Kontsulta Legea eramango du EH Bilduk Eusko Legebiltzarrera
EH Bilduk Kontsulta Legea legebiltzarrera eramango duela iragarri du Asier Arraizek. 2016an EAEko herritarrek etorkizunaz erabakitzeko kontsulta egitea nahi du koalizioak.
Katalunian bizitzen ari den egoera dela eta, Euskal Herriak ere bere egoera birkokatu behar duela adierazi du Asier Arraizek astearte goizean Radio Euskadin egindako elkarrizketan. Kontsultaren ekimenarekin EH Bilduk euskal prozesu konstituziogilea azkartu nahi duela azpimarratu du.
EAJk ere ekimenari sostengua ematea nahiko luke Arraizek eta gogora ekarri du EAJk 2015erako kontsulta bat egitea agindu zuela bere hauteskunde programan. Kontsultarik ez denez egingo aurten, datorren urterako EH Bilduk aurkeztuko duela horretarako aukera eta EAJren sostengua ere izango duela espero du.
Baina mesfidati agertu da Arraiz jeltzaleekiko, hauek gaur egun CiUko Unióren harian ikusten dituelako eta ez Convergenciarenean, berak nahiko lukeen gisan.
"Gure helburua ez da EAJrekin lehian aritzea ea zein den independentistagoa ikusteko. Gure helburua da Araba, Bizkaia eta Gipuzkoak tresna eraginkorra izan dezaten prozesu konstituziogilea azkartzeko", azpimarratu du Arraizek.
Ordizian orekara eramango gaituen interbentzio plan berezi bat behar dugu; urteroko matrikulazio lehia eta arriskutik atera, egonkortasuna eman eta herriko ikasleak modu orekatuan batzeko aukera emango digun plana.
Igande honetan egingo dira hauteskundeak Katalunian, maiatzaren 12an. Procésaren ondorenak eta Carles Puigdemonten balizko itzulerak estali ditu zenbait mintzagai. Baina abian dira bi proiektu erraldoi eta esanguratsu, biak ala biak turismoari estuki lotuak: Hard Rock... [+]
"Zenbat dugun kontatzeko!" mapa ilustratu bat sortu dute elkarlanean Ikas Bi, Biga Bai, Euskal Haziak, Seaska eta Euskal kultur Erakundeak.