Labriteko pasarela eraikitzeak 669.000 euro balio izan zuen eta milioi bat euro konpontzeak
2010ean eraiki zen pasarela, UPNko Yolanda Barcina Iruñeko alkate zela, krisi garai gogorrenean. 2016an itxi zuen Joseba Asironen udal gobernuak, eraikuntza arazo larriak aurkitu zirelako. Egun, oraindik konpontzen ari dira.
Enrique Maya orduko UPNko zinegotziak –gaur Iruñeko alkate– gogor salatu zuen erabakia eta udal gobernua astindu zuen gaiarekin legealdiaren zati handi batean. Noraino, eta 2019ko udal hauteskunde programan, alkate atera ezkero pasarela ostera irekiko zuela iragartzeraino. Alkatetza eskuratzea lortu zuen, baina Labriteko zaldaina berriz irekitzea ez.
UPNren handikerietarako sinbolo horietakotzat har daiteke Labrit kaleko trafiko handia airez saihestu nahi zuen pasabidea. Kaleak oinezko bi pasabide ditu, eta airezkoak izan zezakeen logikarik, eta logikoena, seguruenik, askoz azpiegitura merkeagoa egitea litzateke, are gehiago 2007ko krisia bere gorenean zegoen garaian.
Baina handikeria erraietan daramanari ezin eskatu irtenbide xehe eta duinik, are gehiago pasarelatik metro gutxira Sanferminetako Museoa eraiki nahi zuenean, hori apur bat garestiagoa, 6,5 milioi euroko aurrekontua baitzuen. Museoaren proiektua bertan behera geratu zen, krisiak eta gobernu aldaketaren haizeak eramanda. Labriteko zaldainak, ordea, zutik dirau, baina ez kostu txikiarekin.
Zenbakien dantzan, gainera, bestelakorik ere bada, Jose Asiron Iruñeko alkate ohiak 2019an idatzitako artikuluan pasarelaren kostua 1,2 milioi eurokoa izan zela zehaztu baitzuen. Edozein kasutan, handikerietan txiki geratzeko beldurrik ez duela erakutsi du Maya alkateak berriz ere, pasarela bat egiteko ia 640.000 euro gastatu bazuen, aurten Sanferminetan Nafarroako bandera erraldoia jarri baitu foruen plaza 100.000 euroko kostuarekin.
Esperpentoaren mugan, halaber, 2012ko maiatzean Iberoamerikako Arkitektura eta Hirigintzako VIII. Bienalak mundu mailako 26 eraikuntza saritu zituen, horien artean Labriteko pasarela eta bere ingurunea.
Diario de Noticias-ek astean kaleratu berri duenez, konponketa lanetan dagoeneko 1,04 milioi euro xahutu dira. Oraingo pasarela eraitsi –aurreko legealdian egindako azterketek hala gomendatzen zuten– eta berria eraikitzearen aldekoa zen oposizioa, gaizki eraiki izanaren kalteordainak pasarela eraiki zuen enpresari egotzita. Ez zen horrelakorik egin eta konpontze lanek aurrera darraite. Azken diru partida sanferminen bezperan onartu zuen Iruñeko Udal Gobernuak, uztailaren 5ean, festetako oihartzunen itzalean, 122.000 euro gehiago. Udalak dio oraingo konponketa gastuak eraikuntzan aritu ziren enpresei egotziko dizkiela kalteordain gisa.
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Donostiako alkate ohiak webgune bat sortu du, eta plataformarekin bat egiteko eskatu die herritarrei.
Etxebizitza berrien promozioak ez atzeratzea da Eusko Jaurlaritzako Gobernu Kontseiluak onartu duen dekretuaren helburu nagusietako bat. Zentzu horretan, udalei "autonomia" gehiago emango diela ziurtatu du Denis Itxaso sailburuak.
Hirietako egunerokoa interesatzen zaio Sarah Babiker kazetariari; ez, ordea, postaletako irudia, baizik eta auzoetan, parkeetan, eskoletan, garatzen den bizitza; bertan dabilen jendea. Lurralde horretan kokatzen dira bere artikuluak, baita iaz argitaratu zituen bi lanak ere... [+]
Burgosko Gamonalen 2014ko urtarrilean gertaturikoa M15 mugimenduak eta antzekoek hauspotutako protesta soil batzuk izan zirela uste duena, oso erratuta dabil. Auzoaren memorian arakatzea besterik ez dago konturatzeko zer nolako eragina izan zuten iraganeko galera sentimenduak,... [+]
Iaz egin nuen topo lehen aldiz Ander Zangiturekin, Azpeitiko Dinamoa sormen gunean antolatzen duten Hitzaren Eskolan. Isiltasunaren inguruan aritu ginen, batez ere, hausnarrean. Harrezkeroztik tentu handiagoz erreparatu die haren formei bere ogibidearen mundutik, arkitekturatik... [+]
AEBko eta munduko hiri handienetakoa den Los Angeles sute ikaragarriek harrapatu dute eta jadanik 150.000 lagun lekuz aldatu behar izan dituzte agintariek. Alkateak larrialdi egoera ezarri du, garrek ehundaka etxe kiskali dituzte hainbat auzotan, eta haizete gogorrek ez dute... [+]
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.
Londrestik iritsi da ospe handiko arkitekto bat Galiziako herri txiki batera. David Chipperfield du izena, eraikinak mundu osotik zehar ditu, Berlin, Milan eta Shangaigo bulegoetatik lanean. Arkitektura elegantea, fina, Sir batek egindakoa. Istorioa Corrubedo herrixkan hasten... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Mediterraneoan tanta hotz batek eragindako triskantzak erakutsi digu gizakiak noraino sartu dezakeen hanka. Klima larrialdia sortzeaz gain, bere kalte humanoak eta ekonomikoak anplifikatu ditugu. Copernicusen datuen arabera, 400 kilometro koadrotik gora lur geruza... [+]
Ekintza zuzena burutu dute Donostiako Marrutxipin 600 pertsonatik gorak. Ategorrieta ondoan, Sorleku parkea egitea nahi duten lur-eremuaren inguruan buelta bat eman ostean, barrura sartu dira ordu erdi pasatxo iraun duen protestan. Duela hainbat urte, Donostiako Udalaren... [+]
Ugariak dira Dana denboraleak Valentzian eragin duen hondamendiaz egin diren irakurketak. Beste faktore batzuen artean, gizakiak naturari ebatsitako eremuez luze mintzo dira hedabideak, ibai eta itsaso ertzak hormigoiarekin betetzeak duen arriskua dela-eta. Hormigoiarekin... [+]
Bilboko Alde Zaharreko Korrika batzordeak auzoan egin zuten ekimen bat baimenik gabe antolatzeagatik udalaren 1.500 euroko isuna salatu du. Ekintza hau arau-hauste larritzat jo zuen udalak, eta auzokideek espazio publikoaren erabilera defendatu dute.
Japonian auto (pribatu) bat izateko aparkaleku (pribatu) bat izatea derrigorrezkoa da. Neurria polemikoa iruditu dakiguke, hemengo araudiak (hemengo balore sistemak) autoaren gordailua publikoa den espazioak hartzea onartzen duelako. Hau da: arazoa publikotasunaren... [+]