Lehen aldiz arabar bat Euskal Herriko txapeldun

  • Aroa Arrizubieta (Gasteiz, 2001) nagusitu zen ekainaren 10ean Saran jokatu zen Euskal Herriko Eskolarteko 34. Txapelketan. Joanes Illarregi leitzarra izan da txapeldunorde. 200 lagun inguru hurbildu ziren finala jarraitzera.

Estitxu Eizagirre @eeizagirre
2017ko ekainaren 12a

Aroa Arrizubieta Armentia ikastolako bertsolaritza ikasgaian zaletu zen, Uxue Diaz de Cerio irakasle zuela. Ondoren Bertxilika bertso-eskolarako pausoa eman zuen, eta Maddi Gallastegirekin hasi zen gehiago trebatzen. 2013ko eskolarteko bertso topaketan parte hartu zuen, eta 2016an irabazi zuen lehenengoz Arabako eskolartekoa. Euskal Herriko Eskolartekoa irabazi duen lehen arabarrari Amets Arzallus Euskal Herriko bertsolari txapeldunak jantzi zion txapela.

Euskal Herriko finalistak

Zazpi lurraldeetako ordezkari hauek kantatu zuten Sarako finalean: Oihana Arana Kardenal (Eskoriatza, 2001), Aitor Ugarte Eriz (Aramaio, 2002), Iruri Altzerreka Martinez (Garai, 2000), Xabat Illarregi Marzol (Leitza, 2001), Aroa Arrizubieta Barredo (Gasteiz, 2001), Julene Etxeberri Pacheco (Sara, 2001), Oier Urreizti Lafitte (Bidarrai, 2000), Haritz Capot Thornary (Zalgize, 2001), Beñat Bilbao Landa (Gernika-Lumo, 1999), Joanes Illarregi Marzol (Leitza, 1999), Irati Alcantarilla Urdanpilleta (Urruña, 2001), Jokin Irastorza Zabalegi (Oiartzun, 1999) eta Elixabet Etxandi Goyenetche (Izpura, 2000).

Finalaren ostean bazkaria eta Odei Barroso eta Iñaki Viñaspreren rap emanaldia izan ziren.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskal Herriko Eskolarteko Txapelketa  |  Gasteiz  |  Sara

Euskal Herriko Eskolarteko Txapelketa kanaletik interesatuko zaizu...
Eguneraketa berriak daude