"Herri honek presoen eskubideen alorrean harriak mugitu nahi dituela nabaritu behar dute"
Larunbateko deialdi bikoitzaren aurrean, azken prentsaurrekoa egin dute Sareko kideek. Dispertsioaren amaiera, preso gaixoen askatasuna eta salbuespenezko legedia bertan behera uztea eskatuko dute Bilbon eta Baionan. "17:00etan bete ditzagun kaleak: aldarrikapenez, ilusioz eta itxaropenez”.
“Giza eskubideen, konponbidearen eta bakearen alde. Euskal presoak Euskal Herrira” izango da manifestazioaren leloa. Pankarta eusten zein joango diren ere aurreratu dute: Rosa Rodero, Iñaki Lasagabaster, Fermin Muguruza, Juan Mari Olano, Gemma Zabaleta edo Inaxio Kortabarria, besteak beste. Manifestazioa bukatzean, Bilboko Udaletxean Zuriñe Hidalgok eta Xabier Euzkitzek hartuko dute hitza.
Manifestazioak jaso duen babesa azpimarratu dute. “Ideologikoki ezberdinak diren pertsona hauek Giza Eskubideen defentsa lehen lerroan jartzen dute”: Justiziaren arlotik, Garbiñe Biurrun, Nazario Oleaga edo Juan Mari Bidarteren babesa nabarmendu dute. Kulturaren arlotik, Kepa Junkera, Kirmen Uribe edo Xabier Euzkitze. Horrez gain, Getxoko alkate ohia den Iñaki Zarraoa; Rosa Rodero, Joseba Goikoetxearen alarguna, Iñaki Lasagabaster, EHUko irakaslea, edo Idoia Muruaga, Igor Angulo presoaren alarguna.
Horrez gain, aurreko egunetan hainbat izan dira manifestazioari atxikimendua adierazi dioten figura politikoak. Tartean dira, Ipar Euskal Herriko 180 hautetsi. "Parisi hitzetatik ekintzetara pasatzeko" eskatu zioten.
Adierazi dute larunbatekoa “azkenengo mobilizazioa izatea espero” dutela, “mendekua eta gorrotoa atzean geratu direnen seinale”.
Diru-bilketa neurriak hartuta
Prentsaurrekoan gogorarazi dute iaz gertatua manifestazioan jaso zuten diruarekin. Guardia Zibilak diru hori kendu egin ziela-eta kexu agertu dira, eta azaldu dute errekurtsoa jarria dutela. Horren aurrean, aurten dirua bost pertsona esanguratsuren esku utziko dutela adierazi dute. “Bankura diru hau iritsi arte eta enpresei ordaindu arte, pertsona hauek izango dira arduradunak”. Pertsona hauek Lokarriko koordinatzaile ohi Paul Rios, Bizkaiko Abokatuen Elkarteko lehendakari ohi Nazario Oleaga eta Juan Mari Vidarte, eta Juan Daniel Barandiaran eta Felix Cañada abokatuak izango dira.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.