Martxoaren 9an jakinaraziko dute hamaika bakegileen kontrako deliberoa

  • Prokuradoreak 950 euroko isuna galdegin du hamar auzipeturentzat, gibelapenarekin; eta gibelapenik gabe batentzat, aurrekariak dituelakoan. 2022ko uztailaren 23an autobidea blokeatzeagatik epaitu dituzte, eta guztiek dute leporaturikoa justifikatu, presoen auzia eta bake prozesuaren testuinguruan kokatuz.


2023ko otsailaren 03an - 13:10
Azken eguneraketa: 15:35

Otsailaren 2an epaitu dituzte hamaika gazteak Baionako auzitegian, iazko uztailaren 23an Ipar Euskal Herrian buruturiko blokeo egunean autobidea blokeatzeagatik. Martxoaren 9an jakinaraziko du epaileak deliberoa, baina bere aldetik prokuradoreak 950 euroko isuna galdegin du hamar auzipeturentzat, gibelapenarekin; eta gibelapenik gabe batentzat, aurrekariak dituelakoan.

Elkartasunez berrehun bat lagun batu dira auzitegi aitzinean, tartean Etxepare lizeoko gazteen txarangak giroa berotzen zuela.

Guztiek dute desobedientzia zibilaren hautua justifikatu, euskal preso politikoen auzia eta bake prozesuaren testuingurua azalduz. Besteak beste, Berria-k jaso duenez, ondokoa azaldu dio epaileari Oihana Driolletek: "Ekintza egiten ez bagenuen, murru baten parean aurkituko ginen euskal gatazkaren konponbideari begira".

Ondokoa zioen auziaren bezperan Haritz Agirre auziperaturikoak ARGIAri: "Tribuna gisa erabili nahi dugu epaiketa; testuingurua kokatu eta presoen eta konponbidearen egoera orduan zertan zen eta orain zertan den azaltzeko erabiliko dugu. Hau dugu lehentasuna, mezu politikoa eramatea. Epaileak testuingurua ulertzea nahi genuke, eta horren arabera, ikusirik [Jakes Esnal eta Ion Paroten] egoera zertan zen berak ere kontsideraraztea epaiketa hori zernahikeri bat dela. Espero dezagun isunaren aldetik ez deus edo ahal bezain guti izatea".

Berrehun bat lagun batu ziren epaitegiaren aitzinean, elkartasunez. Argazkia: Jenofa Berhokoirigoin.

 

 

 


Azkenak
Nafarroako Gobernuak 2020an agindutako eraikin berria exijitu dute Antzineko Lokiz eskolako familiek

“Nafarroako Gobernuak duela lau urte eginiko promesari huts egingo dio beste behin ere”, salatu du Lizarraldeako Lokiz eskolako guraso elkarteak. Orain 7 urte D ereduaren aldeko apustua egin zuen hezkuntza komunitateak, eta desagertzeko zorian zegoen eskola txiki... [+]


Badator EHZ: aurtengo berrikuntzak, informazio praktikoa, ordutegiak, erasoen aurkako protokoloa...

Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.

ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]


Astelehenean hasiko dira Gasteizko Zaharraz Harro! jaiak

Igandera arte luzatuko dira Gasteizko Alde Zaharreko jaiak, auzo harrotasuna, autogestioa eta parte hartzea ardatz. Aurtengoa 16. edizioa dute, eta 80 jardueratik gora antolatu dituzte auzoko herri mugimenduek, elkarteek, bizilagunek, edo komertzio eta tabernek.


“Ebaki eta bota” teknika

Baso naturaletan estratu eta funtzio ezberdinak betetzen dituzten espezieak aurkitzen ditugu. Batzuek gaina hartuko dute, eta mende ugari bertan igaroko dituzte. Beste batzuek lehen urratsak emango dituzte, baso-kideengatik sakrifikatuko dira eta beraien gorpu ustelak sistemari... [+]


Eguneraketa berriak daude