Kaxmirren milaka lagun atera dira protestan Indiako armadak sei lagun hil ostean

  • Kaxmirren dozenaka milaka lagun atera dira kalera astelehenean, lurraldean Indiak duen agintea salatzeko. Igande gaudean soldadu indiarrek lau zibil eta ustezko bi militante hil dituzte tiroz, errepide kontrol batean Democracy Now gunean jaso dutenez.

ARGIA @argia
2018ko martxoaren 07a
Sei lagun hil ditu Indiako Armadak Kaxmirreko Shopian eremuan.

Tiroketaren ostean, Indiako agintariak arrakastarik gabe saiatu dira protestaren aurka egiten, lurraldea blokeatuz, eskolak itxiz, Internet konexioa moztuz eta soldaduak lurralde osoan kalera ateraz.

Shopian herrian, manifestazioaren ostean istiluak izan dira polizia eta manifestarien artean.

Al Jazeeran irakur daiteke sei pertsona hauen heriotza azken urteetako gertaera larriena dela eta lurraldean "anti-India" protesta ziklo berria eragin dezakela.

Hiru estatutan banatutako herria

Kaxmir herria hiru estatutan banatuta daukate: India, Pakistan eta Txina. Parte bat Indiako Batasunaren eta Pakistanen artean banatu zuten bi herrialde hauen arteko 1971ko su-etenaren ondoren. Pakistango parteak Azad Kaxmir du izena eta Indiako Batasunari dagokionak Jammu eta Kaxmir.

Ekialdeko partea Txinako administrazioaren mende dago, 222.800 kilometro koadro ditu eta 6.000.000 biztanle. Biztanle gehienak musulmanak dira. Hiri nagusiak: Srinagar Indian eta Skardu Pakistanen. Indiar azpikontinenteko ipar-mendebaldeko eskualdea da. Historian zehar, Kaxmir izena Himalaia eta Pir Panjal mendikateen arteko harana izendatzeko erabili da.

Berdez Pakistanen agindupekoa (Azad Kaxmir), marroiez Indiaren agindupekoa (Jammu eta Kaxmir eta Ladakh), Aksai Chin Txinaren agindupekoa
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kaxmir  |  India

Kaxmir kanaletik interesatuko zaizu...
2018-04-03 | ARGIA
Istilu larriak Kaxmirren, Indiako Poliziak independentziaren aldeko hamabi miliziano hil ostean

Indiako Poliziak Kaxmirren independentziaren aldeko hamabi miliziano hil ostean, protesta handiak izan dira herrialdearen hegoaldeko herrietan. Manifestazio hauetan, beste hainbat lagun hil eta 70 zauritu ditu Indiako Poliziak, Open Democracyn jaso dutenez.


Kaxmirren borroka estalia

70 urte bete dira Indiako deskolonizazio prozesua burutu zela. Kaxmirreko biztanleentzat, ordea, data horrek beste zatiketa bat eragin zuen. Egun Pakistan, Txina eta Indiaren artan banatuta daude.


Eguneraketa berriak daude