Laura Borràs da Kataluniako Parlamentuko lehendakari berria

  • Lehendakariarekin batera Legebiltzarreko Mahaia ere hautatu dute. Zazpi kide izango ditu, bi ERCkoak, bi JxCat-ekoak eta bi PSCkoak. Lehenbiziz, CUPeko diputatu bat mahaian izango da.


2021eko martxoaren 12an - 16:53
Laura Borrás, ezkerretik hirugarrena, gaurko ekitaldian. (Arg.: Kataluniako Legebiltzarra)

Laura Borràs JxCat-eko presidentetzarako hautagaia izan da iragan berri diren hauteskundeetan eta, bere lehenbiziko hitzaldian, aitortu du bera Gobernuko lehendakari izateko aurkeztu zela hauteskundeetara, baina legebiltzarreko kargutik bultzatuko duela independentzia prozesua: “Demokrazian legea herritarren menpe dago eta ez alderantziz, guk ordezkatzen ditugun herritarren nahia da legebiltzarreko muga bakarra”.

Argi utzi du, halaber, berak espetxean dagoen Carme Forcadell legebiltzarreko lehendakari ohiaren lorratza jarraituko duela. Vilaweb-ek jakinarazi duenez, Borràsek ez du egin Roger Torrent (ERC) orain arteko lehendakariak egindako bidearen aipamenik. Gogoan izan ditu espetxean eta herbestean diren preso katalanak eta azpimarratu du legealdi honek izan behar duela “inflexio puntu bat independentziaren bidean”.

Eguneko beste une gertaera deigarria izan da CUPek boto bat eskaini diola JxCati, alderdi horretako Lluis Puigi zegokiona. Puig Kataluniako Gobernuko Kultura sailburua izan zen eta egun Bruselan herbesteratua dago. JXCateko diputatu hautatu berri dute, baina legebiltzarreko adineko mahaiak ez dio utzi mahaiaren bozketan parte hartzen eta, elkartasun keinu gisa, CUPek bere boto bat eskaini dio.


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude