko ahaleginak egingo dituela ere.
Barne politikari dagokionez, indar handia duen estamentu militarrarekin zer nolako akordioak egingo dituen ikusteke dago oraindik. Analisten hitzetan, segurtasun aparatuari, ejertzitoari eta burokraziari aurre egin beharko die Morsik.
Informazio gehiago:
Horrela ospatu zuten Egiptoko Tahrir plazan presidente berriaren izendapena. Bideoa ingelesez da, Al Jazeerak egina.
Ingalaterrako Massive Attack taldeak artisten arteko aliantza sustatu du, hasi berri diren artistei edo Israelen aldeko erakundeen zentsura pairatzen dutenei babesa emateko.
Hagako taldeak deituta 30 estatu bildu dira bi egunez Kolonbian, eta horietako hamabik sei neurri sinatu dituzte "Israelen Palestinako kolonizazio ilegala" gelditzeko. Horietako bat, Tel Avivekin duten kontratu publiko oro berrikustea, okupazioan eraginik duen ala ez... [+]
Israelek Gazan eta Zisjordanian egindako giza eskubideen urraketak argi uzten dituen Kanpo Ekintzarako Europako Zerbitzuaren txostena esku artean, EBko Atzerri ministroek erabaki dute Israel-EB elkartze-akordioarekin berdin-berdin segitzea. EBren "ekintza-eza" ikusita,... [+]
Hagako Taldeak deituta, Kolonbiak eta Hego afrikak antolatu dute gailurra. Herrialdeetako ordezkariez gain, Francesca Albanese Palestinar Lurraldeentzako NBEren errelatorea ere Bogotan da, eta Israelekin harreman oro etetea exijitu die. EBk adierazi du Netanyahuri bere aire... [+]
Cervera de la Marenda (Ipar Katalunia), 1906. Herriko emakume garraiatzaileak lan baldintza eskasen aurka altxa ziren. Espainiako eta Frantziako estatuetako trenbideen zabalera desberdinak eraginda, garraiatzaileek Mediterraneoko kostaldetik zetozen zitrikoak tren batzuetatik... [+]
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize bere azken txostenean, eta horien arduradunak ikertzeko eskatu du... [+]
Gaza Humanitarian Foundationen elikagai banaketa erabiltzen ari dira palestinarrak hiltzeko. Oraingoan, ur horniketa suntsitzeaz gain, hamar pertsona, haien artean sei adin txikiko, hil ditu Israelek Nuseirat kanpamentuan, Gaza hegoaldean.
-_-X.png)
Israelek maiatzean Conscience itsasontzia bonbardatu eta ekainean Madleen itsasontzia bahitu ostean, nazioarteko ekimena berriz saiatuko da laguntza humanitarioa Gazara sartzen. "Erronka hau Gazako umeengatik da", adierazi du Askatasunaren Ontzidiak Siziliatik (Italia)... [+]
AEBek Francesca Albanese NBEk Palestinar Lurraldeetan duen errelatore berezia zigortu dute genozidioari buruzko txostena argitaratu eta egun gutxira. Albanesek sare sozialetan azaldu duenez, “boteregabeen alde hitz egiten dutenak boteretsuek zigortzea ez da indar... [+]
LAB sindikatuak kritikatu du Sidenor enpresako buruari Joxe Mari Korta saria ematea, enpresa hori "Israelgo Armada indartzeko altzairua saltzen" aritu baita orain gutxira arte.
Ondasunak blokeatu eta trantsakzio ekonomikoak egitea debekatu dio Washingtonek Frances Albanese NBEk Palestinar Lurraldeetan duen errelatore bereziari. Nazioarteko Zigor Auzitegian "Israel eta AEBetako herritarrak ikertzeko ekimenetan zuzenean kolaboratzea" leporatu... [+]
Ikerketaren arabera, gutxienez 75.200 lagun hil zituen Tsahal armada sionistak 2023ko urriaren 7az geroztik eta 2025eko urtarrilaren 5a bitartean: tokiko agintariek epe berean zenbatutako 46.000 hildakoak baino %40 gehiago. Horrez gain, une berean, 8.540 lirateke gosez, hotzez... [+]
Azken 24 orduetan Trumpekin bigarren aldiz bildu da Netanyahu, eta Etxe Zuriko maizterraren bulegoan ordubete inguruko solasaldia izan dute. Ondoren kazetariei eginiko adierazpenetan, Israelgo lehen ministroak adierazi du Gazan duten "kanpaina militarra" ez dela... [+]