Maizterrei mikrokredituak, moratoria, 900 euroko laguntzak... hauek dira Sánchezen gobernuaren neurriak
Alokairuen inguruko auzia konpontzeko neurriak adosten ari dira Espainiako koalizio gobernu barruan, astearte honetako Ministroen Kontseiluaren atarian. Besteak beste interesik gabeko eta epe luzean itzuli beharreko mikrokredituak eskaini nahi dituzte. Maizterren sindikatuek diote horrek gehiago zorpetzera eramango dituztela.
Alokairuaren grebaren bezperan, badirudi adostasunera iritsi direla espainiar exekutiboan, maizterrei zein laguntzeko bideratu beharraren inguruan. El Diario.es atariak aurreratu ditu horietako batzuk, barruko iturri ofizialak aipatuta. Eztabaida izan dute etxebizitza jabeen artean bereizketa egin ala ez erabakitzerakoan, baina azkenean etxejabe handiek %50eko kitapena egin beharko dute kobratzen dituzten errentetan.
Etxejabeen %85ak alokairu bakarra edo gehienez bi kobratzen ditu Espainiako Estatuan. Koronabirusak sorturiko egoera ekonomikoaren kalteak jasaten egon daitezke hauek ere eta hori kontuan eduki dute neurriak hartzerakoan.
Hauek dira neurrietako batzuk: alokairua ordaintzen ez dutenak ezin izango dira etxegabetu; alokairu kontratuen sei hilabeteko luzapena –tarte horretan ezin izango dira alokairuen prezioak igo–; egoera zaurgarrian daudenentzako mikrokredituak, inongo interesik gabe eta sei urtera itzuli beharrekoak; Estatuak 900 euro arteko laguntzak emango ditu mikrokreditu horiek ordaintzeko, baldintza zehatz batzuekin...
Neurriek etxejabeei ere eragiten die. Zortzi etxebizitza baino gehiago dituztenek eta inbertsio funtsek lau hilabete moratoria eskaini beharko dute eta diru hori itzultzeko adostasunik ez balego %50eko kitapena izango lukete maizterrek.
Denera, Espainiako Gobernuak 700 milioi euro bideratuko ditu laguntzetan, Jose Luis Abalos Garraio eta Mugikortasun ministroak proposatu duenez.
Maizterrak: "Gehiago zorpetuko gaitu"
Maizterren sindikatuek onartu dute pauso bat direla neurri horiek, Ministroen Kontseiluak onartzen baditu behinik behin, eta "presio soziala" eragina izaten ari dela. Baina hala ere, mikrokredituetan sartzeak edo moratoriak are gehiago zorpetuko dituela uste dute, zulo ekonomikoan sartuko baitira.
Horregatik, alokairuen grebarekin jarraitzeko asmoa adierazi dute, apirilaren 1etik aurrera, eta alokairuen kobraketa "bertan behera" uzteko eskatu dute.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]