ARGIA.eus

2021eko urriaren 22a

Mobilizazioak deitu ditu 'Bardenas Libres 2018' plataformak Armadaren maniobren kontra

  • Espainiako Armadak benetako armekin maniobrak egingo ditu Bardeetan maiatzaren 7tik 11ra bitartean, bigarren aldiz aurten. Horren aurrean, mobilizazioak deitu dituzte.

Amaia Lekunberri Ansola @amaialekunberri
2018ko maiatzaren 08a

Bardeetako Aireko Kuartelaratzeko Komandantziak jakinarazi du “Operación Tormenta” bezala izendatu dituzten maniobrak gauzatuko dituztela aste honetan zehar Bardeetako Parkean, Kaosenlared-ek jakinarazi duenez. Instrukziozko armen erabileraz baliatuta lehen bi egunetan, benetako armak erabiliz gainontzekoetan.

Honen aurrean, ‘Bardenas Libres 2018’ plataformak Armadak egunotan egitea aurreikusten dituen maniobrak gelditzea eta poligonoa desegitea eskatzen du, eta mobilizazioak deitu ditu aldarriak kalera ateratzeko helburuarekin. Ostiralean elkarretaratzea deitu du 20:00etan Iruñean, Gobernu Ordezkaritzaren aurrean. Tutera, Exeya d'os Caballers eta kaltetutako beste herri batzuetan aldiz informazio mahaiak jarriko ditu.

Maniobrak bertan behera utzi eta poligonoa desegiteaz gain, Bardeak herriarentzako berreskuratzeko konpromiso argia eta zuzena eskatzen die plataformak aldaketaren instituzioei. “Hemen entseatzen diren gerrek milaka pertsonen heriotza eragiten dute, beste hainbat beraien lurraldetik ihes egitera behartzen dituzte eta sistema kapitalista sostengatzen duten behar ekonomikoei erantzuten die” salatzen dute komunikatuan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Antimilitarismoa  |  Bardeetako tiro eremua

Antimilitarismoa kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude