Nafarroako Legebiltzarrak Europar Batasunaren bandera kenduko du

  • Nafarroako Legebiltzarrak Europar Batasunaren bandera erretiratuko du, errefuxiatuak direla eta Turkiaren proposamena atzera bota arte.


2016ko martxoaren 18an - 12:51
Legebiltzarreko balkoian Europar Batasuneko bandera kendu den unea. (Arg.: Nafarroako Legebiltzarra)

Erabakia ostiral honetan hartu du Nafarroako Legebiltzarreko Mahaiak, Geroa Bai, EH Bildu, Ahal Dugu eta Ezkerraren erabakiz eta horren arabera, EBko bandera erretiratuko da Foru Legebiltzarrean dagoen tokietatik. UPNk erabakiaren aurka egin du.

Turkiatik EBra datozen milaka errefuxiatuei buruz egindako proposamena ezagutu zen hilaren 7an. Bertan aurreikusten denez, EBk Turkiara kanporatuko lituzke Greziako kostetatik legez kanpo sartzen diren iheslari guztiak. Horren truke 6.000 milioi euro emango lioke Estatu Turkiarrari, han errefuxiatuez ardura daitezen.

Akordioa Europako Kontseiluak onartu behar du oraindik eta zalantza handiak dira bere legezkotasunaz, Genevako Hitzarmenak ez duelako baimentzen gerra iheslarien kanporatze kolektiborik.

Oztopo hori saihesteko, Brusela planteatzen ari da iheslariek EBra sartzeko egingo dituzten eskaera guztiak aintzat hartzea, baina ondoren ez lituzke onartuko. Errefuxiatuak helegiterako eskubidea izango luke orduan, baina bitartean Grezian edo Turkian egongo lirateke.

Oraingoz Europar Batasunak nahi du ahalik eta iheslari gehien Turkian gera daitezen, eta herrialde hau pasatzea lortzen dutenak Greziako irletan harrapatuak geratzea. Bitartean, Kontseiluak jarraitzen du aztertzen zein legezko trikimailu erabili kanporatzeak egin ahal izateko.  


Kanal honetatik interesatuko zaizu: Errefuxiatu krisi globala
Migratzaileei sarrera gogortzeko ituna onartu du Europako Parlamentuak

Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]


2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Egunean hemezortzi migratzaile hil ziren bataz beste iaz Espainiako Estatura iristeko ahaleginetan

Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.


2023-09-29 | ARGIA
Frantziako Gobernuak Bidasoako muga ixtea ez dela zilegi berretsi du Europako Auzitegiak

Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]


Hil gaitzazue

2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]


Eguneraketa berriak daude