ARGIA.eus

2022ko ekainaren 28a

Ablazioa debekatzeko eskatu du NBEk

  • Nazio Batuen Erakundeak (NBE) emakumeei genitalak mozteko praktika debekatzeko eskatu du. Ablazioa hainbat herrialdetako neskek pairatzen dute (Afrikako zonalde batzuetakoek bereziki, baina baita Europan bizi diren etorkinek ere, besteren artean) eta ondorio kaltegarriak ditu fisikoki zein psikologikoki.

Ablazioa egiteko erabiltzen diren tresnek eta moduak are arriskutsuago bihurtzen dute prozesua.
2012ko azaroaren 28a

Ablazioa kondenatzeaz gain, hura existitzen den lekuetan hezkuntza kanpainak bultzatuko ditu NBEk. 110 herrialdek babestu dute erabakia.

Ablazioa, emakumeen kontrol sexualerako tresna

Zaloa Basabe berdintasun teknikariak ablazioaren inguruan hitz egin zuen ARGIAren 2.345 zenbakian (2012-11-18). "Ablazioaren atzean emakumeen kontrol sexuala egon da beti", azaldu zigun: "Herrialde batzuetan, ablazioa emakumeak gizonari eskaintzen dion oparia da. Azken finean, beti ere kontrolaren zentzuan, fidelitatea ziurtatzeko modutzat hartzen da. Milaka aitzakia egon daiteke, modu batera edo bestera konbentzitu behar dituzte emakumeak. Komunitatearen ohorea mantentzea ere bilatzen dute ablaziorekin".

Ablazioaren ondorioak "oso larriak" direla dio: "Ablazioa berez astakeria da, baina horri gehitu behar zaio zein egoeratan eta zein tresna erabiliz praktikatzen den. Harakintza hau anestesiarik gabe egiten da eta Somalian esaterako, arrantza egiteko haria, burdin hariak edo hari begetalak erabiltzen dituzte josteko. Oso arriskutsua da prozesua. Emakume asko ablazioa praktikatzeko unean bertan hiltzen dira odolustuta, beste askok infekzioak harrapatzen dituzte eta egun batzuetara hiltzen dira. Gainera, hilerokoarekin batera izugarrizko minak izaten dituzte eta erditzerakoan ere arazoak sortzen dira eta asko hil edo bizitza osorako infektatuta geratzen dira. Horrez gain, hiesaz kutsatzeko bigarren arrazoi nagusia da ablazioa, praktikatzen den herrialdeetan. Bizitza osorako ondorioak ditu, eta ez soilik ondorio fisikoak, baita psikologikoak ere".

Kanal honetan artxibatua: Indarkeria matxista

Azkenak
2022-06-27 | ARGIA
Euskal LGTBI+ Behatokiak eskatu du lege integral bat eratzeko EAEn

Eusko Legebiltzarrari eta EAEko LGTBI+ elkarteei proposatu die elkarrekin mahai bat osatu eta legea egiteko. Helburua da kolektiboko pertsonen eskubideek “estalki” bat izatea eta diskriminaziotik babestea, besteak beste.


2022-06-27 | ARGIA
Afrikako Batasunak ikerketa eskatu du Melillan hil diren 23 migratzaileei buruz

Melillako hesian gutxienez 23 pertsonaren heriotzak “berehala” ikertzeko eskatu dute. Moussa Faki Mahamat Afrikako Batasuneko presidentea “hunkituta eta kezkatuta” agertu da Afrikako migratzaileei ematen zaien indarkeriagatik eta tratu umilgarriagatik.


2022-06-27 | ARGIA
Kote Cabezudo argazkilariari 28 urteko kartzela zigorra jarri diote

Sexu izaerako hainbat delitugatik zigortu dute donostiarra: sexu abusuak, bortxaketa, haur pornografia eta modeloei iruzur egitea egotzi diote. 116.000 euroko kalte ordaina eman beharko die erasan zituen emakumeei.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude