Maravillas Gaztetxeak negoziatzera eser dadin eskatu dio Nafarroako Gobernuari

  • Gaztetxeko bost kideri salaketa jarri dietela salatu dute prentsa ohar batean. Irailaren 3tik  Nabarreria Plazako Marques de Rozalejo jauregian 500 ekitalditik gora egin dira.

Euskalerria irratia @fm983irratia
2018ko maiatzaren 15a
Iruņeko Maravillas Gaztetxea

Hauxe da plazaratutako oharraren testu osoa:

“Pasa den irailaren 3an Alde Zaharreko gazte eta herri mugimenduko hainbat kolektibok Nabarreria Plazako Marques de Rozalejo jauregia zena auzora irekitzea erabaki genuen, modu honetan hiriaren bihotzean auzorako eta hiri osoarendako gune sozial bat sortuz. Guk argi dugu: Ez dugu onartuko egun dugun gune autogestionatuen gabezia izanik horrelako espazio bat hutsik eta itxirik izatea. Sartu bezain pronto espero genuenarekin egin genuen topo: hamaika aukera zituen espazio bat bai, baina erabat zaharkiturik zegoena, utzikeria iraupen luzearen ondorioz. Nolanahi ere, honek ez zuen eragozpenik ekarri, berehala hasi baikinen auzolanaren bitartez eraikina moldatu eta egokitzen nahi genuen erabilera sozialerako apropos uztea lortu dugun arte. Izugarrizko auzolanarekin batera hamaika izan dira orain arte antolatu ditugun ekimenak, hala nola, hitzaldiak, kolektiboen bilerak, proiekzioak, antzerkiak … (500 baino gehiago orotara!). Autogestioaren eta autoantolaketaren bitartez ekimen horiek guztiak Alde Zaharrari zein Iruñea osoari eskaintzeko gai izan gara.

Gutxinaka hiriko kolektiboetan barneratu garen heinean hainbat proiektu sortu egin dira Maravillas Gaztetxetik: Zinema, jantoki soziala, herri palestra, elkartasun elikagai bankua, euskaltegia, liburutegia etab. Hala eta guztiz ere, Geroa Bai-k lehenengo minututik bide errepresiboaren hautua, autogestio proiektu hau eteteko xedez, 5 pertsonen gainean salaketa jarriz. Honen berri izanik ere, Maravillas Gaztetxetik irtenbide adostu bat eztabaidatzeko proposamena egin genuen, ez baikenion nafar eskuin faxistari inolako mesederik egin nahi. Gauzak honela, Nafar Gobernuarekin mediazio prozesu batean sartu ginen adostasun puntu batera heltzeko helburuz. Parez pare harresi baten aurrean aurkitu ginen hor, Nafar Gobernuaren proposamen bakarra honakoa izanik “Eraikinetik alde egin, hondatutakoa ordaindu eta orduan salaketa kentzea pentsatuko dugu”. Onartezina guztiz. Ez bakarrik haien utzikeriarengatik zaharkitutako eraikina berregokitzeko proiektuan lan egin duten ehunka pertsonei suposatzen duen irain galantarengatik,  baizik eta honek gure proiektuarekiko  suposatzen duen xantai argiagatik ere. Haien arkupetik pasa ala errepresioaren mehatxua. Edonola ere, Geroa Bai-ren “proposamen” honen aurrean elkarrizketarako hautua egiten dugu beste behin ere. Entzungor egin duten arren,  gure proposamenak baitira gutxi izan: Espazioaren legeztatzea, arautegiaren betetzea, berregokitze lanak etetea … Edozer herri proiektu hau bizirik mantentzearren. Tamalez, Nafar Gobernuaren jarrera ez da batere aldatu, honela alderdiaren izaera eta aldaketarekin duen konpromezu eza agerian utziz. Honen guztiaren aurrean, Maravillas Gaztetxetik zenbait galdera ditugu: Zein aldaketa mota da hau, urtetan eskuin faxistak erabili dituen politika berberak erreproduzitzen dituena? Zein ezker mota da herriaren alde kokatu ordez legea eta ordenaren baitan kokatzen dena? Nor ari da aldaketaren kontra? Honengatik deia luzatzen diegu Nafarroan aldaketaren alde apustua egiten duten ezkerreko indarrei  proiektu hauen defentsa egin dezaten.  Geroa Bai-ri azken dei bat egiten diogu bide errepresiboa alde batera utzi eta negoziaketara eser dadin. Bukatzeko, herri mugimendu osoari espazio hauek bete eta bizitza ematen jarraitzeko gonbitea egiten diogu.”

Albiste hau Euskalerria Irratiak argitaratu du eta Creative Commons lizentziari esker ekarri dugu

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gaztetxeak  |  Nafarroako Gobernua  |  Iruņea

Gaztetxeak kanaletik interesatuko zaizu...
2018-12-13 | Hiruka .eus
Kanpaina "antikontsumista" Itzubaltzetan: doako azoka

Gabonetako kontsumoari aurre egin guran, doako azoka antolatu du Getxoko Itzubaltzeta/Romo auzoko Matraka gazte asanbladak. Hala, norberak erabiltzen ez dituen gauzak Etxe Merkean uzteko deia egin dute, ondoren egingo duten azokan behar duenak behar duena har dezan.


2018-12-11 | Topatu.eus
Arrasateko Gaztetxean lapurretara sartu dira, kalte ekonomikoak eta materialak eraginez

Arrasateko Gaztetxea osatzen duten eragile ezberdinek "irmoki salatu" dute astelehen eguerdian jasandako erasoa: “Azken asteotan gure herriko zein inguruko herrietako gaztetxe zein komertzio txikiei gertatu zaien bezala, guk ere lapurreta bat jasan dugu”.


Jardunaldi soziopolitikoak antolatu dituzte Oņatin, abenduaren 13tik 16ra

“Errealitate soziala mintzagai hartu eta zalantzan jartzea” izango da helburua. Jarduera guztiak, bat izan ezik, Oñatiko Antixena gaztetxean egingo dira.

 


2018-11-19 | Axier Lopez
'Kolitza' eta Eneko Compainsen arteko buruz-burukoa
Kronika: Boltxebike eta mentxebikeak Zumaian

Martov eta Lenin ez dira euskaraz mintzo. 1903ko Errusiako Alderdi Sozialdemokrataren II. Kongresua ez zen Zumaian egin. Baina ringaren alde batetik [boltxebikeen] "langile-mugimenduaren abangoardia” batzeko alderdi komunistaren beharra, eta bestetik [mentxebikeen] “erreformazale moderatuek osatutako alderdi zabalaren” onuren defentsa entzuteak 100 urte atzera eraman digu gogoa.


Bergarako gaztetxean lapurreta egin dute "kalte ekonomiko eta material handiak" sortuz

Domeka gauean sartu ziren lapurrak Bergarako Kartzela zaharra gaztetxean, "beste behin ere", eta Kartzela zaharra osatzen duten talde eta eragile ezberdinen arabera, "kalte ekonomiko eta material handiak" izan dira.


2018-10-30 | Gure Irratia
Itsasuko Goxoki gaztetxeak 30 urte bete ditu asteburuan

Urriaren 27an, Itsasuko Goxoki gaztetxeak 30 urte ospatu ditu.


2018-10-29 | Ahotsa.info
Arrotxapeako gaztetxearen aurkako epaiketaren atarian, ehunka lagun bildu dira gune autogestionatuen aldeko martxan

Gaztetxeak arriskuan daude Iruñean, eta horien beharra aldarrikatzeko 500 lagun inguru batu ziren larunbateko manifestaziora.


2018-10-26 | Topatu.eus
Durangaldeko Gaztetxe eta Gazte Asanbladen Topaketa egingo dute azaroaren 10ean

Ixorretako Gazte Asanblada, Berrizko Gaztetxea, Abadiñoko Gaztetxea, Matienako Gazte Asanblda, Otxandioko Gaztetxea eta Durangoko Sorginola Gaztetxea elkartuko dira, besteak beste, azaroaren 10ean.


2018-10-17 | Iņigo Igartua
Manifestazio nazionala deitu dute urriaren 27an Nafarroako gaztetxeen alde indarrak biltzeko

Maravillas, Errotxapea eta Lizarrako gaztetxeen aurkako prozesu judizialak irekita daude eta epe motzean kaleratuak izateko arriskuan daudela ohartarazi dute manifestazioa deitu dutenek.


2018-10-16 | Kijera Gaztetxea
Eneko Goia eta Donostiako udal gobernuari zuzendutako komunikatua

Hilabete pasa da gaztetxeak Eneko Goia alkateari negoziazio mahai bat eskatu genionetik, udal gobernutik ez dugu erantzunik jaso ez ofizialki eta publikoki ere ez. Orain hilabete pasa ondoren auzoan lanean eta auzoa eraldatzen jarraitzen dugu, herri liburutegia, jantokia, joskintza taldea, haurtxoa, kolektibo ezberdinentzako bilera gelak, auzoko frontoi estali bakarra…


Azkenak
EGILEA
Eguneraketa berriak daude